Ñada Abd elrahman 💙
ياريت الاقي تفاعل لو لاقيت التصويت اكتر من 40 تفاعل وكومنتس وتوقعات كبيرة هرفع البارت الي بعده بكرا ودا وعد..
مهمه عشقك ( قدرنا المحتوم)💙
البارت التاسع 💙
في فيلا زين بدر تحديداً في الجناح المخصص ل آسر و ادهم كان يقف في الهواء الطلق ينظر إلي هاتفه ويتفحصه جيداً الي أن مل ..فقط يريد أن يجري لها مكالمه ويخبرها أن والده قد وافق علي ارتباطهم ولكنه متردد قرر اخيرا أن يجري اتصال لها..وينتظر ردها عليه ..بعد دقائق بسيطه قامت بالرد عليه پيري وهي سعيده لسماع صوته الحانى الذي اعتادت عليه..ولكن كان القلق والتوتر ينتابها وكانت قلقه للغاية
آسر بصوت جذاب هو يسمع انفاسها وهي لا تريد التحدث
پيرى.!
انتفض قلب پيرى وكأن هذه المره الاولى التي تسمع إسمها منهُ
اا. ايوا
آسر بتساؤل
پيرى انتي كويسه ..مالك ؟
پيرى ولا تعلم سبب توترها .
لا لاء انا تمام ..هو في حاجه يا آسر..بتتصل دلوقت ليه
زفر آسر بضيق من افعالها وتابع
ايوا فى حاجه ..قررت اني ابلغك أن خطوبتنا آخر الأسبوع ده ..وفي خلال يومين هطلبك رسمي من خالي يا پيرى ومتنسيش الوعد الي ما بينا ..تصبحي على خير.
ثم اغلق الخط وزفر بضيق من تصرفتها العفويه الخاطئه..وردها البارد معهُ
أما هي فا ظلت فتره من الوقت مازال الهاتف علي اذنيها وتردد كلام آسر بصوت مسموع عده مرات وكأنها تسمعه منه هو ..علي اثرها دلفت ماسه غرفتها بهدوء وهي تريد التأكد من صحه عقل شقيقتها بسبب صوتها الذي بدء يعلوا وهي تقول خطوبتنا آخر الأسبوع.. خطوبتنا آخر الأسبوع..رددتها عده مرات نادت عليها ماسه أكثر من مره نظرت لها پيرى بصدمه ممزوجة بالفرحة الشديدة ثم اخبرتها علي كل ما حدث.. سريعًا من شده فرحتها .....
بعد قليل
ماسه براحه
يا ربي بقا كل الجنان والصوت العالي ده .. عشان آسر قرر ياخد خطوه رسمي ..يشيخه خضيتيني افتكرتك اتجننتي انا قلت خلاص هو اخد عقلك منك
پيرى بهيام
هو أخد عقلي بس..ده عقلي وقلبي وروحي وكياني..انا مش بحس بنفسي وانا معاه بحس اني مش علي الأرض اصلا..انتي مش متصوره انا بحبه إزاي
ماسه بفرحه وهي ترا كل هذا الحب في أعينها
لاء متصوره يا حبيبتي وعارفه بتحبيه ازاي ..عايزه اقولك انك لازم تثقي فيه اكتر من كده ..وبلاش كل شويه تشككي في حبه ليكي..وياريت دائما يكون في مناقشه بهدوء عشان توصلوا ل حل يرضي الطرفين ..مش طرف يرتاح والتاني دائما قلبه مكسور تمام
پيرى بسعاده
لاء اشكك ايه .. ده هو اثبتلي إني فعلا ليه ..مكدبش يا ماسه ..يعني وعدنا لسا معانا وبيتنفذ انا مبسوطه مبسوطه اوووي اوي ..انا عايزه أكلمه
ماسه بنفي
لاء تكلمي مين انتي مصدقتي..لاء استني منه مكالمه تانيه وبكره أو بعده بالكتير ..بلاش ترجعي تعلقي نفسك تاني ..انتي مش عارفه الظروف اتفقنا
پيرى بصبر
حاضر هستنا..مش عندي حاجه غير اني استنا.
ماسه براحه
طيب يا حبيبتي انا هنام بقا تصبحي على خير.
پيرى بإبتسامه سعيده
وأنتي من اهل الخير
ثم ذهبت ماسه الي غرفتها..بينما ظلت پيرى مسطحه علي فراشها وهي تتذكر تلك الكلمات التي تجعلها تحلق الي الاعلي الي أن ذهبت في ثبات عميق
*************
تنهدت ماسه براحه بعد أن اطمئنت على پيرى والي حد ما استقرت امورها بخير..
تلقت ماسه رساله من عُمر تحتوي على كلمه حب وأيضاً يريد مقابلتها في الغد ...
ابتسمت ماسه برقه.. ثم ارسلت لهُ رساله تحتوي علي كلمه أشتياق..ثم وافقت علي الذهاب في الغد ....ظلوا هكذا يتلقون الي الرسائل الي أن انقضت ليلتهم علي خير
*********
كانت بسمله في غرفه الملابس التابعه لصاله التدريب في النادي تستعد لتغيير ملابسها ثم الرحيل فا الساعه انقضت ال10 مساءّ ...
دلف خالد في هدوء حذر ومر أمام غرفه الملابس التي تقف بها بسمله وهي ترتدي بلوزتها من النوع الشيفون الشفاف وكانت ترتدي أسفله تيشرت أسمر اللون من النوع القطن .. وبدأت في غلق ازرار بلوزتها واحده تلو الأخري في هذا الوقت دق الباب مره واحده ..لم تنتبه وتحدثت أنها تتخيل فقط من الذي سيأتي هنا الان وجميع رافيقتها غادروا..دق الباب مره اخري عقدت حاجبيها بأستغراب ..رفعت شعرها سريعاً علي هيئة كحكه بأهمال وذهبت وقامت بفتح باب الغرفه بهدوء ولكنها تفاجئت بمدربها خالد ..
بسمله بأستغراب
كابتن خالد .؟ في حاجه حضرتك نسيت حاجه هنا
اقترب خالد بهدوء وكان ينوي أن يدلف داخل الغرفه ..ولكن منعته بسمله وهي تتحدث سريعًا
لاء لاء مش هينفع تتدخل هنا يعني هنا حاجه زمايلي واخاف اسيب الاوده وانساها حد يتدخل ويلعب في حاجتهم خصوصاً اني اخر حد ماشي عن اذنك بس لحظه كده ..ثم دلفت الي الداخل لكي تأتي بأشيئها دلف خلفها خالد بهدوء التفتت بسمله له بأستغراب ..
حضرتك دخلت لي ..ثواني وانا خارجه مع حضرتك
خالد بنظرات غامضه
وفيها ايه يعني لو فضلنا هنا ..علي الأقل محدش هياخد باله أو يسمع صوتنا ولا ايه ..
بسمله بعدم فهم
يعني حضرتك جاي تتكلم في موضوع سر للدرجه دي ..لاء بعد اذنك ممكن نستنا في كافتيريا النادي بس هنا اسفه
خالد بتهكم
يعني عامله مش واخده بالك ..امال دائما سامعه كلامي واخده برأيي ليه ..واكتر حد قريب منك أنا
بسمله بجديه
واخده بالي من ايه انا مش فاهمه حاجه..وبعدين حضرتك مش قريب مني ولا حاجه بس تقصد عشان دائما باخد رايك في حاجات تخص التمرين مش اكتر صح .
خالد بنظرات زائغه
لاء مش كده انتي عارفه إني عايزك مش كده ..
بسمله بدهشة
نعم ..عايز عايز اي .. مين ديحضرتك ...انا مش فاهمه حاجه..
خالد وهو يمثل الحزن
يعني اي مش بتحبيني زي ما بحبك يا بسمله ..ليقترب منها بهدوء وتتراجع بسمله للخلف خطوات ثابته
هاه لسا مش عارفه تردي
بسمله بسخريه
أرد ايه ..حضرتك بالنسبة ليا مش اكتر من مدرب وبس .. أسفه بس انا مش حطه في دماغي حب أو حتي ارتباط أصلا
خالد بحنين مزيف
بس انا مستعد اجي اكلم اهلك في الموضوع ده..وممكن تكون ارتباط بعلم اهلك ولا ايه ..
بسمله سريعاً
حضرتك فاهم الموضوع غلط انا لازم.. امشي دلوقت ليقف امامها خالد سريعا
لاء استني
بسمله بخوف
لاء لو سمحت ابعد عن طريقي لازم اروح اتاخرت جدا
خالد وهو يمثل الهدوء
طيب طيب براحه بس انتي خايفه ليه اهوو اتفضلي عدي..ليتابع بأهتمام كاذب ..خلي بالك من نفسك يا بسبوسه
ذهبت سريعاً والخوف قد تملكها اخذت متعلقاتها ورحلت سريعا دون ادني كلمه ..تابعها بسخريه وظل يضحك بجنون مريض .
أنت تقرأ
مهمه عشقك (قدرنا المحتوم )2💙
Romanceالروايه تحتوي علي اكثر من شخصيه واكثر من حكايه ولكن كل حكايه باختلاف قصتهم وسنتعرف عليهم من احداث الروايه..💙💙 هو قاسي القلب ..حاد في طباعه ..جاد في عمله ..ولكنهُ يُحبها بشده ..يريد أن يقترب منها ولكن ليس بشكل مباشر فقط لأنه لا يريد أن تهتز كرامته...
