🌸 السابقات إلى الجنة 🌸..(الجزء1)

كيفية الصلاة الصحيحة

نبدأ بسم الله 🌸

كيفية الصلاة الصحيحة.. ♥️✨

- هتكبري تكبيرة الإحرام "الله أكبر"
هترفعي إيديك في محازاة الكتف أو تكون أطراف الأصابع عند شحمة الأذن "أسفل الاذن" مش لازقين فيهم لا بعيد عنهم.

وبعدين وضع الكفين فوق بعضهم ويكون صباع الإبهام والصغير على معصم ايديك الشمال "العضمه الصغيره "

-نبدأ ونقول دعاء الاستفتاح "

"اللهم باعد بيني وبين خطاياي كما باعدت بين المشرق والمغرب،اللهم نقني من خطاياي كما ينقى الثوب الأبيض من الدنس اللهم اغسلني من خطاياي بالماء والثلج والبرد"

او👇🏻
سبحانك اللهم وبحمدك وتبارك اسمك وتعالى جدُّك ولا اله غيرك "
*او اي دعاء استفتاح حفظاه*

بعدين اقرأي الفاتحه وما تيسر من سور القرءان اللي حفظاها ..🥰

لو بنصلي جماعه 👇🏻🌸

*القراءة فى الضهر والعصر سرية وفى اول ركعتين من الفجر و المغرب والعشاء جهرية بتعلى  في القراءة بس زي مابنسمع فى المساجد"

بعدين أكبر عادي زي ما وضحنا وتكون الصوابع مضمومه..

وأنا نازله للركوع أمسك الركبه وتكون الايد مفتوحه بين الأصابع يعني..

- في الركوع بتقولي "سبحان ربي العظيم" ثلاث مرات
وبتقولي كمان "سبّوح قدوّس رب الملائكة والروح"
و "سبحانك اللهم ربنا وبحمدك اللهم اغفرلي"
و " اللهم لك ركعت وبك آمنت ولك أسلمت وعليك توكّلت ولك خشع سمعي وبصري وعظمي ومخي"

في الركوع الظهر مفرود وانظر الى موضع السجود والرأس مش مرفوعه اوي ولا نازله خالص مفرودة مع فى مستوى الظهر ، والايد تكون بعيده عن الجسم ومش مفروده مقوسه "فُرجه بينها وبينا الجسد"

- وبعدين تقومي من الركوع ترفعي ايديك عادي وتكبر ي "ماتعمليش وضع الدعاء ولا تبصي لفوق لا يجوز" تحطي ايديك فوق بعضها عادي او تحطيها جمبك "الامر فيه سعة"

وتقولي سمع الله لمن حمده ربنا ولك الحمد حمدا كثيرا طيباً مباركاً فيه ، ملئ السموات وملئ الارض وملئ ما بينهم وملئ ما شئت من شيء بعد ، "اهل الثناء والمجد أحق ما قال العبد وكلنا لك عبد ،اللهم لا مانع لما اعطيت ولا مُعطي لما منعت ولا ينفع ذا الجدُ منك الجد"

هتكبري وتنزلى للسجود من غير ما ترفعي إيديك
هتنزلى بإيديك ع  الارض وتكون برضه محازة الكتف أو أسفل الأذن "وانتِ ساجدة" والصوابع مش مفتوحه اوى ولا مضمومه اوي ..
ورجلك من ورا تبقى جمب بعض هوضح فى الصور

تكون الأنف والجبهه على الارض وتقولي "سبحان ربي الأعلى" ثلاث مرات و "سبحانك اللهم ربنا وبحمدك اللهم اغفر لي " و "سُبّوح قدوّس رب الملائكة والروح"
وادعى زي ما انتِ عايزه بـ أي شئ ♥️

* بين السجدتين بتقولي ربي اغفرلي ثلاث مرات

-القيام للركعه الثانيه "بتكبري بس مش بترفعي ايديك"

تقولي الله أكبر وتحطي ايديك فوق بعضها وتقولى الفاتحه وسوره والركوع والسجود وبعد السجود التشهد بترفعي صباع التشهد وانتِ بتقوليه وبتحركيه بس حركه بسيطه جدا

-القيام للركعه الثالثه "ترفعي ايديك وتكبري"
بتقولي الفاتحه فقط وتركعي وتسجدي عادي زي ما قولنا

وأنتِ قايمه للركعه الرابعه "مش بترفعي ايديك بتقول الله اكبر بس"
كده عند القيام للركعة التانيه والرابعه مش بترفعي ايديك في التكبير

"للناس اللى بتتلغبط فى مواضع رفع اليدين"
مواضع رفع اليدين في الصلاة👇🏻♥️

١- عند تكبيرة الاحرام "أول ما بنبدأ صلاة "
٢- عند النزول للركوع وده في كل ركعه
٣- عند الرفع من الركوع وده برضو في كل ركعه.
٤- عند القيام من التشهد الاول والقيام للركعه الثالثه

وفي الركعه الرابعه
هتركعي وتسجدي وتقولي التشهد الأخير وقبل التسليم منه بتقولي الدعاء ده "اللهم أعوذ بك من عذاب القبر ومن عذاب جهنم ومن فتنه المحيا والممات ومن فتنه المسيح الدجال"
وممكن تدعي بـ أي دعاء تاني بيكون مستجاب بإذن الله♥
-الجلسه الاخير بتبقى اسمها الافتراش "هوضح بصورة"👇
-آخر حاجه التسليم تحركى رأسك يمين السلام عليكم ورحمه الله والشمال كذلك ومش بتحركي رأسك في النص بينهم .

*الاهم بقا انك تعملى الاركان دي بطمأنينه و تديها حقها ومتسرعيش في الصلاة ، الاطمئنان ركن*
#صلي_صح ✔
#لقائلها 🌻🌿
#مقول