جــرثــومــة 🐸هــاربــة مــن ديــتــول🏃‍♀️

عفاف ورحيم

جبتلكم كرونيك ضحك و شباب 😂😂
مواقف مضحكة 🙃🤞
أنا عفاف عندي 25 سنة قصيرة خمرية شعري شاتا و طويل عينيا خضورا شابة احم احم حوحو يشكر روحو 😂
غير انا عند بابا و ماما انا بزاف مقلشة و حنينة و مام مشاغبة و غير تاع مشاكل 😅
بدات حكايتي مع حبقلبي كي كان عندي 20 سنة هو يقريني في لفاك 😁 المهم كنت وحد النهار خارجة نجري من لفاك بسكو البقرة تاع صحبتي نسيت عندها لي كوغ تاوعي المهم كنت خارجة نجري حتى دخلت فيه كان شاد قهوة في يدو القهوة هذيك دفقت عليا و عليه كنت لابسة ربى رمادية غاصتني الربى خسرت 😢💔
قتلو سمحلي مشفتكش كنت مزروبة و بدأت حكايتنا من هذاك النهار تعارفنا وليت كي نكمل المحاضرة تاعي نروح معاه ندورو برا ولا خطرات نقعدو في الكافيتيريا و بديت نحبو نهار بعد نهار و وليت تتعلق بيه بزاف و مام هو .....
نلقا تفاعل نكمل ✌️

معرفتكمش بالبطل بفارس الاحلام 😍 ببغل الروح احيه قصدي حبيب الروح 😅
المهم اسمو رحيم هو طويل سمر عندو عينين كحولا و شعر حرير وحد الجسم احح يهبل 😍 لي تشوفو تتمناه بقلاوة معسلة ألف وحدة تتمناه بصح هو تاعي وحدي 😂😂
وحد النهار في العام التالي تاعي في لفاك خرجنا قتلو تحبني قلي باينة نحبك عمري قتلو ملا علاه مجيتش تخطبني قلي ياك علبالك حالتي و راني مع يما نجري عليها مع العلم يماه مسكينة متشوفش و كان يجري عليها باش يدلها عملية على عينيها في الخارج قتلو معليش ربي يشفيها قالي عمري ياك علبالك نحبك و منحبكش كي تشنفي خلاص السمانة الجاية نجي نخطبك بصح نجي وحدي يما علبالك منقدرش نجيبها و معنديش بابا ولا خياتي و عمامي مناش متفاهمين معاهم قتلو معليش حبيبي مرحبا بيك

رحت هذاك النهارللإقامة و دخلت دايخة مالفرحة و نقول لصحبتي فراااح فراااح اجري يا البقرة اجري نقلك واش صرا اجري هههه جات تجري ليا قاتلي واش خلعتيني اهدري قتلها اتخيلي واش قاتلي معلباليش بلاك اغتاصبوك 😱 قتلها في راسك يا الكلبة 😡 قاتلي هههههههه ملا واش قلتلها رحيم جاي يخطبني 🤗😍 قاتلي قولي و الله يويويويوي مبرووك يا قلبي فرحتلك و سمي بنتك عليا هههههه 😅
و هذاك النهار مرقدتش مالفرحة
و المهم لحق النهار لي يجي يخطبني فيه رحيم وجدت الدار و كلشي انا و ماما و فراح صحبتي حتى وصل المستر حبيبي كي صونا الباب قلبي قريب حبس 😍 فتح عليه بابا و دخل كنت أنا و صحبتي قاعدة و نقلها منيش مأمنة فراح راح نموووت 😍 و هي تقلي متنسايش ادخلي غير بلعقل و بالرزانة و متنسايش الملح في كاس القهوة تاعو 😂 المهم درت الملح في كاسو و دخلت نمشي و مهبطة عينيا في الارض و هو يضحك غير ماتحت لتحت ههههههه وصلت ليه تخلطلي الكاس لي فيه الملح احييه مديتلو كاس فيه السكر و تاع الملح داه بابا 😣 المهم ولا يشرب القهوة نورمال كي شفتو متأثرش عرفت بلي غلطت في الكأس اومبعد بابا بدأ يشرب في القهوة هو دارها في فمو و جاتو مالحة و مع زيد يا حسرا الملح درت 4 مغارف 😁😂 قتلكم دارها في فمو و جاتو مالحة و رجع الكاس وجهو تبدل 360 درجة و شاف فيا وحدة الخزرة 😖 حكمني الرعب و بوركايب تاعي شابع ضحك عليا المهم هدرو و تفاهمو كي جا خارج نضت معاهم و مع القفطان طويل تنڨرفت و نخبط وحد الطيحة على وجهي ااه بغيت الارض تنشق و تبلعني جاو يجرو ليا و رفدوني و حبطرمتي شابع عليا ضحك اه ربي تبهديلة عمري