جــرثــومــة 🐸هــاربــة مــن ديــتــول🏃‍♀️

--

هاني جيت نحكيلكم مين طحت ب السني مين جاو يخطبوني😟 المهم جات ماماه لعڨرب وأخته لفعة وجداته لهايشة 😑 أنا كنت فلبحر و مشي باغية خخخخ أيا ڨاتلي ماما رواحي غدوة يجو رحت 😑ههه أيا ملعيا تاع التشحاب دربتها برڨدة ولغدوة ڨيلت منضتش حتى جات ختي ڨاتلي نوضي جااو غڨاتلي هاك نضت مطلمسة مخسرة من كمارتي😂 درت غوجالاڤ لبست بدعية bleu شراهالي الهواري مين كان حاسب باغي يديرني فداره حتى لقاني هايمة المهم معليناش خخخ درت منڨوش و براسلي وسنسلة رڨيڨة وغسيل ورحت للكوزينة ڨاتلي ماما تلقي السني واجد غير متحشمينيش حمبوكي 😂 أيا رحت رفدته ودرت التلفون فصدري كعوايدي vibrerur وجيت داخلة أنا نسيت بلي فالصالة كاين عتبة باسكو الدار جديدة خخخخ ها خواتاتي شا نڨولكم و شا نحكيلكم ونطيح 'يروح السني فجيهة وتطلڨها ماما ويا حوجي التارمو يتهرس 😭صحيتي الوالدة صحيتي😒😒 أيا نضت كشغل مكان والو معلاباليش ڨاع شا كنت شاربة لا حيا لا بولحيا رفدته وحطيته فوڨ الطابلة ڨاتلي عجوزتي العتبة راهي طرد فيك راكي جاية عندنا خخخ أودي أنا دارنا ومانيش ڨاعدة فيها شراكي تهدري خالتي كهكهكهكه وتحكمني جداته معلاباليش إيلا عجبتها مين طرية ولا شافت لاطراس تاع المايو وأنا في ڨلبي هالا الحاجة حتى نروحو للحمام في رحبة😂😂😂😂 ڨاتلي ماما فرغي القهوة أيا بديت نفرغ ڨتلها أنا ماشي موالفة نفرغها غي حشمت خخخ

المهم والمفيد السيد تزوج مرته راهي بالكرش و وانا ما زلت هايمة 😑 😏