جــرثــومــة 🐸هــاربــة مــن ديــتــول🏃‍♀️

العشريين

صاحبتي كان العيد الكبير😒 و وامها ماتااكلش لحم الخروف😪 و حنا ذابحين بقرة قالت ليا ماما نوضي هزي شوية لحم و شوا و ديه ليها مسكينة 😋.. خملت لي ماما اللحم و مشيت عندهم امها فرحت بيا مسكينة قالت لبنتها تنوض تسربي ليا أتاي صاحبتي زعما قلت لها مبغيتش غي ارواحي نقعدو شوية و نروح بقينا قاعدين شويا و نحكو أنا وياهاو امها كل مرة تقول لها نوضي حطي أتاي.😒. صحبتي ماتديهاش فيها ...عودتها مرة أخرى و هو ينوض ليها خوها كبير كان راقد في البيت و يسمع شحال قالتها لها من مرة هههههه قال لها حلفت الا عودت ماما الهدرة 3 المرات نوض نسلخك 😂😂😂 سيد بعقلو انا حاسبة غي يضحك وها خاوتي وينوض يحكم السبتة بدا عليها 😔😔😔 سلخها زين زين زرقها ههه و انا بيناتهم نسلك فيها والله مبغا يطلقها و امو تضرب فيه ببلايغ وحدة فيا وحدة فيه ههه وبعد ماكمل جرها ..قال لها يا الله ضرك نوضي حطي أتاي انا رفدت بليغتي و بغيت نهرب قال ليا والله اختي حتى تقعدي حتى تشربي اتاي قتلو لالا لا راني تعطلت على دارنا قال لي والله حتى تقعدي منعاودش الهدرة هههه خفت غي يعاودها و يجي يسلخني حتى أنا😒 قبضت لارض جابت صاحبتي داك اتاي داير كي البول هههه نشرب و نترعد كي كملت زادني واحد أخر بسيف باش شربتو و هربت 😂😂😂فاتت المدة جا خطب فيا وااااع قلت لهم مستحيل هذا نعاود معاه الهدرة 3 المرات ينوض يسلخني😒
و الشيخة صاحبتي هو يضرب فيها و هي تقول ليه باغي تبان على ظهري نوض حطو ليها نتا ولا روحو لدارهم و تشربو عندهم 😂😂😂
و مزال لحد الان نشك فيها بالت ليا في داك لاتاي ..يا أخواتي مايشبهش لأتاي مشربتش معانا و حتى امها مخلتهاش تشرب شربت غي أنا والصكل تاع خوها😂😒