جــرثــومــة 🐸هــاربــة مــن ديــتــول🏃‍♀️

بالاك لحقت ساعتي ؟

لبنات اقراو للخر تعيشو

فرضا .. جا نهار وروحت فيه من الواتباد ولامن  الدنيا قع .. ياك كلشي بلمكتوب او واحد ما راح يهرب من الموت 

بغيت حاجة وحدة منكم اذا كنتو تعتابروني كي ختكم الصغيرة ولا لكبيرة ميهمش .. نسحق منكم دعوةة الخير هذا مكان .. بالاك نتوما لي رح تخففو عليا ذنوبي بدعاوتكم منعرفش .. انا تاني غلطت فحياتي بزاف .. ونا وحدة من الناس منعرفش صلاحي صح نمدلكم نصايح بزاف

لكن انا انا تاني كنت محتاجتهم .. مفهمتش علاش راني متأثرة ونبكي مي هدرتي راهي خارجة من لقلب .. اذا شفتوني طولت الغيبة عليكم سيتاديغ ربي راهو دا امانو

متكتبولي والو فليكومنتار يكفي انو تطبقو شي لي قتهولكم .. حباباتي لي يعرفوني كونت حابة كامل نعاونكم لكن راني ندير لي نقدر عليه وبلاك كثر ..منيش رح نذكر اسماء معينة لانكم بزاف او نتوما تعرفو رواحكم بلبيان .. ميساجاتكم رح يبقاو محفورين فلبال 

متنساوش تتفكرو ضحكاتنا تقصيراتنا او لعباتنا او كلشي .. اتفكروني بلخير .. اذا كنت عزيزة على انسان ولا انسانة وحدة فيكم رح تحطو سجادة وتصليو وتدعولي ولا صدقة جارية منكم  تكفيني

صدقوني كنت معاكم بنية والقلب الصافي لي غلطت معاها تسمحلي مع انو انا نعرف روحي محال ندنا لكاش وحدة هكك فلباطل

الكونط نتاعي متخلوهش فارغ تعيشو  خلو ميساجاتكم فلبريفي ولا ليكووومونتار لانو خواتاتي رح يقراوهم  .. غصة راها في فقلبي وحاسة روحي مخنوقة ومش قادرة نحكي .. جيت ليكم نتوما لولين حكيتلكم معلاباليش اذا رح نصبح منا لغدوة لكني راضية بواش كتبلي ربي  مالقري راني خايفة من واش راهو يستنا فيا خايفة كعاد ضيعت صلاتي وبالاك عصيت ربي او غضبت والديا .. صدقوني الرجفة حكمتتي 

ختي ولا خويا علابالي مين كشما يصرالي رح تعاودو تفتحو لكونت وتشوفو كلشي .. حبيت نقوللكم بلي نحبكم بزاف انا هك حشامة منقدرش نقولها فلوجه مبصح لي فلقلب يعلم بيه ربي .. متخلوش ماما تبكي عليا تعرفوها مريضة تسما كونو معاها ديما  متخلوهاش تسكت بسك نخاف تطلعلها لاطنوسيون  فليل شوفوها راقبوها كما كنت ندير بسك نخاف عليها متزعفوهاش كما درت انا نووو متعاودوش فعايلي .. معليش مترموش كرارسي لي كونت نكتب فيهم لخواطر هدوك عزاز عليا .. متبكوش عادي راني عند ربي سبحانو وهو حنين كريم .. بلا متنساو  الورد تاعي لي فلبالكون متخلوهش يذبل هداك غرستو ملي كنت برا نجري وناكل تراب كي لمهبولة

سبحان الله اول مرة نحس بسونتيمون هدا بسك صدري ضاق وفشلت منيش نكذب عليكم فحتا كلمة دوكا راني قاعدة وحدة نشرب فلما ونقرا القران  .. اذا لحق الوقت نمتمنا انو نكون نخليكم زهيتو معايا يا لوكان شوية 

ونوكل ربي على انسان واحد فدنيا هدي لي جرحني 

اتهلاو في رواحتيكم علابالي كثرت عليكم الهدرة

في امان الله