جــرثــومــة 🐸هــاربــة مــن ديــتــول🏃‍♀️

23

لبنات راني جبتلكم زبلة درتها قبل مانتخطب تقتل بالضحك😒 هذي الحكاية صراتلي مع حبيبي هذا 😒✌قبل مايجي يخطبني 😒كنت نحكي معاه في التيليفون بالتخبية على خاطر لو كان يسعوا خاوتي ولا بابا تزڨااات عليا 😒
المهم وحد الخطرة في الليل حبيت نبعثلوا ميساج ومكانوش عندي ليزونيتي كيفاش ندير كيفاش ندير 😒؟؟؟؟؟؟ ريسكيت ورحت لشومبرا تاع بابا لقيت بابا و يما راقدين شفت فوق لاتابل دونوي التيليفون تاع بابا رفدتو وهربت لشمبرتي كتب ميساج رومنسي لحنوني وحذفتو كلي مادرت وااالو 😒
رجعت غير بلعقل باش نرد التيليفون وثمة يفطن السي بابا،،،🙄،،،،وانا تم حبس قلبي وبديت يابابا انت ملقيتش ويقتاش تفطن قالي واش خصك قلتلو والو جيت شفت الساعة برك ماما سمعت الهدرة زادت ناضت هي ثاني واش هاذ الهراج في نص ليل قلتلها وااالو جيت نشوف الساعة برك ،،،،،،😒
انا كملت الهدرة وجيت راجعة ويصوني التيلوني يا دلالي لحق ميساج عند بابا 🙄جوتام عمري💕
احااه نندب شاف فيا بابا قالي تعرفي هذا النوميرو قلتلو لالا مانعرفوش 😒
ثمة يما تبدل وجهها وخزرت فيه خزرة وقالتلو يا وحد الخداع هذا شحاا وانا حاسة بلي راك تخدع فيا 😒😒جوتام عمري ياوحد الشيبوخ الشيب والعيب هذي هي التالية معاك تخدع فيااا علابيها ماتخليش بنتك تمس التيليفون تاعك،،،وبابا مسكين يحلف ويسخط غير ما يعرف النوميرو .....🙄
خليت ماما مسكينة تندب وهربت لفراشي مافريت نضحك ما فريت نبكي من غدوه ذاك قلتلوا عيط ل بابا قولوا اسمحلي🙄 غلطت فى النوميرو كيما كان الحال هو عيط وبابا بداه مسكين بالسبان مخلالوش قالو قريب خربتلنا الدار بعدها بشهور جا خطبني 🙄وحكيت لماما عالميساااج زادت سبتني مخلاتليش 🙄وبابا لحد الان ماعلبالوش ايااااا دوك امشو ترقدووو وبلاكو تغلطوااا كيما انا ههههههههه😒