جــرثــومــة 🐸هــاربــة مــن ديــتــول🏃‍♀️

Hhhhhh

😂😂😂😂😂😂
هيا اتلمو تضحكو 💕💕
خطرة كنت مع راجلي وغير الروتين راكم تعرفو الشغل تاع الدار وفليل نڨسرو شوي ونرقدو حتى وين خممت نبدل الروتين ويا ليتني كنت طاااوووس في احد الروايات وماخممتش هذاك التخمام المهم قلت اليوم نديرلو عفسة جديدة نسيه فالروتين لي مالف بيه كملت شغلي بكري. ودخلت للشومبرا قعدت حكمت التيليفون ودرت رقص مغاربي قلت اليوم نفاجئو ايا حفظت بعض اللقطات وزدت تفرجت الرقص الشرقي قلت يحبوه الرجال وركزت علييه خممت نقلشو شوية ونولعو🔥..... المهم جا راجلي تعشينا ودخلنا للشومبرا مع العلم انا نسكن مع دار شيخي انا الفوق وهوما لتحت.... ليسونسيال قتلو راني حابة نشطح 😁 تشوكا مافهم فيها والو بسك جامي شطحت قدامو ولا شافني نشطح 😂 ايا السيد من الفرحة مسكين طار دارلي ااموسيقى ودارلي غنا راي قتلو تتمهبل بيا ولا راك شاك في مهاراتي ولا واش ايا ديرلي مغربي ولا شرقي من زهري لمسود دارلي اغنية مغربية ..... ايا تخلطولي لي جاست بين الشرقي والمغربي ومافرزتهمش ايا فتحت رجليا 200درجة شفتها في رقص شرقي وطحت فالارض على ركايبي وبديت ندور في شعري بسرعة90000حصان حتى حكمتني الدوخة وراجلي حال فمو تبريزا مسكين قالي خلاص غير اقعدي راكي عيانة ..... قتلو اليوم نبدلو الروتين اسكت وكملت بديت نتلوى كي لحنش ممبعد شطحت شطحة التريسيتي ونعاود نطيح فالارض على ركايبي وندور في راسي وتحمست كي تفكرت المداحات قلت الرقص تاعهم يشبه لرقص المراركة😁 وزدت في عدد الدورات ايا وبديت نهبط في راسي ونطلع نهبط ونطلع..... وهو يقولي مايشطحوش هكاك وانا نقولو اسكت وين تعرف انت تعرف خير من ماليه واليوتيوب وكملت هكاك لمدة15د وكل 5د ندور راسي وهو يقولي خلاص اقعدي وانا نزيد .... راجلي ناض هرب راح يعيط ليماه جات لقاتني في هذيك الحالة😲 انا غير شفتها بنص عييين الدم يبس فالكور نتاعي قلت لوكان نحبس تقول عروستي بهلولة اياااا ونزيد فلا فيتاااس وهي تقول يا****** لازم ندوها للراقي الطفلة سكنها جن يهودي يعشق فلمراركة😈😈ايا قاتلو حبس عليا الهم هذا ودير القرآن هوما غير شعلو القرآن انا زعمة طحت تغاشيت...قالي يرحم باباك خلينا فالروتين لقديم خير .. وضرك غير يديرو لمراركة تقولهم عجوزتي طفي علينا لا يجيوها سياادها مسلمين مكتفين😂😂😂😂😂😂

لي قرات وضحكت تخليلي دعوة من قلبها 😞😞 ماتقراوش وتهربو ❤