روحي تحتضر

بارت 73

🌻صدفة_القدر🌻 تأليف📖:Ikram Pancholi 🌻الجزء71🌻 دخلاتها للحمام ديرا معاها لخاطر. .بقات معاها حتى دوشات عاد خرجات ببنوار قصير جلستها فوق الناموسية. .فحين كلثوم مشات تختار ليها اش تلبس مكينا حتى حاجة رسمية مجات عينيها غي على جينز سليم بيض وتيشورط من لفوق كيبين لكريشة جابتهم ليها لتحت كان واقف على اعصابو كيزفر واتمتم تحت فمو كيف عادتو حتى سمع صوت بااه : غادي اوصلني الشيفور تسنا آريا ..كلثوم اتكون لبستها ساجد بقلة حيلة : واخة مشا نعمان ركب لور ميرسيديس كحلة كتبري . شوية وزاد بيه الشيفور بعدما تحلات بوابة دلقصر ساجد تكا على الرونج ديالو كيكمي وعاقد حواجبو بحاليلا كيقول تزيد مزال تعطل انطلع نجرها من شعرها نهبطها ..يله غادي انفد هاد الأفكار لي راودوه حتى كتبان ليه جاية بخطوات ثابتة كترجع شعرها لعسلي و لحريري بطريقة زوينة خلاتو اسهى ..طلعها وهبطها اللبسية جات ملبوسة عليها لجينز طالع حتى لفوق وتيشورط قصير مبين خصرها وعاد صباردين فالذهبي جات مواتية مع ستايل ..مزال كيحاول استوعب وااش نفسها آريا لحمقة آريا كانت مزال كتمشى تيجاهو بنضرات واثقة حتى وصلات لعندو وخسرات لبرستيج خخ: وااااااع خلعتك😂😂 ساجد فاق من سهوتو : طلعي ..طلعيي آريا عجباها اللبسة مطلعاتش بقات غادة جاية كتختار لمشية لي مناسبة ساجد هاز حاجبو : بسم الله علييك ...طلعي قبل نرجع عينيك مطبعين بالزروقية آريا ضارت ليه اشارة بايدها باش اسكت : شش كنتعلم بحال هاديك لي فتيفي😍 ساجد باستغراب : شكون هادي آريا : هاديك لي كتكون زوينة ولابسة كتمشى وسط لجمهور ساجد جابت ليه الضحكة : عارضة أزياء آريا : اه اه هاديك ..يااااي كنحب لفااشن😍😍..انخليهم كلهم ابغيوني هههه ساجد عرفها بدات كتخربق عاود جا اطلعها زدحاتو مع الرونج حيت كان ساهي : واحد لحاجة شفتها فالتيفي 😢 ساجد : دااااك تيفي انهرسو فووق راسك ..ركبي خلاص ممساليش للحمقة بحالك آريا : بغيت عيد ميلاد بحال ديك لبطلة ..عرفتي فالاخير اشنو وقع😍 ساجد مسح على راسو كيصبر فييه مباغيش اصيفطها بشي كروشي :اااش وقع آريا : فالاخير لبطل باس لبطلة حييت.. قبل تكملها حل لباب وطلعها : نسمممع هاااد لخراا مزال انخشي راسك فالزاج آريا خسرات ملامح وجها كتشوف قدامها نطقات بصوت منخافض : شش ش مماتة شماتة😒 ساجد ركب وكسيرا مخلي لعجاجة موراه نيشان لشركة نبدلو لبلاصة. . كان واقف باللوطو ديالو فراس الدرب كيتسناها تبان فحين انه كيجغم من كانيطة باردة على الصباح سمع تيلي جاوب داك ساعة : وي ..الساط ..لا بلاش ليوم حتى لمرة خرا ونخرجو ..صافي مشات قطع فاش بانت ليه جاية هازة ساكها وكتوبتها فايدها كانت ساهية حتى كتفزع ملي تحل باب دللوطو كانت على شوية وتساطح معاه ..يله غادي تخنزر فمولاها وهيا تلقا غي الريح مكين حتى واحد. .شوية كتحس بنتفة لشعرها دارت طافجة حيت مستحيل شي واحد من لحي ديالهم اتعامل معاها هاكة : هادااا نتاا بعدات عليه :ااااش بااغي نتاا بيازيد هبط النضارات كيشوف فالحي : هادشي زين عندكم همم رهاف عاد تفكرات لحي ولا شافها خوها اتمشي فيها : حييد من هناا غادي تجبد لياا الصداع بيازيد بابتسامة ماكرة : كين مقابل رهاف عفطات على صبادريتو لبيضة حتى توسخات : شوووف الحقيير الا زدتي دقيقة مزال هناا انغوت حتى اتجمعو علييك وشوف داك الساعة شكون افكك معارفش ان هاد لحي الشماكرية غي موجودين فييه بيازيد تكا على مقدمة لوطو موسد ايدو : عيطيي نشووف متشوق نشوف هاد الأشكال عندكم رهاف تجننات عرفات الا شدات معاه الضد عاد مغادي ازيد فيه : الله اخلييك سير من هنااا ..ولا عرفتي شنوو بقاا انا سوقي فييك نمشي للفاك نقرا على راسي بيازيد شاف فيها بنص عين وبقا ساكت حتى كيبان ليه إبراهيم جاي لعندها بالسكوتر. .تقاد فالجلسة كيتفرج فييهم رهاف خنزرات فبيازيد ودارت عند ابراهيم : شكراا حيت اتوصلني إبراهيم بابتسامة مشرقة : متقوليش هااكة يله اتركب حسات بنترة لدراعها تلافتت جاعرة بغات تنطق خلعها بنبرة دصوتو : تهدري نوريك وجهي لخاايب شاف لعند إبراهيم : يله اماما سير تقرا على راسك إبراهيم بقا واقف متحركش بيازيد قرب لعندو وضرب بصبعو جيهت راسو : قلللت تحررك ..انعاود هدرتيي خدم السكوتر : رهااف حتى نتلقاو ومشا مكسيري كيتغودد على بيازيد رهاف ضربات فصدرو : شكووون نتاا هااا مجات فين تكملها حتى لقات راسها مركبها اللوطو وزادح لباب ملقات فين تجي باغا تنزل حتى حسات بيه جرها وكسيرا رهاف عينيها دمعو : اتخرج على قرايتيي الحقيير كنت ديرا مع صحابي نخدمو فالمكتبة بيازيد خرج من لحي لشاريع : انا غادي نراجع معااك جمعات ساكها قدامها كتدعي فيه فخاطرها : الله اعطيك موصيبة بيازيد : سمعيني صوتك رهاف شافت لعندو : اكبر حقير شفتوو بيازيد : ونتيي اكبر برهوشة شفتهاا زفرات وهيا كتشوف قدامها عم الصمت وهيا تلمحو كيسوق بسرعة خافت ادير ليها بحال داك لمرة تلافتت لعندو : نقص السرعة باغينا نموتو #يتبع