قصه وطن

البارت العاشر

وطن:بعد نوم مدري كم ساعه كعدت المغرب راسي ح ينفجر الالم مو طبيعي كأنو عبوه ناسفه مفجوره بوسط راسي باوعت ع امي وهمام نايمين والناس اللي ويانه شي نايمين وشي كاعدين يسولفون

عفتهم طلعت بره ادور على احد ينطيني علاج او شاي لانو بعد ما اتحمل هالالم

شفت واحد صحتلك خويه

عبد الله:إمري خويه
وطن:فدوة راسي ح ينفجر اريد علاج اذا تكدر تحصلي
عبد الله:صار..
رحت للمفرزه الطبيه اللي جانت ويانه وجبتلها علاج وماي ورحت انطيتهن الها
وطن:مشكورة خويه
عبد الله:بالخدمه اي شي تحتاجينه انه موجود
وطن:اكلك تعرف واحد اسمه علي تقريباً عمره بالعشرين ما يتجاوز ال26 سنه
عبد الله:ايي هذا اخوي وصديقي
وطن:وينه هو
عبد الله:فتره ويجي هنا
وطن:ان شاء الله خير ، يلا خوي اخذ راحتك

عبد الله:رحت خابرت علي وكلتله عن وطن لان هواي اشوفه مهتم بيها
علي:مكشور خويه ما تقصر
عبد الله:واجبي هذا♡

تسارع الاحداث..

وطن:بقينا شهرين ع هالوضعيه الملابس والاكل ما مقصرين ويانه الشباب كلشي يجيبولنا و خلولنا بعد خيام حته تكفي العوائل وفراشات وكل فتره يجيبولنا مساعدات من اهل الجنوب والوسط و موفريلنا حمايات من هجوم داعش المفاجأ
واخوي وامي بعد ابوي انه كدرت اصير قويه واكون سند الهم من بعد الله والحشد وشكد ما اكدر ابين يمهم انه قويه حته اكدر اسندهم هو جان المفروض امي تكون النا سند لكن بعد وفاه ابوي الله يرحمه صارت ضعيفه لدرجه ما تكدر تسند نفسها بنفسها واني ما الومها اكيد حقها المنظر والموقف العشناا بهذاك الوقت مو شي هين حته ينسي بسرعه بس الحمد الله ع كل حال

عبد الله:اليوم احنه بالشهر التاسع وانه صارلي شهرين عايف اهلي وطالع وي الشباب ف قررت اليوم ارجع للبيت اشوف اهلي طگ گلبي عليهم واحتمال اذا الله سهل ارجع مره ثانيه وي الشباب
واما عن علي فهو بغير منطقه بعيد عني وصار هواي ما شايفه بس قررت اخذ وطن وعائلتها وياي للبيت هيج صعب عليهم وخاصه علي وصاني بيهم ما اكدر اعوفهم بعد حاولت اقنع وطن بألف طريقه حته تقبل تروح وياي واجهت وياها صعوبه يلا قبلت تروح وياي للبيت حقها لانو ما تعرف انه شنو ف خافت مني بس بعد مناقشات ومشاكل وياها دامت يومين يلا وافقت تقنع امها واخوها ويرحون وياي

وطن: امي بسرعه وافقت نروح وي عبد الله لانو شهرين هو وكف ويانه وكفه خوالي ما واكفينها وي امي هيج والحمد الله ما قصر وهسه صار اليوم اللي نروح وي عبد الله للبصره حظرنا ملابسنا وكملنا وهو كدر يحصل سياره توصلنا لبيتهم جانت السياره لمجموعه من اصدقائه هم رادوا يرجعون للبصره ف هو كاللهم ارجع وياكم وي هالعائله

صعدنا بالسياره وبديت تمشي الطريق كله عباره عن صحراء ماكو بشر مجرد كم بيت متدمر بسبب المعارك
والهم اللي بگلبي محد يعلم بي غير رب العالمين وكسره خاطري محد يكدر يجبرها جنت اتمنى نرجع وابوي ويانه جنت اتمنى نرجع لحياتنا قبل وهواي جنت اتمنى بس كله مجرد امنيات ما تتحقق...لا ابوي راح يرجع ويانه ولا نرجع لبيتنا
كل همي بهالوقت شلون راح نكمل حياتنا من دون ابونا خيمتنا سندنا
منا امي ما الها حيل بعد وفاه ابوي ومنا اخوي اللي بعده طفل ما يفهم شي بهالحياه بس كل مره ادعي الله ينطيني القوه واكون عون الهم واذا كدرت ارجع لدراستي،،،
الف شغله وشغله ببالي راسي حينفجر من التفكير كلت خلي كلشي على الله واكيد تصفى و لكيت امي وهمام نايمين ف اني هم نمت

يتبع .....