روحي تحتضر

بارت 58

🌻صدفة_القدر🌻 تأليف📖:Ikram Pancholi 🌻الجزء56🌻 مسحات لعرق لي خرج من جبينها وهيا متقدمة بخطواتها والاصوات كيدوزو فودنها " هههه اه هاكاك برافو ..تبركالله كملتي سلك الثانوية خاصك تقرري اشمن دومين باغا تبعي " بتاسمات بحاليلا رجع ليها لحنين لشي حاجة مفتاقداها. .رجعات شعرها لور وهيا كتبان ليها بنت كتلعب بالوراق لي فايدها كتجسد دور لمدير وهيا فرحانة " هااكة ابابي ياااك هههه ..بلاتي خاصي نبان كاريزما باش كلشي احتارمني " فاقت من تخيلاتها فاش وصلات حدا الداطشاو ودارت لعندهم كتشوفيهم كاملين. .جات عينيها فعينيه دار ليها اشارة باش تكون مرتاحة وهيا فهماتو ..هزات حاجبها كيبانو ليها تفيكساو عليها خلعوها يله اتراجع وهيا تشوف ساجد وعينيه لحومر خلاوها تراجع على قرارها. .تنهدات بقلق كتسترجع كاع معلومات لملف وأهم تفاصيلو تشجعات ونطقات بعفوية كتخبي توترها جابلها الله خاصها تبان بحال ديك البنت لي تخيلات دابا ..داكشي علاش رجعات شعرها لور وشافت فيهم واحد بواحد وكلها تقة فالنفس بتاسمات وهيا كتفكر هاد لجملة " هههه اه هاكاك برافو ..تبركالله كملتي سلك الثانوية خاصك تقرري اشمن دومين باغا تبعي " تنهدات وباشرت فالكلام واكيد باللغة الإنجليزية : احم بالنسبة لمشروع شركات الأغدية كينين بزاف دالامور اناقشوهم دابا ونعطيكم حتى النتاج والاحصائيات لي تقدر توصل ليكم الفكرة بطريقة عقلية تفاديا للنسبية أولا لي انركز علييه هو موقع بناء هاد لمصانع وعاد انشوفو المحركات و الآلات دات جودة عالية واشنو هوما لفوائد ديالهم !! واشنو غادي نربحو الا ستعملناهم! ! علاوة على هادشي انركزو على طريقة تعليب لمنتوج وانعطيوه اسم ماركة الشركة وهادا موضوع كبير مغاديش نستاهنو بييه كيف كنشوفو كاملين انا الرؤية لجدابة هيا لي كتيرنا داكشي علاش انركزو على هاد لموضوع بدقة وانعطيكم أمثلة شاهدة على الجدب وحتى لعكس قبل نباشر فشرح هاد النقط انزيد حتى الاصقة لي كنوضعو على لمنتوج بحال شحال دالكوليستيرول ونسبة الدهون.. الاحماض وحتى لفيتامينات هادو انركزو على نسبهم وانكتبو لقيم الصحيحة على لاصقة تفاديا شي نهار ثنعت الشركة بالغش حيت المستهلك ايكون الذنب عليه الا شرا شي حاجة كضر بصحتو خصوصا أنه خاصو اهتم بنسبة السكريات على سبيل المثال مرضى داء السكري خلات كلشي مصدوم ومركز معاها ..كلامها والطريقة كفاش لقاتو برزانة خلاتهم مزال باغينها تهدر خصوصا رؤساء اعمال الشركات الأخرى بقاو حالين فمهم بنت مزال صغيرة كتبان باقي خاصها تلعب كتهدر بهاد التميز والانجداب فالكلام و تصرفاتها لموزونة واحد من رؤساء تلافت عند نعمان لي مبلوكي كيحس بسطولة دلما كيتخواو فوق راسو : تبركالله عليه امسيو نعمان سعداتك عندك وحدة من لموظفين بهاد الصفات نعمان وجهو مخطوف منو للون بتاسم ليه بزز كلباقة : من ذوقك😨 ساجد غير لكل حس براسو مصدوم وفنفس لوقت كان منتاضر منها هاد الأداء عرفها ماشي من النوع الساهل ومتأكد ان شخصيتها كتر من هاكة غي تصرفاتها الصبيانية لي كدير باش تنتاقم منو عرفها اتكون قوية إلا مكانتش حمقة آريا كتعض على شفايفها بحركتها لعفوية وكتكمل هدرتها بلا وراق بلا والو : إحصائيات 2003 كتقول انه ./.80 ديال الضحايا منهم لي تصاب و حتى لي مات بسباب لواصق لغلط لي كيتطبعو على لمنتوج وبالنسبة ل2016 تراجعت نسبة الخسائر حوالي ./.50 الوووغ تطور لعلم كيساهم فالبحت عن لحلول وحنا هنا كناقشو النقط عاد اندوزو لتطبيق كملات كلامها كتخبي توترها ومرة مرة كتهز عينيها لعند ساجد لي بزز باش كيهدنها تبقى وكيتبتها بكلمة الشوكولا كاهة داز لوقت بعد إحصائيات وأمثلة عديدة قدرات تقنع بيها لحضور بوجهة نظرها واهم النقط لي ركزات علييهم ..تسلا الاجتماع وجمعو لوقفة مساخيينش نعمان كان طاير من لفرحة ممتيقش راسو : شكرا فرصة سعييدة خرج مع رؤساء كيتبادلو اطراف الحديث بلباقة على لمشاريع والاستثمارات هدر واحد منهم: مكرهناش اجتماع تصميم لماركة تحضر فيه هاد لموظفة نعمان هز راسو باه :هه كون هااني فالقاعة كلشي خرج بقات غي هيا لواقفة وساجد لي متكي على لحيط كيشوف فيها اش باغا تصنع مزال. .يله اينطق وهو ادخل نعمان نطق بصوت مرتافع باين عليه لفرحة : مبرووووك عليينا هههههه كنت عاارفك متعطلتي الا و موجد شي حاجة شاف لعند آريا مشا لعندها باس فوق راسها : شكراااا ليييك ابنتيي شكرا بزاااف هاد اللحظة تاريخية كنا مهددين باش مناخدوش لمشروع آريا كتبتاسم ليه بزز وفبالها باغا تفكر دوك التخايلات تمسحو من عقلها نعمان تم خارج : حتا تعاود ليا التفاصيل ساجد : تمام سد لباب ودار لعندها شافها جاية لعندو بخطوات سريعة : فينها الشوكولا ديالي😭 ساجد : بغيتي الشوكولا هزات راسها باه يله اتنطق وهيا تخرج عينيها مبلوكية كتحس بيه كيلتاهم شفايفها بشغف وايديه محاوطين خاصرها وصدرها ملاصق مع صدرو بحكم انو حادر راسو لمستواها ..حسات بالنفس تقطعات فيها كضرب فصدرو وهو عاد مزايد مقربها ليه. .