جــرثــومــة 🐸هــاربــة مــن ديــتــول🏃‍♀️

عزوجتي

بنات ماعرفت نضحك ولا نبكي😒، أختي جابتلي ستيلو ينحي الشعر تاع الوجه،😋 جابتهولي مسكينة من لندن في الشتاء و أنا بهلولة ما نعرفش نستعملو و البارح عجوزتي ما تحملنيش بزاف ، شافتو عندي قاتلي وش هذا الحية، قلتلها هاذا يطراسي الحواجب( هوا داير كيما الملقاط تفوتيه على البلاصة لي فيها الشعر و يزرطها )😒 مالا شوفو عجوزتي قاتلي ياخي حالة ياخي علاه البدعات ياك كاين اللقاط و بدات تنقرش و راحت و خلاتني، و اليوم أنا رحت لدرانا يسكنو قراب باش نجيب شوي ذهب من عند يما خاطر رايحة غدوا مع عجوزتي نباركو لولد أختها نزادلو ولد ، ورجعت لدار نلقاها تدور بلا حواجب 😂😂😂😂 و زيد قلتلها ستعملتي الآباراي تاعي؟ طارت فيا قتلي لا وش وصلني للخردة تاعك راني غلطت درت بومادة في حواجبي، وهي تكذب ديجا الستيلو مازال فيه شعر ،، وقيلا فوتاتو على حواجبها حسباتو يريقلهم وحدو، و زاد شيخي قاللها رايحة غدوة تباركي بلا حواجب راكي كيما المانكان نتاع الحوانت ما نعرفوك فرحانة ولا زعفانة راحولك التعابير 😂😂😂😂 راهي تدعي عليا مالعشية ربي يستر و خلاص😒
🐸