قصه وطن

البارت الثاني

نزلنا من السياره واحنه كلنا ما باقي بينا قطره دم من الخوف لان هم بس اشكالهم ما تطمن بالخير ابداً
صاحو طلعو جناسيكم بابا طلع جناسينا واخذهم واحد من هذول اللي اشكالهم وييع كال اصعدو بهذيج السياره أشرلنا ع سياره حجمها كبير وسوده وعاليه وعليها الاعلام السود احنه مكلنا يا باطل رحنا وصعدنا بيها نريد نشوف وين ح ح تصفى بينا يخوف الوضع حيل

بعد ما انتظرنا بالسياره اكثر من ساعتين اجه الرجال مثله اللي كاللنا نصعد بالسياره وكال ح اخذكم اليوم وياي تنامون يمنا وبعدين يصير خير

هنا اجت الف فكره ببالي وحيل خفت على اهلي وبالأخص همام بعده صغير عمره11 سنه شيردون يسوون بينه هذول

وصلنا للمكان اللي اخذنا اله هالرجال كال نزلو دننزل اخذنا غراضنا كال خليهم بهالغرفه وتعالة هنا واحنه خلينا غراضنا بالغرفه المطلوبه واني الف سؤال ببالي لويش اختارنه احنه وجان ويانه اكثر من 10 عوائل لويش اختارنه احنه بالذات؟💔🙂

تكلم وياه بابا
عمر:أخي لويش اختاريتنا من بين كل هالعوائل؟
الرجال:وأنت شدعوه هيج تدقق بكلامي؟
عمر:لا يخوي بس مجرد سؤال
الرجال: سكوتك أحسن الك والي
عمر: زين حته ما عرفتنا بيكم انتم منو؟ (واضح انو عمر لطش للرجال😂)
الرجال:انا أبو فارس يونس العبوش
عمر:كل الهلا بيك
ابو فارس:وأنت منو وهذول عائلتك مو؟
عمر:اني عمر وهذي بنتي وطن وابني همام وهذي زوجتي ام وطن
ابو فارس: ما شاء الله بنتك جميله
عمر:تسلم

وطن:عزاا اني حيل خفت من كال عليه جميله احس حياكلني بنظراته رحت بسرعه ختلت وره أبوي ونظراته الي حيل تخوف~~

عافنا ابو فارس يونس المبعوش وطلع من الغرفه اللي أحنه بيها(كبر هذا الرجال شكد غثيت وحته اسمه ويع وانوب اسمه اطول مني شنو هاي ويييع)
وكعد بابا يصبر علينا ويكول لا تخافون ان شاء الله نطلع منهم انوب كال هذول إحتلو الموصل ويردون يهجرونا منها واللي يريد يبقى هنا لازم يخون العراق ويصير وي الدوله الاسلاميه "طبعا بابا جان ديحجي بصوت ناصي لان هذول اذا سمعوو كلامنا يجيون كبل يموتونا هذول شحده اللي يحجي عليهم يدفنونه بمكانه ناس ما عندهم أي ذريه رحمه"

انوب صار سكوت اشوف ماما نامت لان حيل تعبانين والدنيا حاره وهذا ابو فارس خلانا بغرفه بارده ف كيفنا ع الجو ونمنا
.
.
.
يتبع....