جــرثــومــة 🐸هــاربــة مــن ديــتــول🏃‍♀️

حكاية

23مارس 2018

كنت قاعدة فلكلاصة جيهة البيرو تاع لبروف مع صحبتي ملاك نقصرو مما عوايدنا ونمنشرو فلغاشي 

سيرين= افف يايما السخانة ماقدرتش افتحي افتحي جد التاقة تغميت احمودة .. ريحة صباط اسامة عياتني هههههه

ملاك = خخخ اسناي ذك نفتحها مام انا دوختني الريحة بصح نقصي صوتك سينون يسمعك 

سييرين= اي وانا واش دخلني فير جدو اذا صباطو فايح .. اييييه هاي رحمة ربي رجعتلي الروح فلكلاصة الموسخة هاذي 

ملاك = بلعي البروف يشوف فينا 

انا تلبكت غميا فمي بيدي او لعبتها نشوف فلكتاب او نقرا زعما زعما خاطيني  .. ونا ملتحت قنبلة موقوتة رح ننفجر هههه هكذا انا ضحايكية بزاف  منقدرش نشد روحي 

ايمن = شيخ وينتا لاكزامان نتاع الماط ؟

البروف = سمانة الجاية بالاربعاء مبصح الدروس تع الفصل هذا راهم قلال تسما الدوال والمتتاليات داخلين غير ابداو تريفيزيو

الكلاصة قع = ايييي ياشيخ وعلاه هاذوك صعاب مابغيناهمش 

البروف = وقف او قالهم اششت السكات متكثروش معايا الهدرة لي عندي راني قتهولكم سيبون 

انا طرطقت فقسامو قتلو هامالا قرينا وفهمنا كي الناس نسكتو -_-

خزر فيا وعينيه حمارو لكلاصة كامل سكتت فزهر ي الكلب خبيت روحي ورا ملاك  ميتةة بلخوفة .. والله سيريو خلعتني خزرتو ياسيرين ياطحانة بيلي متسوايش حبة بصلة واش داك تهدري وااش داك اهئ 

ملاك = لمي لمي روحك راهو جاي عندك اخلايا راهو يزررب فلمشية 

انا كي قاتلي هكاك برد فيا الدم وفشليا رجلو مقدرتش نتحرك تكمشت كي القطة المشمخة وراها باش منشوفش فيه اه يا حسراه فدقيقة لحق عندي ونا مهبطة راسي نشوف في صباطو ازح يلبس 66 انا لثماك طرطقت بضحك وكامل مشوكيين فيا ههههه والسيد تخلع فيا

البروف = اسمعي هزي راسك راني نهدر معاك وش حاسبة روحك تضحكي وقت متحبي وتهدري معايا باسلوب غير لائق

ايما كرشي ولات تفيبري كي تلفون نوكيا صايي مقديتش زلق بيا الكرسي وطحت اجونو فلرض نضحك

ايمن = سيسي اتنفسي اتنفسي لاتموتي فنص الكلاصة نحصل فجدك 

ايا البروف كي تقلق مني راح يجيب ورقة تاع تقرير باش يشكي بيا .. كي عاود يمشي تولهت بلي لاصقة فصباطو شوينقوم فلوريدا لخضر ههههههه ارواحو وحكموني ياناس انا تافهة نضحك على كلشي 

ملاك سمله رحمان رحيم سيرين شبيك واقيل شركس سكنك

اسامة = اخطيك منها تعرفيها ديما تبهدل روحها