روحي تحتضر

بارت 144

💔الجرح_العميق💔 تأليف📖:Ikram Pancholi 💔الجزء139💔 طول الشوفة فالعقد كان كيتسنااه اجهز تفكرها اليوم نهار كامل مولا شافها معرفهاش اشنو كدير دابا ..يله ايدخل وهو اقشع ضوء خفيف جااي من شي بلاصة وبالضبط فين كاين لكوخ ..ستغرب حيت كيكون دائما مسدود قال مع راسو ايكون شي واحد من الخدم هتم بييه. .متسوقش بزااف قلب الدورة جيهت لباب الدخلاني دلقصر يله ايدخل وهو اوقف باغي اقطع شكوكو. .زفر ومشا تجاه للكوخ فهاد الاتناء كان انيس كيحاول اصنع ما امكن اكبر قدر من الهدوء باش تكون مرتاحة آريا كانت مرخية على لكرسي بحاليلا فيها النعاس انيس : باش كتحسي آريا : مممم انيس عرف انها بدات كترخى ..مشا هز كرسي وقرب للعندها وفايدو السنسلة : خاصك تبقاي تشوفي فهاد السنسلة حتى نقول لييك غمضي عينيك. .متافقين هزات راسها باه كل همها تاخد الشوكولا من بعد انيس بتاسم و دار السنسلة قدام عينيها كيلعب فيها بإيدو يله غادي ابدا بالعد قفز على صوت الباب لي تفرع حتى تهرس وطاح على طولو .. دور راسو مخرج عينيه حتى كيلمحو بركان ولهييب لا ينطفئ إلا قرب ليه احرقو ..جمع لوقفة داك الساعة كيبلع فريقو ساجد فايدو وراق للعقد وايدو لاخرة جامعها على شكل قبضة لدرجة عروقو برزو : اااااشنووو كديير الز*** واااش ******* آريا تفزعاات فاش عرفات صوتو مع كانت مغمضة عينيها. .مجرد مشافتو قلبها ضرب فالمية حسات بروحها غادي تخرج دابا ..نضراتو هاد للمرة كانت غير... عمرها لمحات هاد الشرارة كاملة خارجة من عينيه شافتو جاي لعندها غمضات عينيها كتسنى شي دقة وكتبكي فنفس الوقت خيفا بزااف ..بقات مطاكية بايدها حتى كتحس بالسقيل حلات عينيها وهياا تشوف انيس طايح فالأرض شاد نيفو كيدوز بالدم ساجد ضرب ايدو مع الطابلة بقوة حتى تقسمات على جوج كيحاول اكتم غضبو ..ولكن وصلات بيه للعظم داكشي علاش دار لعندو فاش شافو وقف على رجليه وعاودو بكروشي اخر جيهت عينوو وهو كيغوت وكشاكشو خارجين : كتلللعب مووور ضهريي هاااا ..اااش كتسحااابلي ****** خررررج قو** قبللل نسااا راااك كتجي لللوالييدة مبغيتش نغلط فييه كتر خلاه مكمش عينيه ملاهي مع لكروشي ودار للعند آريا بنضرات جهنمية قالت مع راسها صافي غادي نموت دابا. .شدها من معصمها وخرج لعلى برى جارها موراه وهيا كطيح وتنوض فلكازو حتى تحردات من ركابيها وصوت شهقاتها كيتعالا وهو كااع مفهاد للعالم ناار من نوع آخر شاعلة فييه وكتحرق فلداخل ديالو آريا :هءءءؤهءءء هءءؤ سااجد هءءء سااجد مجرد مسمع صوتها زاد زير على معصمها بحاليلا كيقوليها سكتي منسمعش صوتك انيس شد راسو بزز وخرج تابعهم كيمسح فنيفو لي عمر دم : ساااااااااجد ساجد سمع صوتو كيقرب لعندو هز حاجبو ودار لجيهتو بشوفات شرسة بحاليلا كيقوليه جيتي للموت بإيديك انيس : علاش مباغيييهااش تعالج وترجع ذاكرتهااا ..ولااا تنااادم معااك لحااال ..فاااش غلطت انا دابا هااا يااك قلتي ليااا عالجها وانا كنفد هدرتك لاغير...شنووو لمشكيل ساجد شاف فيه و ولا شاف فآريا كتنخصص ..كمش فمو و وجه صبعو ليه بتهديد كتفى بحروف محسوبة على رؤوس الاصابع : نجى بروووحك ورجع كيتمشى تجاه للقصر وهيا موراه الله لي عالم بحالتها متسوق للغواتها ولا شهقاتها للمتتالية ..مبغاهاش تهدر كيحس بصوتها كيهرو فودنيه وكيستافزو ..دخل للداخل تلاقا كلثوم خارجة من لمصعد بقات واقفة مصدومة من لمنظر تخطاها وزاد دخل للمصعد وبرك على طابقهم ..ثواني وتحل عاد خرج بنفس لخطوات وهيا كتبكي بحرقة خيفاا اضربها ولات حافظة شوفاتو ليها. .محسات براسها والإ و هيا فبيتو ساجد سد للباب مسورتو بحاليلا كيوجد لشي مجزرة تلافتت لعندو كترجف وراجعة باللور وهو تابعها كيكفد كمام الشوميزة بعدما حط وراق للعقد على جنب .ملقات راسها إلا وفوق الناموسية كلاتها ساجد قرب للعندها كيشوف فعينيها بجهنمية بحاليلا كيقوليها باغي تفسير بلاش منهدر آريا :هءءءؤهءءء ساااجد مجرد منطقات ناض كيشخشخ فليي جاا قدامو ولا فحالة آخرى بحاليلا بدلتيه ماشي هو ساجد نفسو.كيصعر كلما تفكر كلام انيس ..وصلات بييه للعظم دبصح عينيه تعماو حتى حس بإيدين شادينو من دراعو وصوت باكي كينطق..بالاعصاب مبقاش كيفرز اش كتقول آريا معرفاتش كفااش تشجعات وناضت للعندو.قفزات فااش شاف لعندها :سااجد هءءءؤهءءء هبط راسو لمستواها وشد وجها بيين ايديه : علاش كتبكي هااااا .علااااااش آريا غمضات عينيها كتفات انها تنخصص فصمت باش ميغوتش علييها ..حساتو رخف منها ودخل للحمام كيغوت بحاليلا خرج عن طوعو ومبقاش قادر اكتم غضبو. .تبعاتو بخطوات مبعثرة حتى وقفات عليه كتشوفو كيشخشخ عوتاني وإيديه كااع دمايات طاحت فالأرض كترجف وعينيها ولاو كيحرقوها بسباب للبكا :الدم هءءءؤهءءء ساجد دم هءء تلافت لعندها صدرو كيطلع واهبط شاف ايديه عرفها كتخاف من الدم داكشي علاش مشا للجيهة لفابو طلق للما وبدا كيغسل فيهم بعجرفة كيحاول احبس نزيف الدم آريا راسها بدا كيعطيها للحريق و صور مخلطة كتجي بين عينيها #يتبع