جــرثــومــة 🐸هــاربــة مــن ديــتــول🏃‍♀️

وليد خالتي💔

ليوم راح نحكيلكم حكاية صح صرات لوليد خالتي باش اديرو حسابهم مليح . هذا وليد خالتي عرف وحدة فالفايسبوك هو في عمرو 35 سنة وهي 39 سنة ومع لوقت والفها وولا يحبها . قالها ابعتيلي تصويرتك قاتلو أنا ماشي شابة . بصح هو قعد يانسيستي عليها حتي بعثتهالو أنا مانكدبش عليكم كي شفتها صح ماشي شابة بصح ماحبيتش نفسدلو النية قلت ربي يسهل بصح لحاجة لي حيرتني هو عجباتو وزاد طاح فيها وقالي أني حاب نخطبها . أنا مافهمت والو قتلوا زيد أعطي لروحك شوية وقت عندك ياربي شهرين ملي عرفتها وزيد كبيرة عليك . قالي أنا ماعنديش مشكل خلاص خممت وديسيديت غير هذي لي نديها . المهم هو غلق راسو وراح ليماه وقالها فالدار كامل ما حبوش . بصح هو راسو خشين قالهم ياهاذي يا نخرجلكم مالدار وماتزيدوش كامل تشوفوني . دارهم يعرفوه راسو مغلوق و يديرها مشاو معاه وخطبولوا . ودارو لعرس في مارس هذا لي فات . المهم بعد 15 يوم برك من عرس السيد رجع مقلق بزاف واش تقولو مرتو يدير . وبداو المشاكل . وقالي شحال من مرة تجيني لفطنة على 3 ولا 4 تع صباح نلقاها فاطنة كي يسقسيها تقولو ماجانيش رقاد . المهم وحد لمرة بالجمعة صباح قاتلو نخرج مع يما للجبانة نزور لقبر تع بابا توحشتو هو علي نيتو خلاها . وكي رجعت دخلت للدوش باش تدوش طولت لداخل هو توسوس دخل عليها للدوش لقاها تحط فحوايجو داخل machine á laver وفي يدها وحد لاوراق صغار علي شكل حروز مشمخين بالماء نحاهم من يدها وحب يقرا واش مكتوب فيهم ماقدرش لكتيبة هذيك قاع تمحات باسكو مرتو لخبيثة هذيك تستعمل مسحوق أرياال الفعال بالحبيبات الزرقاء لأزالة البقع . . . !! وهكذا حبيت نحكيلكم عن فعالية هاد المسحوق .اكيد جربوه ومش راح تندمو في الاخير اشكركم علي حسن القراءة وتقبلو مني فائق التقدير والاحترام وشكرا........نسيت نقلكم المرة الجاية نحكيلكم عن مسحوق ايزيس

والله غيرتكومونتي هاها حلفتي