قصه وطن

البارت الثامن

وشوي وصار هوسه ورمي

صاح واحد من الشباب اخذوو العوائل بالسيارات والشباب اخذوا مواقعكم العدوو گدامنه

وطن:صعدنا اني وأهلي وكل العوائل الويانه بالسيارات جانو سيارات كبار هن مال جيش
ف مشت بينه السياره وجان وبانه مجموعه من الشباب هم والبقيه بقوا يحاربون الدواعش

مشينه بالسيارات وكل بالي يم علي
كل شوي اكول بس كون يطلع علي ويا الشباب اللي اجو ويانه مدري ليش هلكد اهتمله بس حيل خفت عليه وبالي مشغول بي كل الطريق وانه ادعي انو علي ويانه واذا مو ويانه يا رب ما يصيبه ضرر💔

دنمشي و وصلنه لسيطره وكفتنا...
"چانت السيطره تابعه للدوله الاسلاميه"
بس شفتهم تذكر ابو فارس وبقيت ابجي اني مميته عليه بس شكله مرعب كلش ويخوف وخاصه انه عندي فوبيا من الدم وهذا منا وگع كبالي وشكله مو حلو حرفياً لعبت نفسي منه

راستاً فتحو السياره وخلوا وبقو يجرجرون بينه واحد واحد واني بس ابجي واعيط وبالاخص من اشوف امي وهمام وابوي شلون يجرون بيهم انتهيت تمنيت اموت بهاللحظه ولا اشوف اهلي بهالوضع وانه ما بيدي شي عليهم
اصعب شي بالدنيا من تشوف شخص اقرب الك من روحك اللي هم عائلتك قطعه منك هيج يصير بيهم وينذلون وانت ضعيف بهاللحظه ما تكدر تسوي شي غير الدعاء...
اني اباوعلهم وابجي وألف دعاء ادعي بالثانيه بس كون نخلص منهم وما يصيب اهلي مكروه...الوضع دمرنه حيل دمرنا دمار يا رب خلصنا فدوة اروحلك💔

بعد ما نزلونا من السيارات وسطرونه وتحد بصف الثاني وشددوا ادينه ابوي حاول يوگف يمي وكال اذا سئلوج منين كوليلهم الموصل لانو بس يدرون اصلنا بصراوي وهم يدرون اهل الجنوب اكثرهم شيعه ف نروح بيها
وطن:صار بابا
عمر:اذا صارلي شي عينج على اخوج وامج
وطن:اسم الله عليك
عمر:كلشي ويصير بويه الحذر واجب
وطن:ان شاء الله كلشي ما يصير

وطن:فجأه صاح واحد على ابوي مجرد ما دار ابوي يريد يرد عليه

ورمى أبوي😭💔

بهالحظه تمنيت الطلقه جايه بيه ما ضل عندي اي حيل بعد اشوف امي تصرخ بصفحه وهمام بس صافن على ابوي وهو يتنفس أخر انفاسه واحنه ما بيدنا شي ومكان مكطوع ومنا هذول الدواعش اي خطوه اخطيهه يمكن اخسر اخوي بعد لو امي شسوي يا الله ابجي واصرخ وماكو احد يرد عليه توسلت بيهم توسل حته يساعدون ابوي وساعه اركض اتوسل بيهم وساعه اركض لأبوي واحاول اساعده بس شبيدي انه بهالوقت؟!

بقيت اصيح عليهم انتم ما عندكم رحمه عساها باقرب شخص عليكم فدوةة ساعدوا ابوي فدوة اروحلكم اسوي اي شي تردونه بس انقذوا ابوي..
وهم يباوعولي بطرف عينهم ولا كأنو اكو شخص ينازع الحياه بس اريدهم يحسون بيه شوي وهم ولا كأنو اكو احد محترك دمه

خلص الامل عندي كلش ابوي كم دقيقه وابوي يتوفى وانه ابجي وادعي يجي احد ينقذ ابوي بعد ما يأست من كلشي كعدت بالكاع وابجي واصرخ والجو صيف والشمس قويه

تمنيت بلحظتها بس شخص يسندني ويساعدني بس بوقتها كلمن ملتهي بأهله وعائلته واني دمي محروك وميته بس اريد ابوي ينقذونه والمصيبه الطلقه أجت بصف گلبه عساها بيه اجت💔

وره لحظات اجو الحشد و ....

**

يتبع....