روحي تحتضر

بارت 63

🌻صدفة_القدر🌻 تأليف📖:Ikram Pancholi 🌻الجزء61🌻 بيازيد جرها حتى تقابلو مع الصالون كان نعمان حتى هو جالس معاهم دار لعندها : اتمشي تبوسيه قدامهم وانا انصورك فيديو اوكي آريا : منين انبوسو بيازيد :فين باسك هو آريا: مغاديش اضربني بيازيد : بالعكس ايفرح😈 يله اتمشي لعندهم وهو اقبطها من دراعها : بلاتي مااشي دابا آريا كتعوج ففمها كتخايل كفاش خاصها تبوسو نطقات بصوت منخافض كتخاطب راسها : انبوسو حتى اتخنق 😒. .لحقييير بيازيد هاز حاجبو كيتسنا لخدامة تبعد من عندهم معرفهاش اش كتقول ولكن ملي بانو لييه وقفو فهم لبلان وعرف بانها جات غي على قبل لفطور لي ايكون وجد حيت وقيتو دابا نعمان قشع بيازيد : ولدي اجيي تفطر باغيك فواحد لموضوع بيازيد كيصطانع البرائة :هاني جااي ساجد نتابه لآريا لي مخبية مور بيازيد : اجييي لهنااا آريا كتخنزر ومرة مرة كتشوف فييه بنص عين : أو تي أدايوو 😠 ساجد عرف راسو ايضيع معاها لحجرة وهو مباغيش اتعصب على الصباح داكشي علاش مشا متلفتش موراها قبل تخرجو عن طوعو انيس مبتاسم وهو كيشوف فييها متشوق امتى ابدا معاها لعلاج اول مرة كيرتاح لشي مريضة بحال هاكة مشا كلا واحد للطابلة دلفطور جلسو فبلايصهم واكيد نعمان لي مترأس الطبلة و مقابل معاه ساجد كلثوم كانت جاية فايدها طبسيل عامر بريوات : صبااح لخير علييكم تلافتت عند انيس وهيا مبتاسمة : ولد خويا لبااس علييك. .كتفرحني ملي كتجي انيس مبتاسم : حتا انا اعمتيي .. كلثوم جلسات : فينو بيازيد ساجد كيخبي عصبيتو : مع دييك لحمقة ..كنقوليه اقيلها مكيفهمش لهدرة فااش اتوقع ليها شي حاجة حسبي ولدك تحت لقبر انيس : متزيدش فيه اصحبي ساجد شاف فيه وهو هاز حاجبو بحاليلا كيقوليه اش دخلك انيس فهم راسو : احم سمحلي ساجد سكت وهو كيجغم من قهوتو الصباحية كيف كيبغيها تكون قاصحة كلثوم بغات تلطف لجو: شوف اولدي لبريوات لي كيعجبوك ساجد : مفيااش انشرب قهوتي ونوض عندي ميدار بيازيد كان كيتسنا لوقت لمناسب بانو لييه منغامسين فالحديت وهما كيهدرو تلافت لعندها كيشوفها كتلعب بخصلات شعرها وعلى فمها أغنية برازيلية بصوتها لكارثي : ممكن تسكتي هزات عينيها فيه مبتاسمة : نتا ضريف 😍 بيازيد : ههه شكراا حشمتيني ..ودابا خلينا فالمهم اديري داكشي علاش تافقنا آريا هزات راسها باه : قلتيلي مغاديش اضربني ياااك بيازيد : خلي كلشي عليا مهم نفدي داكشي لي قلت لييك آريا كتشوف فساجد وكترسم لبلان فمخيلتها : اوكي. .ولكن .. بيازيد كيحاول اسايس معاها : ولكن شنوو .. آريا : اتعطيني بزاف دالشوكولا بيازيد : متخافيش انشري لقناطر آريا : شناهيا لقناطر؟؟ بيازيد مسح على شعرو خيفو انوض من لفطور : هو كيلو.. ديري داكشي علاش تافقنا ونهدرو على الشوكولا بالتفصيل كيف باغاها آريا عجبتها لفكرة ..شجعات راسها وتمات غادة لعندو بخطوات بطيئة كتحاول تطرد خوفها إلا تعصب عليها فهاد الأثناء سااجد وقف كيمسح جنب فمو : هاني مشيت نعمان : واش غادي لشركة ساجد هز راسو بلا : نقضي شي حاجة عاد ندوز ليها إلا بقالي لوقت نعمان مبغاش احكر عليه : لي سلكك اولدي ساجد هز راسو باه وتلافت باغي امشي حتى كيلقاها قدامو حاطة صبعها على فمها بحاليلا كتفكر هز حاجبو : اااش خااصك آريا هزات عينيها فيه بان ليها طويل عليها مغاديش تقدر تحكم فيه الا تنتر منها حيت قوتها لجسدية مكتسوى والو قدامو تنهدات بخيبة أمل وشافت فييه :واخة تسنا شوية 😌 ساجد عقد حواجبو : معنديش لوقت خنزرات فيه بنص عين و مشات بجرية كتنقز بخطوات كبار باش تستاغل لوقت .هزات فايدها كرسي وجابتو حطاه قدامو كاع لي جالسين على طابلة دلفطور متبعين حركاتها كيتسناوها اش غدير بيازيد جبد لكام خدمها باش ابرك على الزر واسجل لفيديو. كيتسنا غي آريا دير محاولة هاد الاخير لي طلعات فوق لكرسي حتى تقادات معاه فالطول عاد بتاسمات بانتصار. .شافتو كيطلع فيها واهبط مع ملامح صارمة باين علييها لجدية التامة. .تنهدات كتفكر إلا بغا اضربها اتهرب بجرية وحدة حتى تبعد علييه ساجد عقد حواجبو :طلعات لييك السخانة عاود يله غادي ازيد اهدر وهو اتبلوكا من تصرفها لمفاجئ كيحس بايدياتها الناعمين محاوطين وجهو وشفايفها محطوطين على شفايفو ..حس بسطل دلما تخوا علييه بقا واقف فبلاصتو كيحاول افهم لموقف جاب ليه الله غي كيحلم نسا وجود الآخرين لي جالسين مخرجين عينيهم من تاتير الصدمة آريا بتاسمات فاش مدفعهاش زادت تشجعات ملي تفكرات كلام بيازيد والشوكولا لي غادي اعطيها داكشي علاش بدات كتحرك شفايفها بطريقة مثيرة بحال كيف شافت فالفيلم بيازيد حابس الضحكة قرب لعندهم كيفيلميي :واااووو غادي ندير لبووز هاد الايام😂 ساجد وعا على راسو بغا ابعدها عضاتو فشفتو لتحتانية كتبرد سمها جبلها الله هاكة غادي تنتاقم منو على تعاملو معاها..هز حاجبو مبغاش اضربها كيحاول ابعدها بالخاطر حيت لدفعها تقدر تطيح من فوق لكرسي ..كيحس براسو مغاديش اقدر اقاوم قبلتها لي كانت جريئة ماشي قد السن ديالها #يتبع