روحي تحتضر

بارت 57

🌻صدفة_القدر🌻 تأليف📖:Ikram Pancholi 🌻الجزء55🌻 يوسف كيحاول اتحكم فاعصابو : دابا اتجي تاكلي ولا نوض لييك ذهب : علاش اتنوض ليا بالسلامة هااا. .ماالي بنت ليك بنت اتحكر عليا وتقول هادي عميا متسوقش لكلامها ..زرب عليها وجرها قدامو بحال شي بيبي ذهب كتنتر : انمشي لدارنا مشا لحال يوسف : حتا تاكلي ونوصلك ذهب زفرات بعصبية : متسلط يوسف قدلها البوكاديوس شداتو فايدها وحل ليها لعصير :كملي هادو ذهب : ديرا حمية منقدرش ناكل هادشي كامل يوسف : هههه لا واش من نيتك بدا كيقيس فجسمها : فبلاصة متزيدي تاكلي كتنقصي ..باغا تموتي الا شديت فايدك بقوة اتهرسي ذهب بدات كتاكل فصمت وكدور هدرتو فراسها. .كتحس بانفاسو مور عنقها توترات وتلفات على الضغمة كيف خاصها تكون يوسف شافها كتعمر حالتها : بلاتي نمسح لييك. .مكتعرفيش تاكلي ؟؟ ذهب مرداتش : كنعرف يوسف هز منديل ودورها لعندو كيمسح ليها جناب فمها : بينا كتعرفي ذهب حسات بيه قريب منها بزاف. .تشجعات وحطات لبوكاديوس ولعصير على جنب عاد هزات ايديها كتحسس وجهو ..خلاتو ابتاسم بلاما احس ذهب: ربيتي لحية يوسف: هيا اصلا عندي ذهب زادت تحسسات بايدها منتبهاتش لقرب شفايفهم : لا ولات كتيفة على قبل يوسف : فينها لي عجباتك نطقات بعفوية : هادي حسن يوسف قرب ليها وحط حنكو لي مشوك باللحية على حنكها الرطيطب كيدكها بيها : وخا دكك عجباك ذهب جابلها لهرة : هههه كتهرني بعد يوسف صوتها كيحرك شي حاجة فالداخل ديالو. .سكت وهو كيشوف فيها كتاكل بالشوية والابتسامة مرسومة على وجها. .تنهد مضطر استغلها من أجل هدفو.. الدنيا فيها لخاسر والرابح ..وهو هاد لمرة ايكون مع الصف التاني. . نرجعو للشركة.. كان واقف قدام باب لغرفة غادي جاي حتى خرجات عندو لموظفة : صافي اسيدي واجدة ساجد هز راسو باه : مزيان لموظفة شدات آريا بحدر و خرجاتها لعندو ..طلعها من رجليها حتى لراسها كانت سوو كيوت باللبيسة لي عبارة على تيشورط خاص كيتلبس تحت ساية توبها لاصق على الجسم وقصيرة حد لفخاد ومن لفوق جاكيط جينز أما فرجليها سباردين فالابيض وشعرها مطلوق على راحتو ساجد شد فايدها والايد لاخرة فيها شي وراق وزاد جارها وهيا كدور فعينيها على لمكان تنهد بعصبية : كتزيدي على لبيض آريا : فين غادين ساجد ركب لمصعد وجرها لداخل ..برك على الزر للطابق لخاص بالاجتماعات : غادي تقولي داكشي لحافضة آريا مفهمات والو بغات تخلي داكشي كيف هو ممسوقة لحتى حاجة ..تنهدات مخسرة ملامح وجها : قلتي ليا إلا قلت ليهم لي حافضة غادي تعطيني الشوكولا يااك ساجد شاف لعندها كيف كتخنزر فيه : غادي نعطيك واحد الصفعة نكرمك ..هادشي مغاديش ادوز بساهل كنجمع لييك آريا سكتات كتشوف راسها فالمرايا و كدير بوزات ديال سمايل ..بقات هاكاك كتلاها وتلوح بشعرها حتى كيضرب على وجهو ..عصباتو حابس راسو بزز حيت محتاجها فالاجتماع..تحل لباب وخرج كيتسناها تبان حتى جرها هو من قدام لمرايا كتركل وتنتر باغا ترجع تشوف فيها زفر بنفاد صبر : هدااااي بلاما نصمككك آريا لبدات مكمشة وسط ضلوعها. .بان ليها سابقها لواحد لقاعة تبعاتو ليجي اضربها .. نعمان كان على جمر معارف ميدير مع رؤساء الشركات الأخرى. .حتى سمع لباب تحل عاد تنهد براحة فاش شاف ولدو : ساجد جيتي ساجد شاف فالحضور : كنتمنى منكونش طولت بزاف هزو راسهم بلا ..لباقة له نعمان : بدا اولدي ..هادا هو لوقت ساجد كيبتاسم بزز خصوصا ان آريا مدخلاتش ..يله ايخرج ليها وهيا تبان داخلة بخطوات صغار كتشوف فالحضور ومفاهمة والو كيبان ليها كلشي كيشوف فيها وعلى وجهم نفس التعابير ساجد : احم بالنسبة لمشروع غادي تقدمو آريا درسات لموضوع مزيان وعارفة كااع لمعلومات لي تقدر توصل ليكم بيها لمساج نعمان حس بسطل دلما تخوا عليه نطق بصوت خافت مورك على كلامو : ساااجد اشنو كدير حماقيتيي ..ااش هاد اللعب ساجد مشا لعندو ونطق بصوت منخافض : انا كين متخافش ..من بعد ونفهمك هز راسو لعند آريا لي مفاهمة والو شافتو جاي لعندها سحابلها ايضربها ولكن تلاشات شكوكها فاش تقابل مع وجها ساجد : خاصك تبداي دابا لي سولوك عليها قوليها ليهم من داكشي لي حافضة ..نتي خربتي محتوى لملف خاصك تصلحي لخطأ باش منضربكش ونعطيك الشوكولا كان كينطق بصوت هادئ عكس لبركان لي فالداخل ديالو جابليه الله كيعقد هدنة مع بيبي صغير معندوش لعقل آريا هزات راسها باه وهيا كدور هدرتو فراسها لي عجبها من كلامو هو الشوكولا تشجعات وخطات اول خطوة كتسمع ضجيج فودنيها وهيا كتشوف فيهم واحد بواحد ..صوت الضحك كيتعالا فالمسمع ديالها وصور بيضاء موضحاش بتاسمات فاش سمعات " هههه كيف جيتك ابابي انليق نكون رئيسة اعمال ناجحة هههه" مسحات لعرق لي خرج من جبينها وهيا متقدمة بخطواتها والاصوات كيدوزو فودنها " هههه اه هاكاك برافو ..تبركالله كملتي سلك الثانوية خاصك تقرري اشمن دومين باغا تبعي " بتاسمات بحاليلا رجع ليها لحنين لشي حاجة مفتاقداها. .رجعات شعرها لور وهيا كتشوف نفس الصور بين عينيها #يتبع