🌸 السابقات إلى الجنة 🌸..(الجزء1)

كله يشهد عليك

ه كله يشهد عليكِ ..
إيدك اللي بتبحثي بيها عن درس تسمعيه عن الله إيدك دي بتعمل طاعة وهتشهد لكِ يوم القيامة والموبايل اللي سمعتي بيه الدروس هيكون حُجة لكِ ولو أغاني فالعكس ..

متتهاونيش💔💔

أنتِ مكبرة الموضوع   !!

لا أنا مش مكبرة الموضوع أنتِ اللي شايفاه صغير مواقع التواصل دلوقتي الحاجة بتنتشر عليها بسرعة جدا فمتعديش بقى أنتِ متعرفيش الحسنة اللي هتدخلك الجنة هتجيلك منين  !!  ومتعرفيش برضو السيئة اللي ممكن تكون سبب في عذابك هتجيلك منين  !!
برضو أي مقطع بيتكلم عن الله عن النبي عن طاعة عن الدين ونشرتيه وحد تاب بسبب المقطع ده أو بطل أغاني بسبب المقطع دع أو بقى يحافظ على الصلاة أو ترك المحرمات أو بار أمه أو أو وأنتِ كنتِ السبب فده في ميزانك🌸

ده أنتِ ممكن تكوني قاعدة هنا و حد في لبنان ولا في اي بلد يتوب بسببك أنتِ  !!
ازاي  !؟
متعرفيش ربك قادر ..
الشيخ حسان الله يحفظه ويشفيه كان بيحكي في مرة وبيقول دخل محل أحذية في مرة وسبحان الملك ده كله بتدبير من الله أن الشيخ يدخل المحل ده خصوصا ف اللي في المحل بلغوا صاحب المحل وقالوا له أن الشيخ الفلاني موجود في المحل نزل واستئذنه انه يشرب معاه فنجان قهوة ووافق الشيخ وده من تواضعه وأنا اشهد للشيخ محمد ربنا يحفظه يارب بذلك اسأل الله أن يبارك لنا في عمره هو وجميع العلماء

فالشيخ بيحكي وبيقول انهم طلعوا الدور العلوي والشيخ بيسأله في ايه صاحب المحل كان شاب في حدود ال30 او زيادة قاله أنا كنت شاب عايش حياتي في منكرات وبيقوله انه كان الناس في رمضان بتصلي التراويح وأنا في الغرفة دي شاور له على غرفة قاله كانوا بيصلوا وأنا هنا بزني  !!!
زنا وفي رمضان .. الشيخ محمد حسان كلامه جميل ربنا يباركله
فالشاب بيحكي له وبيقول ان كان بيبعت اللي شغالين عنده يجيبه له فتاة علشان يقضي ليلته معاها فجابوا له واحدة ومعجبتهوش فقالوا لهم هاتولي غيرها وبيحكي وبيقول انه قال اما اقوم اسلي نفسي عقبال ما ييجوا وفتح علشان يجيب موقع إباحي إذ به بصورة شيخ وجهه منير ولبسه أبيض فبدون وعي فتح الفيديو اللي فيه الشيخ بيقول المحاضرة اللي هو فتحها دي كانت

كانت بتتذاع في لبنان وكانت بقدر الله عن الزنا  !!
الشيخ قال كلمة جميلة جدا "لو رتبناها ما رُتبت"  فعلا والله لو رتبناها احنا البشر مش هنعرف لكن الله أراد بهذا الشاب خيراً و غير كده اخلاص الشيخ هو اخلص لله وربنا سخره هو من اجل هداية الشاب ده ..
الشاهد من ده كله متقوليش ده انا لو نشرت مقطع محدش بيسمعه ولو نشرت ايه محدش هيقرأ ..
متنشريش علشانهم انشري من اجل الله فقط وربنا وحده القادر .. قادر أن يوصل هذا لغيرك حتى لو موصلش اخلصي النية لله في نشرك متنشريش البوست الفلاني أو الاستوري كذا او المقطع كذا علشان يقول اه دي ملتزمة أنتِ بتنشري ابتغاء مرضاة  ابتغاء مرضاة الله فقط .. وغير كده يبقى فيه خلل في النية .. اخلصي نيتك لله حتى لو محدش شافها وانتفع بيها حتى لو البوست بتاعك مبيجيبش  لايكات ولا تفاعل ولا أي حاجة بس بتخلصي نيتك لله تبلغي به ما لم يبلغه غيرك .. هتعملي ايه بالتفاعل غير ان العمل دخله رياء فأحبط العمل نسأل الله أن يرزقنا الإخلاص ويطهر قلوبنا من الرياء ومن أي مرض قلبي .. اخلصي الله في أي عمل بتعمليه بوست بتنشريه استوري بتنزليها نصيحة نصحتيها لله لله لله بس مش علشان يقولوا اه دي بتنصح وبتحب غيرها لله فقط راقبي قلبك ..
متعرفيش أيه العمل اللي هينجيكِ💙
أنا اسفة جدا للي قرأ واللي مقرأش على الإطالة ..
الله المستعان
في كلام كتير نسيته
اسأل الله أن يسترني وإياكم ويغفر لي ما لا تعلمون
سبحانك اللهم وبحمدك اشهد أن لا إله إلا أنت استغفرك وأتوب إليك

#رسائل
#مقتبس