✅ ها اخدتي القرار خلاص هتقربي والا لسه هتكوني بعيده...
🌱 *( من كان يريد حرث الاخرة نزد له في حرثه)* : 👈من فوائد ارادة حرث الاخرة⏪ ان الله تبارك وتعالي يوفق صاحبه للازدياد منه، والتلذذ به😊 فكلما عمل عملا صالحا، قاده الي غيره، وهذا معني من معاني الزياده في قوله سبحانه *(نزد له في حرثه)* ولا يوفق في ذلك إلا اصحاب الارادة الجازمه😎 اما من يتمني ولا يفعل فهو غير مريد حقيقة!!
☘من اروع ماقال العلامه ابن القيم رحمه الله : *( انما يجد المشقه في ترك المألوفات والعوائد من تركها لغير الله!، أما من تركها صادقا مخلصاً من قلبه لله، فانه لا يجد في تركها مشقه الا في اول وهلة، ليمتحن اصادق هو في تركها اما كاذب؟؟ فان صبر علي تللك المشقه قليلا تحولت الي لذة)*😍😊...
🌱 وبعدين لو هنفترض ان الموضوع صعب..👈 *فالصبر عن الشهوة اهون بكتيييير من الصبر علي العقوبات اللي هتحصل لو مشينا ورا الشهوات*...
⏪ الرسول صلى الله عليه وسلم قال : *( الا ان سلعة الله غاليه، الا ان سلعه الله الجنه).*.
🌱 *شوفي هتختاري ايه الجنه وله اللبس الضيق والمكياج والكلام الفاضي ده...؟؟!!*❓🤔
🗣 واوعي تسمعي لاي حد يقولك انك علشان تلبسي اللبس الشرعي ده لازم تكوني علي قدر كبيير من الالتزام ⁉
مين قالك كده❓🤔
🔸ده شيئ مش منطقي علي الإطلاق.. وانك تكوني حافظه قران....مافيش حاجه في الدين بتقول كده..
🗣 يا رفيقتي مش كل واحده تلبس اللبس الشرعي لازم تكون متفقه في الدين !!! وشيخة بقي وعلي علم كبير لا طبعا‼
📣 *مشكلتنا اننا مش قادرين نستوعب ان البنت المنتقبة مش ملاك 😇 دي انسانه عاديه زيي وزيك بس بتطيع اوامر ربنا و بتحاول تعمل كل حاجه تخلي ربنا راضي عنها علشان تكون سعيده ومبسوطه*😊😍... 🌸
📣 *بس انا كده هرمي هدومي كلها😰*
⏪ مين قالك انك هترميهم⁉
🔹 *بدل مكنتي بتلبسيهم خارج البيت هتلبسيهم في البيت* وممكن تشليه في جهازك
🔸بس احذري تدي البناطيل والبديهات لبنت تانية تلبسهم في الشارع وتاخذي ذنوب بسببها
... وبعدين فيها ايه لما تضحي بشويه قماش ده الصحابه ضحوا بأموالهم💸 واولادهم في سبيل الله وانتي مش عايزه تضحي بشويه هدوم....👗👚 😒😏
📣 *يا رفيقتي اضربي علي الحديد وهو سخن وخدي القرار دلوقتي وابدائ في التنفيذ💪 ومتستنيش رأي الناس ولا أصحابك❌ لان ده قرار مصيري وانتي بس اللي هتدفعي ثمن التأخير ده*
👈 *خدي انتي القرار بنفسك وشجعي غيرك وكوني انتي قدوة.💪*..
🌱 هتقولي : *انا فعلا نفسي اغير لبسي، بس عايزه اتغير من جوايا الاول وابطل الذنوب والمعاصي اللي بعملها مش اكون لبسه ملحفه وانا من جوايا بعمل ذنوب كده هبقي منافقه..!!!*😰
◀ هقولك أولاً : *ليه متغيريش لبسك ويكون هو السبب بإذن الله في تغيير نفسك؟؟؟*🤔
*ونبقي ماشيين ✔ في طريق اصلاح نفوسنا وفي نفس الوقت بفضل الله تركنا التبرج والتزمنا باللبس اللي يرضي ربنا...؟؟؟وده هيبقي هو بداية الالتزام فعلا وهو اللي هيحميكي ويمنعك من انك تعملي حاجه غلط؟؟؟؟*🤔
⏪ بالنسبة لانك هتكوني كده منافقه فده مش صح❌❌ بالعكس ده التبرج اللي انتي فيه دلوقتي هو النفاق بعينه *"قال النبي صلى الله عليه وسلم" المتبرجات.. هن المنافقات"*
◀وبعدين مش مطلوب منك متغلطيش لا انتي انسان بني آدم وكل ابن ادم خطاء.وخير الخطائين التوابين... 🌸
📣 عايزه اسالك سؤال مهم جداً؟؟؟
*هو فعل الطاعه نفسها غاية ولا وسيلة؟؟؟*
🔹يعني الغاية هي تغيير اللبس وهكذا؟؟؟
⏪ ❌لا طبعا دي وسيله لحاجه اكبر بكتير *" هي رضا ربنا"*
📣 يعني غايتنا واكبر اهدافنا علي الإطلاق في الحياه ان ربنا يرضي عننا... 🌸
🌱 عندنا قاعدة فقهيه بتقول : *"ما لا يدركه كله، لا يترك كله"*
◀يعني *ان لم نتمكن من الوصول للكمال اللي بنحلم به فلا نترك فعل الطاعات اللي نقدر نعملها لتقربنا من الله*
📣 يعني ماينفعش تاخري عباده علي حسب عباده تاني يعني مش تقولي انا هأجل حفظ القرآن لحد لما التزم في صلاه الفجر وهكذا يعني....
كده ماينفعش هتقعدي تاجلي تاجلي وفي الاخر مش هتعملي حاجه خالص...
*لو ادركتي طاعه اعمليها متستنيش ولا تترددي ابدا في فعلها...*
💥 *يلا خدي قرارك دلوقتي قومي اتخدي خطوه لرضى ربنا عنك... 🌸 💙*
ربنا يرزقنا الثبات على الحق 💕
#منقول
أنت تقرأ
🌸 السابقات إلى الجنة 🌸..(الجزء1)
Casualeمن أجلكِ يا ملگة👑أنشأنا هذا الكتاب🙈 لتسعدي💞وترتقي💞وعلى الطاعات تثبتي💪 ومن المكاره تُحفظي🌈 وبإذن ربي في الجنان سنلتقي♥️ مع بعضنا🌷 فريق👈أنتي مـــ👑ــلگة
