🌸 السابقات إلى الجنة 🌸..(الجزء1)

تجربتي الشخصية مع قيام الليل 🌙🌚

#تجربتي_الشخصيه_مع_قيام_الليل
انا من شهرين كنت بطلت اصلي قيام وكنت متأكده اني عملت حاجه خلت ربنا ميأذنليش اني اقابله قعدت فتره كبيره كدا وف يوم ك العاده تيجي الساعه 2 والتليفون يردد الآيه "والذين يبيتون لربهم سجدا وقياما" حسيت من جوايا اني هموت واقوم اصلي زي الاول مقدرتش شيطاني فضل يقولي نامي واصحي الفجر صلي الفجر وخلاص وفعلا جيت انام فضلت حوالي ربع ساعه او نص ساعه مش عارفه انام ولقيت نفسي لا ارادينا قومت اتوضيت ووقفت ع سجاده الصلاه اول مابدأت صلاه انهرت عياط وجوايا احساسين واحد زعلانه ع نفسي اني كنت بضيع القيام لفتره كل يوم والاحساس التاني ان ربنا حاسس بيا جدا لدرجه انه اذنلي اقوم واقف بين اديه تاني اليوم دا فضلت اكتر من نص ساعه ساجده بعيط وبدعي ربنا يغفرلي الذنب دا وبالمناسبه الذنب انه انتكست وسمعت اغنيه بسبب شخص كان منزلها استيت واتس للاسف وحرفيا دعيت يومها دعوه كنت حاسه انها من المستحيل تحصل بس جوايا حاجه كانت بتقولي مادام ربنا اذن انك تقفي بين اديه دلوقت يبقي ع يحققلك اللي عايزاه ويمكن محدش يصدق بس تاني يوم بالظبط الدعوه اتحققت وحقيقي كانت معجزه واللي عايزه اوصله انا ك جومانا من قصتي دي ان فعلا فعلا يا جمااعه خاب وخسر من ترك قيام الليل لانه حرفيا بيتحقق بسببه معجزات
#حكايتي💛💛
#منقول