روحي تحتضر

بارت 74

🌻صدفة_القدر🌻 تأليف📖:Ikram Pancholi 🌻الجزء72🌻 بيازيد : ااش باان لييك نموتو بجوج😉 رهاف عرفاتو مقطع لوراق الا بقات شادة معاه غادي غي تعصب على والو مسافة الطريق حتى قلب الدورة وسط لغابة تلافتت عندو مفزوعة : عندااك تعاود لياا بحال داك لمرة بيازيد : هنيناا سكتات وهيا كدور فعينيها وتدعي فيه غي بالكوارث ..حتى بان ليها داخل مع واحد لبيست والمزرعات فالجناب ..عجبها لمنظر حلات الزاج وخرجات راسها كتمنظر وتستنشق لهوى ..كان لجو زويين بزاف وكيريح النفسية رجعات تقادات فبلاصتها ودارت لعندو : فيين جيناا بيازيد : المزرعة ديالنا ..كنجي نبريباري فيها رهاف سكتات فاش شافتو دخل مع بوابة دلمزرعة حلات فمها بزااف دالاحصنة كيلعبو والغرس على الأشكال والأنواع وعاد دار تصميمها من الخشب و سقفها على شكل مثلت بلاصا لوطو ونزل : هبطي هبطات داك الساعة كتدور فعينيها باعجاب عمرها جات لبحال هاد لبلايص نطقات بعفوية بلاما تحس : ولاهيلة هاد لجو دلحفاضة بيازيد سبقها : اوا شتي خاصك تشكريني رهاف مهتماتش لكلامو قدما الفرحة خارجة من عينيها بالجو دالمزرعة نيت كانت مخنوقة من دار للفاك مكتمشي لحتى بلاصة قلبات عليه ملقاتوش ..مشات طيرا لجيهت الدار دلخشب دخلات كتشوفو مشبح فوق لكنباي بقات كدور فعينيها وهيا مزيرة على ساكها بين ايديها تشجعات : انبقاو بوحدنا بيازيد هز عينو لعندها : علاش يكما خيفا من شي حاجة 😉 فالجيهة لخرى. . كانت كتلعب بالستيلوات فحين هو كيجمع لوراق لي غادي احتاج ..سلا وهز عينو لعندها : اجيي لهناا آريا حطات الستيلوات ومشات لعندو واقفة مقابلة معاه : يخخخ😒 ساجد جرها لعندو كيهبط التيشورط حيت كان طالع على خصرها بزاف : هاد لمرة متبقايش تلبسيه آريا ربعات ايدها وهزات حاجبها : علاش؟؟😒 ساجد ضربها لراسها وهز لملف عاد جرها شادها فايدها حتى وصلو للمصعد.. دازو ثواني لقاو راسهم قدام باب قاعة الاجتماعات تلافت لعندها شاد وجها بين ايديه حيت عارف إلا عصبها تقدر تنتاقم منو وسط الاجتماع : تبتي فبلاصتك بااش نبقا ضريف معااك آريا كتشوف فعينيه : واخة رخف منها وحل لباب كان كلشي كيتسناهم ..دخل وجرها موراه جلسها فبلاصتها ..يله ايهز عينو وهو تجي على ثامر كيشوف فيه باستهزاء ساجد هز حاجبو بحاليلا كيقوليه اش خاصك .تنهد ونطق ببرودة : مسيو ثامر بغيتي تقول شي حاجة ثامر حط ستيلو لي كان كيلعب بيه وشاف فالرؤساء كيشوفو لعندو : مسيو ساجد مبروك علاقتك بالانسة لفيديو دار ضجة ساجد جمع ايدو على شكل قبضة : كنضن لحياة الشخصية مدخل حتى واحد فيها نعمان بغا اعتق لموقف : احم نبداو الاجتماع ساجد جلس حدا آريا كيخنزر فييه آريا قربات حداه وشدات فدراعو : هااداك خيب متبقاش تهدر معاه ساجد تلافت لعندها كيشوف فايدها لي قابطة دراعو : واخة آريا بتاسمات ليه وخنزرات فثامر لي كان كيشوف فيها هو الاخر نعمان وجه كلامو لواحد من الرؤساء : اشنو كتقتارحو للعرض لاعلاني دلماركة احمد : لي عارفين هو خاص تكون شي حاجة مميزة. .تقدر تلفت لانتباه لمستهلك وحتى الشركات الأخرى. .مكرهنااش شي تصميم نادر نعمان : كلامك فمحلو ساجد : اذن خاص نهدرو مع وكالة الاعلانات و تصميم الاشهارات أحمد : عندك الحق ولكن مبقاش لوقت نعمان :اشنو كتقول امسيو ثامر ثامر شاف فآريا : بغيت نعرف شطارة دالانسة بيما انو شرحات استراتيجية لخدمة فالاجتماع لي فات وللأسف محضرتش ..داكشي علاش كنتمنى نشوف رأيها ولا شي لمسة من افكارها ساجد متبت الشوفة فيه : حنا بغينا رأيك نتاا مكين لاش تنقل السؤال لشخص آخر آريا كانت كتلعب بايديها تحت الطابلة وكتوزع نضراتها عليهم ..كتحس بالحريق فراسها خصوصا فاش كتشوف فثامر مكتبغيش عينيها تجي فعينيه ..بقاو كيهدرو وكيتناقشو بكل جدية جابولها لملال و ضروها فراسها ولات باغا تقوليهم سكتو وتغوت غي خافت من ساجد وتحديرو ليها مبغاتش تخرج عليه بحال لمرة لفايتة تنهدات و وقفات غادة جيهت لوحة بيضاء ..تمشات لعندها بخطوات ثابتة خلاتهم كلهم اتلافتو لجيهتها ..بقاو متبعين ليها لعين حتى وقفات قدام اللوحة. .ساجد خرج عينيه خيفها دير شي كارثة عاود. .مسح على راسو بقلق عينيها غرغرو وهيا كتشوف فاللوحة كمشات شفارها مغمضة عينيها كتحاول تفكر الصورة لي كتخايل.. فتالي حلاتهم و خدات فرشات صباغة و كبات الألوان فوق اللوح هزاتو فايدها كان اغلب الالوان الأحمر ومشتقاتو ..ستنشقات نفس عميق وبدات كترسم كااع تفاصيل الصورة لي فبالها أحمد : اشنو كدير نعمان حتى هو مستغرب : معرفتش نتسناو نشوفو ثامر باستهزاء : هادشي لي بقا آريا نسات لي دير بيها ولا كيبان ليها غي لورق الأبيض كفاش خاص توضع عليه الصورة لي فمخيلتها. .دازو ثواني ودقائق والهدرة كتعالا كلهم باغين اعرفو اش كتصنع ساجد كلا شوية كيمسح على راسو كيشوفها كاع عمرات صباغة ومدرقة اللوحة ..تنهد بغيظ ثامر : كنظن أن لوقت كيدوز وحنا كنتسناو هاد لمهزلة يله ازيد اهدر وهما ابانو ليه مفكسيين لجيهة وحدة شاف فيين كيشوفو وهو اخرج عينيه كيحس بالعرق هواد معاه بحاليلا رجعات بيه الذاكرة لشي حاجة كتخصو كانت قطرات دالدم على شكل قلب هوادة من جرح عميق بحال شي رقبة مذبوحة والخلفية مزيج بين الأسود والرمادي مع طيف شفاف هاز السلاح لأبيض وعلى ملامحو الشر أحمد وقف كيصفق وتبعوه الرؤساء : واااووو يوو أر ميزيين واااووو ساجد بتاسم برضى ونطق بينو وبين نفسو : ديما غادي تبقاي تصدميني !!!