🌸 السابقات إلى الجنة 🌸..(الجزء1)

بنوتاتنا الحلوين 😍😘

بنوتاتنا الحلوات 😁
بما ان بدانا مذاكرة ودروس وعام دراسي جديد  .. استعينوا بالله
وتعالوا ننظم وقتنا في شوية نقاط هنمشي عليهم عشان الدنيا تظبط معانا ^^ ✌  :
1- اتعودي تبداي يومك م الفجر  .. دي أفضل ساعات البركة في اليوم
نشاط وتركيز وحضور ذهني رائع
سواء هتصحي على صلاة الفجر ع طول وتصلي الفجر وتقولي الاذكار وتبدأي مذاكرة
او ممكن تصحى قبل الفجر بساعة وتصلي ركعتين قيام وتبتدي مذاكرة
2- ديما الانسان المنظم بيقدر يستفيد من كل دقيقة في يومه  .. وبيلاقي انجاز اخر اليوم وانجازات آخر كل اسبوع 👍😎
لذلك لازم تعملي جدول يوميا  ... انهردا هذاكر باب كذا وفصل كذا وهراجع جزئية كذا
ويكون في ثواب وعقاب  ..
خلصتي المطلوب يبقا شيكولاته حلوة او ساعة مكافأة ع النت 😂☺️
اتاخرتي واتمرقعتي ونمتي يبقا عقاب مفيش نت خالص انهردا 😡😡

انت ادرى وحدة بأساليب الثواب والعقاب المناسبة لنفسك.. نفسك أدرى بنفسك
وهتتعاملي مع نفسك بجد = هتلاقي نتيجة
هتضحك عليكي = انتِ الـ هتتعبي
3- صلاتك تصليها في وقتها دي مفهاش كلام  .. مهما كنتي بتعملي ايه
تقفلي كتابك  .. تقفلي النت  .. تطفي ع النار وتصلي 🌸
4- الاوقات المهدورة = كـنز
وانتِ في الطريق رايحة الدروس وراجعة + وانتِ واقفة بتعملي أكل + وانتِ بتغسلي مواعين او هدوم + وانتِ بتنشري او بتكوي هدوم = تسبيح واستغفار وصلاة ع النبي ولا حول ولا قوة الا بالله
دا هيساعدك ويعينك تنجزي وتذاكري كويس لانك في ذكر الله ومعيته
5- تساعدي مامتك وتفرحيها وتبريها = رضاها ضمان لنجاحك وتوفيقك في حياتك كلها
6- الصحبة الصحية الصحبة
صحبة صالحة = هيشجعوكي ع المذاكرة والصلاة ف وقتها والعمل الصالح وربنا هيوفقك
صحبة سيئة = اغاني وتضييع وقت وتكاسل وهتفقدي توفيق ربنا ورضاه
7- حددي عدد ساعات معينة للنت والتليفزيون
8- ورد القرآن مهم ولو صفحتين في اليوم = بركة في يومك وراحة وانشراح لصدرك
9- تنامي بدري عشان تعرفي تصحي بدري ع الفجر
10- خلي عندك حسن ظن بالله وقلب منشرح انك بتعملي الـ عليكي لذلك لن يضيع الله تعبك

#تلك_عشرةٌ_كاملة ☘🌸🌸
#الشرح_الوافي_للنجاح_الكافي 😁
#نصائح_للمذاكرة