روحي تحتضر

بارت 72

🌻صدفة_القدر🌻 تأليف📖:Ikram Pancholi 🌻الجزء70🌻 شرقات الشميسة كتعلن صباح جديد ونهار جديد. . على طابلة دلفطور نعمان شاف فكلثوم لي يله جلسات حداه : فيينهم لولاد كلثوم : طلعت عند ساجد راه نازل. .وبيازيد خرج بكري معرفتو فين مشا نعمان :غادي تكون لقراية امكن كلثوم : على معارفة معندوش حصص ليوم نعمان : اممم سكت وهو كيجغم من كاس دلعصير عاد رجع نطق :ذهب حالها معاجبنيش كلثوم تنهدات : مكتبغيش نرسلو معاها لكارد ..كنحاول منخسرش ليها باش متحسش بالضعف نعمان : هاديك هيا نور عينياا ..حتى لهاد لمرة فاش تخرج اوصلها الشيفور وقوليه ابقى مراقبها بالتخبية حتى ترجع ..بااش نطمأنو عليهاا مبغيتش تصيبها شي حاجة كلثوم هزات راسها باه : واخة قاطع محادثتهم صوتو لباح بسباب النعاس : صباح الخير باس جبين كلثوم وجلس فبلاصتو اول حاجة باشر بيها قهوتو لمعتادة نعمان : ليوم كين اجتماع تصميم لماركة ..خاص تحضر ساجد هز عينو فيه : واخة ..نمشيو بجوج نعمان فرحان بولدو حيت معاه : كون غي بقيتي اولدي بلاش من شي سفر كلثوم قلبها طيب : اه اولدي بقا معانا وجودك كيعمر عليناا ساجد شاف فيهم بجوج : نتوما عارفين عمري طولت لجلسة فالمغرب حتى لهاد لمرة. .مبغيتكمش تحكرو مكنرجعش فقراراتي كلثوم : هيا باقي لحد الآن غي على قبل آريا ساجد بغا ابدل لموضوع : فينها ذهب كلثوم فهماتو : مزال مهبطات ..لقيتها ناعسة اتكون عياانة نعمان : غدااا خااص اكون مميز وكلشي فبلاصتو كلثوم : كون هاني. .كلشي غادي اكون تمام راك عارف نعمان باس ايدها : هههه عارفك قادة بشغالك ساجد خاشي راسو فتيلي معلابالوش بلي دير بيه : هاد بيازيد خاصو شي بلان هو هدااك نعمان : قلتي شي حاجة ساجد هز راسو لعندو : والو غي داك ولدك كيشوه بييناا كلثوم حبسات الضحكة : من لبارح والاتصالات محبسوش ههه ..قالولي مبروك لكنة الجديدة ساجد كمش فمو و دفش تيلي فوق الطابلة. .عاد هز قهوتو مخنزر وعينيه مكيبشروش بالخير يله اينطق وهو اسمع خطيواتها وعطرها الطفولي ..تلافت باغي اتأكد ورجع شاف قدامو عاقد حواجبو كيقول فنفسو كلشي بسبابها مجرد مدخلات لحياتو روناتها سفاها على علاها آريا قربات لعندهم كتلعب بخصلات شعرها : بووم ديااا "صباح الخير " حتى واحد مجوبها حيت معرفوش اش قالت حتى سرات معاها انه مخصهاش تهدر قدامو هاكة : كوود مورنيين نعمان : كوود مورنيين ساجد : نهار باين من صباحو وقف كيمسح على شعرو : هاني مشيت ..لواليد كنتسناك نعمان : جلس باغي نهدر فشي حاجة ساجد جلس : كنسمعك كلثوم قربات لآريا لماكلة هاد الأخيرة لي طاحت فيها عميا مكتخليش فمها افرغ بالعكس كتزيد الدكك بحاليلا خيفا اكملو لماكلة واخليوها بلاش خخ ساجد شاف لعندها عفط على رجلها من تحت الطابلة حتى غوتات : معاامن كتسابقي آريا هبطات عينيها لرجلها ورجعات شافت فيه كتخنزر. يله اتشد لبيض مصلوق تزفو عليه وهيا تحبسها كلثوم عاتقة لموقف بتاسمات بزز : حبيبة فطري متديهاش فييه آريا : لبارح باسني عوتاني حتى تخنقت واليوم عفط على رجلي هءءء 😭 رجعات شافت فيه بنضرات شرسة : صوووجووو😠 ساجد يله ايحط عليها ايدو وهو انطق نعمان : ولدي لبنت مزال صغيرة ساجد كيشوف فيها بنص عين : الا كانت مزال صغيرة انعاود ليها التربية على ايدي كلثوم مبتاسمة : كولي ابنتيي متسوقيش لييهم آريا كتعيب فييه بفمها : تبوسني مرة خراا نعمرليك حوايجك ساجد مقادرش اهز عينيه فواليديه : هاااد لبرهوشة مغااديش تسكت كلثوم ونعمان حادرين راسهم حابسين الضحكة ساجد ستاغل لفرصة وجرها من دراعها لعندو : مااالناا آريا : رخيي مني الهيمااجي ساجد :وااش كلشي خاصو اعرف انيي بستك آريا موركة على كلامها : اه ساجد زرب عليها شاد فكها بحاليلا باغي اهرسو وباسها بعجرفة وبقوة حتى خرجات عينيها عاد رجعها لبلاصتها : يله قولييها بااش نعاودها لييك آريا : هءءء انقولها لبيازيد يللله😭 يله غادي اعاود ليها لموقف وهو انطق نعمان : خاص نديو معانا آريا للشركة ساجد باستغراب : علاش ؟؟ نعمان : الرؤساء عجبتهم خدمتها ومتحمسين لوجودها فالاجتماع ساجد : مساكن غادي اتصدمو فاش اعرفوها حمقة مقطعة آريا كتاكل بعجرفة : صووجووو نعمان وجه كلامو لكلثوم : طلعي وجديها وختاري ليها لباس مناسب كلثوم : وااش متأكد من هادشي لي كتقول ولا دارت شي حاجة لبنت مزال صغيرة وعاد مرضها ..اقدر ضمر كلشي بهاد لقرار نعمان : غي ديري اش قلت لييك ..مبقاش عندنا بزاف دالوقت ساجد بقا غي ساكت جاه نعمان فهاد اللحظة غي كيخربق نعمان : احم غادي اكون حتى ثامر ساجد ببرودة : عارف نعمان : كنتمنى ميوقع حتى مشكيل ساجد وقف : هاني خارج حتى تساليو هاد لمسرحية وداكشي لكان موقف بخطواتو حتى للبيسين جبد كارو كيكمي وكينتر منو مرة مرة.. كيفكر فلي جااي واشنو ممكن اوقع كلشي ترون دابا ..ميمكنش اسافر حتى ترجع لعقلها باش تمشي لموطنها وحبابها كلثوم بقات مع آريا حتى شبعات عاد طلعتها للفوق نيشان للغرفتها دخلاتها للحمام #يتبع