"Ayos ka lang ba, hija?"
Bakas ang gulat sa mga mata'y napaatras ako mula sa kanya ngunit lalo lang akong natakot nang makita kong hindi nagbago ang ngiti niya at ang titig niya sa akin.
Hindi ko mahanap ang tamang mga salita at tulad nang dati, nihindi ko na kailangang sumagot dahil nariyan naman si Mama.
"Ayos lang yan si Clara, John! Huwag mo na intindihin!"
Oo, tama. Okay lang ako, sabi nga ni Mama.
Guni-guni ko lang siguro yon.
Wala namang sinasabi si Mama na hindi mabuti para sa akin.
