روحي تحتضر

بارت 66

🌻صدفة_القدر🌻 تأليف📖:Ikram Pancholi 🌻الجزء64🌻 مراد بصوت حاد : كتقصدي اشنو غادي ندير بعدما ندفنك تحت الأرض سكتات شحال عااد نطقات : ولوطو ديالي اتبقى هنا مراد فايق خاسر وكملات عليه بهاد لبلان نطق بزز : غادي نوصي لي اجي لييهم غي سكتي. .راسي كيفور شروق لبدات كتسناه اش غادي اصنع حتى بان ليها وقف طاكسي بايديه.. وداكشي لكان ركبو بجوج لور الشيفور : فيين اولدي مراد : لفاك دسيونس جات حدا **** الشيفور هز راسو باه وكسيرا. .فحين مراد دار اتصال باش اتكلفو بالسيارات شروق شافتو نهى لمكالمة : احم سمحلي لغلاط مني مراد مجوبهاش غمض عينيه مكمشهم من حر لحريق لي فراسو حيت منعسش بكري شروق كتخطف منو الشوفة مرة مرة. .رجعات شعرها لور كتحاول متسوقش لوجودو ..عاودت تلافتت بان لييها مزال مغمض عينيه واضح علييه عياان. .تنهدات مطولا وهيا كتفكر واش تقرب ولا بلاش فالاخير زعمات وحطات صبيعاتها على جبينو كديرلو مساج بخفة خلاتو اترخى حتى نسا لحريق وهو متبع حركاتها حس بيها وقفات حل عين وسد لخرا : علاش وقفتي شروق بنفخة : مالي خدامة عندك الشيفور كيشوف فيهم من زاج دلمرايا : ههه واتيتو بعضياتكم هاد النكير ديالكم هو لي كيزيد اقربكم كتر شروق : عمي فهمتي غلاط مراد شاف فيها بحتقار : انا وهادي هههه مجرد تفكير كيحسسني بالغثيان شروق مدورة وجها لجيهة لخرا : كلكم بحال بحال مراد رجع راسو لور ومرة مرة كيخطف منها الشوفة : تقلقتي شروق مخنزرة بقات ساكتة مجوباتوش مراد : اوا سطحي راسك مع الزاج داز لوقت. . كان واقف بالسكوتر ديالو حدا لبحر كيتسناها إلا جات تنهد بعصبية : من الصباح وانا كنساين مسح على راسو ودار لجيهة دلبحر كيشوف حدودو كيتخايل راسو من الدفة لخرى . .بتاسم باغي احقق حلمو بأي طريقة فحين ان ذهب كانت كتمشى بخطوات ثابتة فالحديقة حتى وصلات للجليسة لي كينا حدا لبيسين تحسسات بايديها قبل تجلس عاد بركات بتاسمات باستهزاء : مزال هناا انيس هز فيها عينو وهو كيجغم من كاس دالعصير : اه. .يكما كين شي مشكيل سكت شحال عاد نطق : احم هاداك خينا لي كتلقاي معاه ميصلاحش لييك ذهب نفعلات : وااش خاص ناخد إذنك بااش نبدا حياتي من جديد انيس : خاصك تنساي لماضي ذهب قطعاتو : انا مزال منسيت كفااش عطيتيني بالضهر فاش وليت عمياا ..مزال ديك اللحظة مرسخة فبالي بحاليلا وقعات غي دابا ..ولكن سكتات وهيا كتستجمع قوتها باش متضعفش : ولكن نسيت كلشي..انا قادرة نبني حياتي ونتاا خرجتك منها فمرة يعني بلاما تشفق علياا وتعاملني هاكة عارفة راسي اشنو كندير انيس : ولكن.. قطعاتو : سمحلي انخليك دابا ..وعفااك متبقاش تدخل فحياتي كيف مكندخلش لك فييها ..انا ختاريت طريقي كنتمنى منلقاكش فيها مرة أخرى انيس سكت وهو مهبط راسو ملقا ميقول حتى بانت ليها كتمشى بالشوية تا دخلات. .تنهد : امكن كون تلاقينا فظروف أخرى كنت انبغيك كتر من راسي سكت وهو كيشوف لبعييد : ماشي كلشي كيمشي كيف بغيناا نرجعو للفاك. .وبالضبط للكافيتيريا بيازيد كان تالف كيقلب حدا جنابو معرفها فين زادت يله وقف بيها هنا مشا اجيب شي حاجة تاكلها ملقاهاش مسح على راسو بغيظ : مشييت فييها بالمعقول مراد جا لعندو ضرب على كتفو : مالك مجيتيش للحصة بيازيد بقلق كيقلب بعينيه : ديجا كنت حاضر ليها راك عارف غي تعويضية مراد : اه. .خاصي منبقاش نفلت لحصص هاكة بيازيد عيا ميدور فراسو :اليوم قبري انكون تحتو مافيهاش مراد باستفهام : ااش واقع بيازيد مجوبوش مشا كيقلب بغا احماق مراد كان فتح لكونكسيو حتى طلع ليه لفيديو حاصل على أعلى نسب المشاهدة وداير ضجة : وااايلي ااش كنشووف 😨 آريا كانت غادة كتلعب بكمام لقبية فايديها وعينيها كيدورو كتقلب على بيازيد معرفاتش كفاش تودرات وبعدات علييه ..حسات بالبكية خنقاها خصوصا أن كلشي كيشوف لعندها بحاليلا ديرا شي جرم وهيا مفراسهاش ..بعدات مسافة طويلة على للفاك كتمشى جنب الشاريع حتى وصلات لحديقة كبيرة عامرة خضورة ..يله اتقطع وهيا تسمع كلاكصون دلوطو مجهد رجعات خطوة لور شاهقة حتى مشات وهيا مزال حاطة ايدها على فمها قلبها كيضرب فالمية. .غمضات عينيها مكمشاهم كتحس بالحريق والشمس ضاربة على راسها ..حتى سمعات ضجيج قوي و لهدرة بزااف وكلمات مكتفهم منهم واالو ..حلات عينيها كترمش بالشوية كيبانو لييها لعديد من عدسات لكاميرا والجوقة عليها والهدرة كتقال بسرعة ..خافت بزااف ملقات غي دموعها لي اواسيوها فهاد اللحظة غمضات عينيها كتبكي بحرقة : مييي دييجي باااس هءءهءه هءءهءه حسات بايد محاوطاها من خصرها وراسها محطوط على شي حاجة قاصحة حلات عينيها الزورق كترمش. .علات راسها حتى كتلمحو كيشوف لعندهم بنضراتو لمعتادة والصارمة هبط عينو لعندها : علاش كتبكي آريا عنقاتو: خفت بزااف هءءء مسح على شعرها بحنية : انا معاك ...متخافيش