روحي تحتضر

بارت 43

🌻صدفة_القدر🌻 تأليف📖:Ikram Pancholi 🌻الجزء40🌻 ساجد بصوت حاد : اوا منعرف بيازيد هز راسو وهيا تجي على انيس : واااه شكون عندنا انيس مبتاسم كان كيشوف فيهم بجوج : عمركم تفاهمو هه بيازيد مشا لعندو شاد فمو : قوليه هو اتفرق عليا غي حيت كبر مني كنحتارمو انيس عنقو فاش وصل لعندو : ههه متأكد كتحتارمو داكشي علاش مكترجعش ضربتك ساجد : كتحرشو اولا انيس : هه الله اخليكم لبعض اسيدي ذهب كانت جالسة على لكرسي فالشرفة كتفكر فلي جااي وفحياتها لمملة بالنسبة لييها تنهدات : نمشي نشوف مامي وقفات شادة عصاتها : روكيي بقا هنا متمشي فيين رجعات شعرها لور وخرجات بخطوات ثابتة حتى ركبات للمصعد وبركات على الزر للطابق لفيه غرفة كلثوم ..دقائق وخرجات غادة لعندها حتى كتساطح مع شي حاجة قاصحة انيس : ذهب لبااس ذهب ضربها الضوء من كلامو : انيييس !! ااش جابك لهناا انيس : مغاديش ترحبي بولد خالك ذهب خبات دموعها : اه مرحبا بك بغات تمشي وهو اشدها من ايدها : كنعتادر على كلام آخر مرة ذهب بتاسمات بزز : لا هه عاادي موقع والو انيس : حسابلي باقا عاقلة ذهب : لا نسيتو دغياا حيت ماشي مهم مسحات على شعرها بتوتر كتحاول تصطانع جدار لقوة : احم كنت باغا نشوف مامي ساعة بلاش ..ممكن تحيد من قدامي باش ندوز كيف كتعرف انا وليت عميا انيس خوا ليها الطريق : مغاديش اكون عندك مشكيل لبقيت عندكم ذهب : دار داركم سكتات شحال عااد نطقات موركة على كلامها : اخويا انيس بتاسم : ربي اخليك اختي ذهب بتاسمات كتحاول تحافظ على توازنها عاد رجعات بخطواتها حتى وصلات لبيتها ..قصدات الشرفة مباشرة كتحاول تاخد اكبر قدر من الأكسجين وعينيها عامرين دموع مقدراتش تحبسهم عيات صابرة وهيا تجلس فالأرض كتبكي بحرقة كتحس بقلبها كيتقطع طراف طراف. .فهاد اللحظة تفكرات يوسف وهيا تمسح دموعها بعجرفة نطقات موركة على كلامها كتداعي لقوة : خاصي نشوفو غداا داز لوقت. . كان هابط هو وكلثوم فرحان حيت شاف عمتو انيس : سمحيلي غادي نخرج لعلى برى واحد الشوية كلثوم : خود راحتك اولدي انيس بتاسم وخرج كيكتاشف فحديقة دلقصر بعينيه ..سمع تيلي جاوب ديك الساعة كانت مكالمة من لخدمة ضرورية. .بقا مركز مع لابيل حتى كيترش عليه لما على وجهو ..دور عينيه لقا راسو واقف حدا لبيسين بلاما احس على راسو امتى وصل لهنا ..نتابه لشي حاجة كتحرك وسط لما بخفة بحال حورية دالبحر. .جاه لفضول اعرف شكون بقا واقف فبلاصتو حتى كيتصعق فااش خرجات راسها من لما كتمسح عليه بلطف. .حلات عينيها الزورق كترمش بالشوية حتى جات نضراتها عليه. .مهتماتش وكملات سيباحتها حتى عيات وخرجات كتقطر بالما لي هواد مع جسمها لمنحوث وسط دوبياس فالبلوسيال ..وشعرها لعسلي لي فزكو خصلاتو ..قربات لعندو يله غادي تنطق وهيا تضربها بزلقة كانت غادي طيح كون مشدهاش محاوط خصرها هااد لمشهد كامل كانت تحط عينيه وهو واقف فالشرفة كيجغم من كاس دالويسكي ..عقد حجبانو كارنهم على جهدهم فاش شافو محاوطها من خصرها ..مشعرش براسو حتى زف بالكاس بقوة و ترماو قطع الزاج فالأرض ..مشا طير بحال الاعصار : ليوووم نربيي لقح** ...غاااااادي نقتلللك البرهوووشة