صمود طفله ...

ذكريات الماضي

صمود طفله ...
الحلقه الاولي
ليس كل ما تحلم به نجده ...أحيانا نحلم بالشئ ونصادف العكس تماما....
علي صوت والدتها استيقظت دارين ..
هناء (الام): قومي يلا يا حبيبتي يلا علشان الدروس بتاعتك انهارده ...
نظرت دارين الي ابنتها ذات الاربع شهور وقبلت وجنتها وقامت دخلت الي الحمام وأخذت حماما يزيح آلامها وتوضأت وخرجت أدت فرضها ..وجلست علي سريرها بجوار ابنتها .ونظرت لها وقالت :انا عارفه يا بنتي اني ظالماكي بس بعمل ده كله علشانك انتي انا بحبك ربنا عوضني بيكي ..وأخذت تبكي وبعد قليل هدأت وخرجت اللي والدتها للفطور..جلست لتناول الإفطار.
هناء :اي يابنتي عليكي انهارده ..وهتخرجي. لا لا
دارين :انهارده عليا دروس ثلاثه هروحهم وهاجي بسرعه هحاول ماأخرش علشان ترنيم ..بس خلي بالك منها ..والببرونه انا مليها بس سخنيها ومتسخنيهاش اوي ..وانا هغير ليها الحفاضه بس خلي بالك منها ..
هناء : بس يابنتي بس انتي محسساني اني مكنتش ام متخفيش يا حبيبتي هي بنتك بس هي حفيدتي ...
دارين : عارفه يا امي بس بخاف عليها وشردت قليلا ثم تابعت بالم :هي اللي باقيه ليا من حجات كتير كنت فاكره انها هتدوم ومش عاوزه اخسرها تنهدت بارتياح وألم هقوم انا بقا اغير وأشوف انا راحه فين ...
ثم نظرت إلي اختها ..
دارين :ايمي اعملي حسابك هنروح نجيبلك هدوم علشان انتي داخله ثانوي ولازم نجيب ليكي هدوم بكره انا فاضيه نروح اي رأيك .
ايمي /ماشي يا دودي اللي تشوفه وانا بردو فاضيه .
دارين /تمام ..هدخل انا بقا وابقي خلي بالك من توتا  مع ماما ..
ايمي /توتا حبيبته خالتو اكيد هو ده حاجه توصيني عليها ..
دارين نظرت لها بالم /وذهبت دخلت غرفتها لتبدل ملابسها .
هناء /ربنا يريح قلبك يا بنتي ويهديكي .
~~~•~•~•~•~•~•~•~•~•~•~•~|
في شركه الجرحي
اسر /علاء احنا لازم نشوف الاجتماع ده هنعمل فيه اي ..
علاء /حاضر يا فندم هراجع الورق ونشوف ..
اسر بعصبيه خفيفه /تشوف اي يا علاء بقولك لازم نفوز بيها زي ما كان ادهم موجود واكتر .
علاء /حاضر يا فندم عن اذنك ..
اسر /اتفضل .
خرج علاء وترك اسر يتنهد بالم وهو يتذكر ما حدث مع صديقه منذ سنه ..
Flash back
خرج اسر مع ادهم في سيارته كان اسر صديق ادهم الوحيد وشريكه في الشركه التي تحمل اسم عائله ادهم
ادهم :اي يابني محدش بقا يشوفك ليه .
اسر :معلش بقا اصل ما انت عارف اللي ماما وبابا عاوزني أعمله اني أطلق مراتي اللي هيا ام بنتي علشان مش هتخلف تاني بسبب اللي حصل ليها وعاوزني اتجوز غيرها علشان اجيب ليهم الولد .
ادهم /ربنا معاك يا صاحبي بس انت واطي بقا متجيش فرحي ..
اسر /معلش يا صاحبي. والله انت عارف .
ادهم :انت عبيط مستحيل ازعل منك ابدا ..
اسر :ولا انا ربنا يخليك ليا ..
ادهم /بس يالا بلاش دور خطيبتي ده محبوش .
اسر بصوت أنثوي /اخس عليك يا ادهومتي بقا كده ترميني انا واللي في بطني ده انت طلعت قلبك قاسي اوي وقعد يغني انت قلبك قاسي اوووي اوووي ..
ضحك ادهم علي طريقته وضحكا الاثنان ونزل اسر امام فلته وودع صديقه ونزل
..
وذهب ادهم الي بيته اللي زوجته ..
ولكن في الحاديه عشر مساء صدع صوت رنين هاتف اسر برقم ادهم ليجيب.
اسر /اي يابني لحقت اوحشك ..للدرجه دي مش قادر علي بعدي ..
ولكن فاجأه انا مش يرد رجل غريب ..
طلب منه الحضور الي ضفه النهر لان سائق هذه السياره وصاحب الرقم قام بعمل حادث خطير هب اسر واقفا ولم يشعر بنفسه الا وهو يقود سيارته بكل ما يملك.من قوه وذهب إلي ضفه النهر وجد الشرطه والناس ملتفون ولا يوجد اثر لادهم..
جلس اسر علي ركبتيه وبدأ يصرخ ودموعه تهطل وهو يقول /ليه يا صاحبي ليه سيبتني ليه ارجع يا ادهم وبدأ يصيح ..
ادهههههممممممم.....ادهم ..
Back
استيقظ من شروده علي صوت السكرتيره كانت دموعه تغزو وجنتيه مسحها بعنف وقال اتفضل .
ولاء /اسفه يا فندم بس مدام نور الشريف بره ..
اسر /خليها تتفضل ..وابعتي لعلاء يجي ..
ولاء /حاضر يا فندم ..
وخرجت ولاء ودخلت نور ..
اسر :مدام نور اتفضلي ..
نور :يزيد فضلك يا استاذ اسر الصفقه اللي بيننا اي أخبارها انت مجتش قولت اجي انا لحضرتك ..
اسر /كله تمام علاء هيجي دلوقتي هيناقش مع حضرتك التفاصيل ..
نور بدلع:وليه ميكونش حضرتك ..
اسر :عندي شئ اهم ولازم اخلصه عن اذنك وهب ليقوم ولكن ذهبت إليه نور واخدت تتمايل علي جسده وتفتح زر قميصه وتلمس صدره العاري ..
أبعدها عنه وتركها وخرج ..
نور :بقي كده يا اسر هتروح مني فين يعني انا هخليك تيجي ليا راكع ..
ودخل علاء وبدات معه الصفقه وانتهت وخرجت ذهبت إلي منزلها .
~•~•~•~•~•~•~•~•~•~•~•~•~•
في فيلا اسر
دخل اسر غرفته وجد زوجته تجلس علي الفراش .
ايلين :اسر مالك يا حبيبي اي جابك بدري ..
اسر :مش قادر علي فراقه وانهار من البكاء
وذهلت ايلين مما فعله اسر قد ارتمي في حضنها وظل يشهق ويبكي بصوت عالي ..
ايلين :اهدا يا اسر هو اكيد في مكان احسن مننا ادعيله بالرحمه يا حبيبي ..
اسر :مكنتش اتوقع اعيش من غيره كان اخويا وابويا وكل حاجه في حياتي ربنا يرحمه ...
ايلين :يلا قوم خد دش عقبال ما اطلب منهم يعملوا الاكل وتيجي ناكل وأشوف تالين جت من المدرسه ولا لا.
اسر :حاضر وقام ودخل الحمام اخذ شور ونزل الي الاسفل وكانت تالين جاءت .
تالين :بابي أخذته في حضنها .
اسر وهو يبتسم لها :حبيبه بابي عامله اي في المذاكره .
تالين /الحمد لله يا بابي.
اسر :تستاهلي الحمد يابنتي ..
واكملوا طعامهم وذهب اسر الي مكان مظلم ..
~•~•~•~•~•~•~•~•~•~•
اسر :طمنوني كله تمام  حصل اللي كنا عاوزينه .
الرجل :للاسف يا بشمهندس لسه بس أن شاء الله كله هيبقا تمام وكله هيرجع زي الاول
اسر :يارب ..يرجع كله زي الاول يارب .
الرجل :أن شاء الله خير اهدا بس حضرتك وكله هيبقا تمام .
~•~•~•~•~•~•~•~•~•~•~•~•~•~•
في البيت
دارين :مامي ..يا مامي .
هناء :تعالي يابنتي انا هنا .
دارين أسرعت الي غرفتها بلهفه واكملت بخضه :ترنيم حصلها حاجه ..
هناء :اهدي يا بنتي بنتك بخير بس كانت بتعيط وادتهاا الببرونه ونامت .
تنهدت دارين بارتياح .
هناء وهي تربت علي كتف ابنتها وتملس علي حجابها :اهدي يابنتي قومي خدي شور وكلي وارتاحي شويه .
دارين :حاضر يا امي ..
قامت دارين وذهبت إلي الحمام وعندما نزل الماء إليها ذهبت الي عالم اخر وتذكرت ما حدث معها جعلها حزينه هكذا ..
Flash back
كانت دارين تجلس بملل وتلعب في فونها فكان ما يشغلها ويشغل أوقاتها هي الدراسه ولكن بعد زواجها لم تعد تقدر علي الاكمال وهي لن تفتح موضوع هذا مع زوجها خصوصا انها لم تكن علاقه عن حب ..
ولكنها قررت عند عودته أن تطلب منه ذلك ..
ولكن صدع تيلفونها برقمه وعندما وجدت اسمه يزين الشاشه أجابت لهفه .
دارين :الو سلام عليكم.ازيك يا حبيبي عامل اي .
ولكن صدمت من أن المتصل رجل غريب : وعليكم السلام ورحمه الله وبركاته..صاحب الرقم ده عمل حادثه عند ضفه النهر انا لاقيتك اخر شخص كلمه ياريت تيجي حالا ..
انهارت مما سمعت لم تعد تتحمل أن تحملها قدماها انهارت وبكت كثيرا ثم طلبت من سوقها الخاص الذي وكله بأن يكون معها دائما بأن يذهب الي هناك كانت ترتدي بجامه لم تغير ملابسها حتي كانت في حاله يرثي لها ذهبت الي هناك اخدت تبحث عنه وهي تنادي باسمه :ادهههممممم.
يا ادهم ارجوك متسبنيش ادهم والله بحبك انا مكنتش راضيه اقولها لك كنت هقولها لك انهارده ارجوك ارجع تاني ارجع يا ادهم ودخلت في نوبه بكاء هستيريه واسودت الدنيا في عينها وعندما استيقظت وجدت نفسها في المشفي وحولها امها واخواتها .
Back
استيقظت دارين من شرودها.وارتدت ملابسها توضأت وصلت فرضها وجلست تنهي واجباتها فهي في الصف الثالث الثانوي وجدت طفلتها تبكي اخذتها اطعمتها الي أن هدأت ونامت وضعتها بجوارها واكملت ما كانت تفعل ...
~•£•~•~•~•~•~•~•~•~•~•~•~¥~••
في مكان مظلم ..
الرجل :معرفتوش حاجه عنه لحد دلوقتي ولا فين الجثه..
مجهول :لا لسه يا باشا بس. اول ما هنعرف هنبلغ حضرتك
الرجل :اتحركوا كده انا عاوز اعرف كل حاجه .
مجهول :حاضر يا فندم .
خرج مجهول وتركه ينفث سيجاره بشراهه كبيره وانهاها ثم قال :نعرف انت فين وبعدها وديني ما انا سيبك ..
~•~•~•~•~•~•~•~•~•~•~•~|~|~|
في فيلا اسر
كان اسر ينهي بعض أعماله في مكتبه عندما صدع هاتفه برقم دارين .
اسر :مدام دارين ازي حضرتك وحبيبت عمه عامله اي .
دارين :الحمد لله بخير انت عامل اي .
اسر :زي الزفت من بعد فراق ادهم ونا تايه وحشني اوي .
دارين بدموع :ربنا يرحمه هو في مكان احسن .
اسر :يارب ..في حاجه ولا اي ترنيم تعبانه ولا حاجه اجي أخدها اكشف عليها .
دارين :لا هي بخير الحمد لله ..بس كنت عاوزه طلب
اسر وقد فهم.ما تريده : بصي يا ام ترنيم .الشركه دي بتاعتك انتي وترنيم ليكوا فيها زي ما ماليا يعني اطلبي من غير ما تتحرجي انتي بتتطلبي من مالك .
دارين :عارفه والله يا استاذ اسر بس انا بتحرج اصل حضرتك اللي تعبان وانا اجي اخد شغل حضرتك علي الجاهز ده يبقا قله ذوق .
اسر : يا ام توتا انا وادهم اللي تعبنا في الشركه دي وادهم اكتر ..انا بقا اجي واستخسر في مراته وابنته  ده ده حتي تبقا انانيه انتي متعرفيش ادهم بالنسبه ليا اي ده كان حياتي كلها كان اخويا وابويا وصاحبي ..علي العموم انا هبعتلك السواق بخمس تالاف جنيه والف منهم لمصاريفك وكل شهر زي ما ببعت هزود الف اوك .
دارين :بس كده كتير اوي انا كنت عاوزه بس الف دول كتير اوي .
اسر : ميغلوش علي ترنيم ده ولتاني مره بقولك ده شغل ادهم وانا بديره وانتي ليكي.فيه زيي بالظبط واكتر واي حاجه تحتاجها انا موجود .
دارين :ربنا يخليك ويحميك لبنتك أبقا سليملي علي مدام ايلين وتالين .
اسر : ده انا مش بس هسلملك عليهم وكمان هبعتهم يقضوا يوم مع توتا حبيبت عمو.
دارين : ينورونا ده احنا البيت هينور بيهم .
اسر :البيت بينور بصحابه مش عاوزه حاجه .
دارين :لا سلامتك بس كنت عاوزه اقول لحضرتك حاجه .
اسر : اتفضلي .
دارين :كنت عاوزه اجي اشتغل في الشهرين دول لسه مبدأتش دروس اوي وكمان انا لسه بحجز لدروسي ..وكده وانا فاضيه ولسه البدء بعد شهرين بالظبط فبقول بدل قعدتي في البيت اجيب ترنيم واشتغل بدل ادهم واهو اتعود شويه بدل الوحده دي .
اسر :اللي يريحك شوفي حابه تبدأي امتا وانا هجهزلك مكتب ادهم .
دارين :تمام هشوف واقول لحضرتك وشكرا لتاني مره .
اسر :احنا اخوات شوفتي واحده بتقول لاخوها شكرا .
دارين :لاأ
اسر :يبقا اي بقا شكرا دي ..
دارين :تمام عاوز حاجه .
اسر :سلامتك خلي بالك من ترنيم ..
دارين :في عيوني .سلام عليكم
اسر : وعليكم السلام ورحمه الله وبركاته.
تنهدت دارين بارتياح ونامت بجانب طفلتها ترنيم والتي تشبه في ملامحها ملامح والدها تمام ...
يتبع