جــرثــومــة 🐸هــاربــة مــن ديــتــول🏃‍♀️

تبهديلة لولة

خطرة صحبتي تعرفت على واحد غير في تلفون وهو وليد فاميليا 😘ايا قرر باش يجي يشوفها قاتلي خفت نروح وحدي والله غير تروحي معايا ايا غاضتني 😠 وقلت معليش السيد ناويها نروح معاها بلاك على ربي تتزوج ونتهنا منها 😌 ايا تلاقينا بيه لحق شباب ومربي رانا ندورو من التمنيا تاع الصباح وهو يدور فينا رجلينا طابو 🏃 انا لحقت الزوج تاع لعشوا عينيا عوارو من لجوع وحشمت نهدر خفت نقولهم نروح نفطر يفهمنا طامعين فيه ولا نقولهم نروحو نفطرو يحصلوا فيا وانا كنت فقيرة هداك لوقت عند حق زوج طرونشات بيتزا 😁✌️ ايا زدنا شوية قالنا مجعتوش انا عينيا تحلو وصحبتي قاتلو لالا عادي وهي كلبة كانت تغمز فيا 😩وتقولي اني دخت من لجوع حتى قهوة الصباح مشربناهاش جاتني عالسبعة تقول حنحاربو ايا قالها باين فيكم جعتو قالنا ارواحو تبعوني قعدنا في وحد الكراسة في جنينة قالنا شدو دقيقة كرطاب 😍 حنا حسبناه استاذ بهاداك الكرطاب قعد ساعة بعد جا هاز قرعة تاع كوكة بصح مافيهاش كوكا فيها لماء عمرو من وحد القهوة 🤦🏼‍♀️ وشد هداك الكارطاب وفتحو وجبدنا وحد الصاشي فيها كسرة فطير عطانا مورصو مورصو حسبهم تلاتة انا وليت ناكل فيها ونفوت بهاداك لما تقول زوفرية غير باش منحشموش وبعد قالنا حتى ديسار وجبتلك اني درت حسابي جبد تلات حبات مندرين حساب وكمشة بلوط 🤐انا لتم خلاص دخت شديت الضحك بالسيف عمري ماكليت بلوط داك نهار كليت وعينيا مغرغرين بالدموع 😂 وزيد جاب موس احتياطا تاع كوبونڨل ويقشرنا في لبلوط ويقولنا كولو باش يولي عيش وملح😱 يملح جلدك نشالله 🤲بعد كي جا رايح قالنا عندكم باش تركبو خزرت فيه قوتلو هات شكارة لبلوط الي بقى نبيعوه ونركبو بيه طريق كومبلي وانا نبزق على صحبتي وهي ميتة بالضحك😒😂 😂