روحي تحتضر

بارت 132

💔الجرح_العميق💔 تأليف📖:Ikram Pancholi 💔الجزء128💔 وصل لعند لباب وحلو بالشوية عينيه كيطلقو القرطاس وزادو شعلو فااش عرف شكوون : مااال ك** ملقيتي غيي دابا انيس خرج عينيه كيشوفو غي بالبوكسور : سمح لياا مقصدتش. .غادي نكون جيت فوقت غير منااسب ساجد مسح على راسو : قو** قبل نسااا رااك ولد خالي انيس شافو شاعل مبغاش ازيد معاه فالهدرة ساجد عاد سرات معاه شافو غادي وهو اوقفو : اجيي اشنوو جابك لعند مرتيي ااش قللت لطااسيلتك اناا انيس تلافت لعندو مرتابك : رااه كنت جاايب الدوى ديالها وعرفتك اتكون عندها داكشي علاش جيت ساجد مطول فييه الشوفة : سير ومتلافتش مورااك هز راسو باه وقلب الدورة كيغلي..طاح فبالو بزااف دالتخايلات مبغااش تكون صحيحة. .جمع ايدو على شكل قبضة مجرد مكيتخايلهم على فراش وااحد كيبغي احماق من التفكير ساجد ضرب ايدو مع لباب حتى تزعزع وسدو صااعر بالبياان..زفر ساخط ودار لعندها خرج عينيه من هول الأعصاب كيشوفها مرخية وناعسة بهدوء .مخليااه واقف مبنج كيوزع نضراتو عليها ضرب برجلو واحد الديكوغ حتى تهرس ومشا لعندها كيضرب حنكها بالشوية : آريا. .حلي عينييك. .حليييهم البرهوشة حتى تشعليني ونعسي داك الساعة آريا ماشي فهاد لعالم داخلا فسابع نومة ومخليااه كيتحرق بالغدايد ساجد عرف مكين والو هاد الليلة. .حاول ابرد واكمدها فقلبو. هزها بين ايديه عريانة قادها مزيان فبلاصتها وغطاها بالليزار عاد دار للجيهة لخرى من الناموسية كيفكر انه مزال مبرد ..مهنا حتى دخل للحمام طلق عليه لما بارد عاد ترخف ورجعات فيه الروح. .بقا واقف تحت الدوش حتى داز لوقت وخرج بالفوطة على نصو لتحتاني. .كيفكر انه معندوش حوايجو هناا ومفييه ميمشي اجيبهم من بيتو ..داكشي علاش دوز لفيكس لوحدة من لخدم خبرها بآوامرو ..مدازش بزاف دلوقت حتى سمع الدقان فالبيت مشا حل لباب خدا من عندها لبلاستيكة وسد بالجهد حتى قفزات من بلاصتها حيت حسها سهات وهيا كتمدلو داكشي .. جبد بوكسور لبسو ومشا تخشى حداها كيشوف وجها مقابل مع وجهو كيتفكر اشنو كان غادي ادير : لمرة جااية نعسي بااش تشوفي وجهي لاخر زفر وعطاها بالظهر طالع ليه الدم من تصرفها. .مجا فين اغفا حتى حس بايدها رماتها على كتفو كمش عينيه وفمو كيتمتم : كتقلب علياا عااود دور راسو جاعر لعندها ..حتى حس بيها كتمخشش فيه وهيا عريانة ..مهنات حتى حطات راسها على صدرو محاوطاه بايدها وايدها لاخرة لي مضروبة مسرحاها فوق لمخدة ساجد طول فيها الشوفة جا ابعدها وهيا تلصق عليه بحال لكرادة وكملاتها فااش خلفات رجليها مع رجليه حتى رجع شعل عاود كيفكر كفااش ابرد من قربها لييه.تحدى راسو ونعس كيحس بيها كتمخشش فعنقو وتقمش حتى فنعاسها مشاكسة مهدات حتى وصلات بيه للعظم عاد نعسات مزيان بلاما تصدعو بتصرفاتها .. صبح الصباح و بدات اول خيوط اشعة الشميسة بيازيد فاق على صوت لمنبه باغي اصحصح بكري تابعو بزااف دالامور خااص اقادهم ..ناض ساخط مموالفش هاد الوقت مع لعلم يلله 6 جاتو قاصحة. .وكل امرو لله وجمع لوقفة قصد لحمام ماشي بزاف دلوقت باش خرج. .جبد تيشورط و سروال كيطمة ناوي ادير سبوغ بينما برقات الشمس مزياان ..لبس عليه وتبعها صبادرين وخرج كلو نشاط وحيوية ..حبس خطواتو فااش تفكرها بتاسم بمكر ورجع للبيتو هز تيلي وعاود خرج. .دقائق وكان برى للقصر كيتمشى على رجليه. .هز تيلي دوز ليها وحطو على ودنو على الله تجااوب .. بقا غادي كيتمشى وهو كيتسنا تجاوب على شي مكالمة حتى هز حاجبو عاد سمع صوتها نعسان :الوو بيازيد : لعشرة هادي ابنتي ونتي خامرة رهاف خرجات عينيها وبعدات تيلي كتشوف الرقم حيت جوبات بلاما تعرف شكون ..كمشات عينيها بغيظ ورجعات حطات تيلي على ودنها : شكااين ضربك حمار الليل بيازيد باستهزاء :ضربني حماار مصعور بحالك رهاف : تفوو على بشاار ..تلاح الله استر هادا مسالي قبو بيازيد :تقطعي غادي نوريك وجهي الضريف رهاف :كتقصد وجهك لحقير اصلا كااع أوجهك حقيرة بيازيد :دودو مكتقاديش ..من هنا لعشرة الدقائق نلقااك فالحديقة ***** متجييش غاادي تشوفي شي حاجة مغاديش تعجبك رهاف خرجات عينيها وشافت الساعة : ستة دالصباح هاادي. .اسكو صافا !! بيازيد : وي صافا ..لبسي سبوغ واجي ..ونااري متجيي قطعات علييه وتخشات فالفراش كتقلب على النعاس لي طار ليها بيازيد بتاسم بمكر :دابا نشوفو واش غادي تجيي رهاف بغات تحماق بالتقلاب كتفكر هدرتو كتسد ودنيها بااش متسمعش صوتو لي كيتخايل ليها. .فالاخير رمات لغطا كتغودد وتجنن غي بوحدها وعينيها مزال مشقلبين بالنعااس بحاليلا مبوقة ..تنهدات وجمعات لوقفة كتدعي فييه ختارت كيطمة بالفوقاني ديالها زوينة جاية مع طايتها..لبساتها و تبعاتها الصبادرين عاد خرجات مخنزرة معرفاش علاش كتنفد هدرتو وكتسمع لييه. .هبطات لتحت غسلات وجها وقادات شعرها قدام مرايا دلحمام عاد مسحات وجها وخرجات داك الساعة من الدار..زفرات كتدعي فيه.كتشوف الدرب مزال صاقل رجعات شعرها لور:يخخخ وااش انا كنبيع الدجاج #يتبع