جــرثــومــة 🐸هــاربــة مــن ديــتــول🏃‍♀️

لكرونيكات وسلبياتها🙂

جغثوماتي🐸 منكذبوش على بعضانا ... اغلبيتكم راكم تقراو كثر من 6 كرونيكات فنهار تالمون الفيد قتلكم 🕒وكاين لي مهوسيين بيهم وتعلقو باحداث تاع قصة معينة 📖بصح لبروبلام سي راكم تامنو وتتخيلو في حياة بارفاكت😍  وشابة وهي اصلا مكاشها فدنيا وجامي تصرا .. راكم تقولو علاش ؟؟😶

انا نجاوبكم باسك مكاش منها تخرجي للزنقة فليل🌌 ابري تقيسك طنوبيل او تتجرحي وتتغاشاي ويجي هكا راجل زينون😎يهبط من الطنوبيل يديك معاه للسبيطار يداويك ويطلب سماح🙏 ويرجع كل يوم يسقسي على حوالك ابري تولي تعجبيه ويجي يخطبك وتتزوجو  او تجيبو دراري💍

نن مكاانش منهااا هاادي هذا راجل   اذا قاسك بطنوبيل🚗 كابابل يهرب🏃‍♂️ هههه واذا طحتي فواحد حنين يديك لسبيطار ليلة هديك ابري انساي تزيدي تشوفيه يعني  اذا مامتييش من الضربة لولة💔

ولا حكايات لامافيا لاكازا نوفا🔦🔪 تاع الطاليان والروس ومنعرف وشنو صاحب اكبر الشركات العالمية و الاعمال الخيرية لي يخبي بيها اعمالو الشيطانية☠️ زعماا  لي بخزرة منو يطيح عشرة او عندو انتقام لازم ينفذو ابري تتلاقاو 😈وتكونو توجور تتقابضو منبعدا تعشقو فبعضاكم ❤️والخرطي هداك هاادي تاني مكااش منها🚫 

ابسط مثال وحدة قيسها قيس روحها تتلاقا مع واحد فلبيس مثلا او يصرا بيناتهم موقف يضحك😂 منبعدا يرجعو يتلاقاو فلافاك او تصرا بيناتهم قصة عشق كبيرة هاادي تاني هههه  متصراش🙂

اسيدي حكاية قريبة للواقع وحدة زوجها باباها بلغصب زواج تقليدي منبعدا الراجل هداك تاني يكون يكرها ومور زواج يمرمدها بضربها 🤛ويخونها ويدير فيها الويل منبعد يجي نهار يدخل للدار سكران او يكون زعما مريض تروح تبات معاه وتداويه وهو يولي يحبها كيعاد تتطهلا فيه👌 او يتبدل معاها ننن الشكوبيستاني عزيزتي ميدرش هكدا 👍هههههه

متخلوش رواحكم فليل كي تحطو راصكم على لمخدة تبداو تتخايلو في مواقف تصرالكم 💭( كي شغل كرونيك) او راكم مع الراجل لي تخيلتوه وعشتو عيشة تهبل😍 ... هادي غلطةة كبيرة⚠️ سوغتو للبنات لي في عمر 11 و 14 يامنو بلخف منيش نجمع في كلامي مي راني نقولكم الصح

الوغ بليز لبنات متنساوش الواقع لي رانا نعيشوه ماشي كامل لبنات كي تخرج لبرا تلبس الحطة وماشي كامل الرجال عندهم شركات وطنوبيلات وزينهم ميتنساش او ماشي كامل عندكم العين الخضرة ولا زرقة والشعر الحريري ولاطاي لي تهبل مع الاسف عندنا ديفوات ومشاكل وبالاك ديونات فحياتنا تسما متعمروش راصكم بافكار خيالية قليل وين تصرا فدنيا سيلتوبلي متزعفوش مني😊 انا تاني كتبت حكايات ودرت فيها احداث خيالية بصح منيش نقولكم اتخيلوها جووست كتبتها باش نستمتع ونرفه على  روحي سيتو مع انو الشخصيات حقيقة♥️

افف غلبت ونا نكتب😂 ههههه لي ضد لفكرة تااعي يقولي فليكومونتاغ وشكرا