جــرثــومــة 🐸هــاربــة مــن ديــتــول🏃‍♀️

بهديلة خمسصطاعش

هااا ما خيااااتي انا المحڨوووووورة 😢😭😭
طاشيت سروال راجلي المحفوظ بالجافيل و من قيبل و هو يعيطلي و درت روحي نصلي 😭 راني في سبعة و عشرين ركعة 😭 و هااا انا المحڨوووووورة المغبونة المسكينة شا ندير 😢 قالي والله يا السديسي اليوم تبات في داركم 😢

سلخير عليكم حباباتشي 😍💋 و كي توحشتكم انا يا اكوبيداتي 💋💋 قد السخانه تاع هذ اليامات 😂
المهم و المفيد و الحاصول نحكيلكم شوية باش يجوز الوقت و نتونسو قتلتني السماطة فالدار وحدي عمكم المحفوظ خدام عساس في ليل
ايا وحد نهار كي كنت مختشوبة احم احم 😻😁 يمات الله الله مهيبة داخلة مهيبة خارجة 😍 وزيد قريب عليا حبقلبي غير يفوت مع لعشية يخليلي صاشي سقايط عند شجرة البلوط لي تحت الدشرة و انا ندير روحي نعمر الما من العين تاع الدشرة (جالما نوض تعمر جالما 😂 ) علفني حتى وليت بڨرة 😁😂 و كان يعيطلي كل يوم على العشرة و على الربعة غير يخرج من الخدمة يعيطلي من الطاكسيفون للفيكس تاع الدار زوج دقائق و يكوبي 😍 اڨليعبويا عشت رومانسيه في زماني 😍💋
وحد النهار عيطلي على العاشرة و نكربع فوق ذاك الكاناپي و ناكتيفي مود حنانة 😍 صفا صفا حمد الله واش راكي دايرة فيها قتلو والو غير انا و ماما فالدار قاعدين مكملين الشغل و هااااااا خيااااتي انا المحڨوووووورة المغبونة المسكينة 😢💔 تدخل يما و تطلڨ الحنجرة الذهبية تاعهاا و هااااااا علجية شارفة لي تخرا و ما ترميش الما موراها 😡😡 و انا نضل نتبع فيك وين تروحي تخراي نجري بالبيدون انا ولا 😡 ليبامبوبي انا ولا مانعرف شا يسموهم 😡
صدمة كبيرة 🌚 اخلايا 😱و هاااا الكشفة و هاااا لفضايح 😱 اتبهدلت 😱 انتفضحت 😱 ملخلعة تبلوكيت و تحجرت في بلاصتي و هي حتى كملت ڨاع حكاييتها شافت التلفون في يدي 🤔 مع من راكي تهدري خلي تكملي نتفاهم معاك انا 😒 ا كاش ما بقا 😢 لالا غير كملي غير زيدي 😢 راحت الهيبة فذيك الخرية 😢 راحت لافونيغ 💔 قتلو الو و وجهي مطلس 💔 قالي الو وي علجية صافا غير الخير شكون خرا 🤔 اخلايا سمعت ألكلب 😒🌚 اه يا حوباي كي دخلت حيزية جارتنا وليدها خرا فالدوش ههه 😁 و يماك لاه تعيط عليك نتي 🤔 ايه يا حوباي اك تعرف لعجايز المهم يا كوبيدة كملت خدمة ؟ قالي وي عمري و اني داخل لدار 😇 ايا تهلى في عمرك حبيبي و سال على يما 😇 و نتي تان عمري تهلاي في روحك و كي تولي تخراي ارمي الما موراك 😁 صدمة كبيرة 🌚🙄
مزية نساها لحكاية هاذي و الله غير صح الوقت ينسي 😁 مي الحكايات لي دراهم مع الوقت هذا لي نساها كتر من ذي لحكاية 🐸