صمود طفله ...

🖤ضمه 🖤

⁦❤️⁩ضمه ⁦❤️⁩
صمود طفله بقلمي ﴿زينب يسري كمال ﴾
الحلقه الحاديه عشر..
في المنزل عند دارين
ايلين :ازيك يا طنط عامله اي ...
هناء وأثر الدموع في عينها :الحمد لله يا بنتي ..
قوليلي يا ايلين يا بنتي هي دارين كويسه طمنيني عليها هي وحشتني اوي ...
ايلين :ايلين حلوه وزي الفل بس اهدي انتي بس علشان صحتك علشان ضغتك عالي من غير حاجه ...
هناء بدموع :اهدي ازاي يا بنتي ازاي اهدا وانا مش عارفه بنتي كلت ولا لا شربت ولا لا حصلها اي اهدي ازاي طمنيني بالله عليكي يا بنتي ..
ايلين وقد تسارعت دموعها من أجل الهطول :هرن علي اسر يطمنا بس شويه كده قومي كلي الأول وارتاحي واوعدك اول اما اعرف حاجه هقولك بس مش هينفع ارن علي اسر لأنه مشغول وقالي محدش يرن عليا خالص ..
هناء :حاضر يابنتي بس اوعدني انك هتطمنيني ...
ايلين :اوعدك يلا قومي اسندتها ايلين ووضعتها  علي الفراش دثرتها بالغطاء جيدا وتأكدت من نومها فهي لم تنم طوال الليل كيف يأتي لقلب ام النوم بعيدا عن طفلها غلبها النعاس فنمت ...
خرجت ايلين من الغرفه وجدت ايمي جاءت وسلمي ومحمود ...
ايمي :امال فين ماما ...
ايلين :نامت شويه مش عاوزين صوت علشان متصحاش انا مصدقت انها نامت عامله تعيط وتعبانه اوي ..
ايمي :طب ادخل اشوفها ...
ايلين :لا سيبيها علشان هي عينها لسه راحه في النوم سيبيها ترتاح باين عليها منمتش طول الليل ...
ايمي :اه معاكي حق كنت قاعده بذاكر ومنمتش خالص كل شويه تخرج وتدخل وتبص على الباب وكأنها بتقول لنفسها أن دارين هترجع دلوقتي أما أقوم اشوفها وارجع ...صعبت عليا اوي امبارح وبكت ايمي اخذتها ايلين في أحضانها وربتت علي اكتافها وقالت :بس اهدي اهدي شششش..خشي خدي شور وكلي وارتاحي شويه ...ومتعيطيش دارين هتكون بخير ...ولازم انتي تكوني قويه علشان تخلي مامتك تاخد من قوتك دافع انها تبقي قويه أما لو شفتك ضعفتي هتضعف هي كمان وممكن يحصل ليها حاجه ...استهدي بالله وخشي صلي ليكي ركعتين وارتاحي يلا ..
ايمي اكتفت بهز رأسها بنعم وتوجهت الي غرفتها ...
ايلين تنهدت براحه ونظرت الي الصغيره سلمي والصغير محمود ...
ايلين :يلا انتو بقا تكلوا.ونذاكر سوا ..
محمود :انا حاوز ابله دالين ...هي اللي بتثاكلي. انا مث عاوثك انتي لوحي....
الترجمه (انا عاوز ابله دارين ...هي اللي بتذاكرليا ..انا مش عاوزك انتي روحي ...)
ايلين :طب مانا زي ابله دارين بردو حتي انا معايا شوكولا مين ياخد شوكولا ...
نظر إليها محمود باعجاب وتناول الشكولاته من يدها وقال :يلا نثاكر..(يلا نذاكر )...
(همه علي بطنه وخلاص عيل فاشل 😂😂المهم ياكل شيكولاته 😂عامل زي واحده كده انتو تعرفوها جدا وهي اللي كاتبه الروايه 😂)..
وذهبت ايلين وضعت لهم الطعام وانتهت وقامت بحل معهم واجباتهم ....
⁦وقاموا للحصول علي بعض الراحه ونامو ا وتأكدت وجلست تتطلع علي هاتفها ...
وجدتت الكثير من الاتصالات من اسر ..
طلبت رقمه وانتظرت الرد ...
⁦⁦❤️⁩
في القسم :كان اسر منشغلا مع مراد يعد الخطه بعد ما حدث قبل قليل ...واتفقوا علي كل شئ ...رن هاتف اسر وجدها ايلين ..
رد ..
اسر :الو سلام عليكم..اي يا ايلين برن مش بتردي ليه ...
ايلين :معلش يا حبيبي الفون كان سيلنت وكمان كنت مشغوله لا ن طنط هناء نامت والاولاد جهم وممسكتيش الفون غير دلوقتي ولاقيتك رانن في حاجه ولا اي ..
اسر :عادي ولا يهمك.المهم هيا بخير دلوقتي ولاولاد ..
ايلين :امم ناموا وهيا نامت ..
اسر :تمام تالين جات ليكي ..
ايلين :لسه المدرسه مش بتخرج دلوقتي بس زمانها جايه ابعت ليها السواق ينتظرها ..
اسر :حاضر مسافه السكه ويكون عندها ...
ايلين :تمام ...عملتوا اي في دارين ...
اسر :خلاص وصلنا للطرف اللي خطفها وهنروح نشوف متقلقيش وخلي بالك من اللي عندك ومتخرجيش غير لما اجي اخدك انتي وتالين ....وتالين انا هبعت  ليها السواق فورا....
ايلين :حاضر ...
اسر :لا اله الا الله ..
ايلين :محمد رسول الله مع السلامه ..
وغلق الهاتف تنهد ونظر الي مراد وقال ...
هنفذ امتا ...
مراد :في اسرع وقت ..
اسر :تمام هروح مشوار صغير وهرجع علي طول ...
مراد :تمام ومش هتحرك غير لما تيجي بس بسرعه علشان مفيش وقت .
اسر :متقلقش هاجي بسرعه مسافه السكه ...
⁦❤️⁩⁦❤️⁩⁦❤️⁩⁦❤️⁩⁦❤️⁩⁦❤️⁩⁦❤️⁩⁦❤️⁩⁦❤️⁩⁦❤️⁩⁦❤️⁩
ذهب اسر الي قصره دخل غرفه مظلمه الا منفذ نور صغير ...دخل وجد ذلك الرجل ..
اسر :عملتو زي ما قولت ليكوا ...
الرجل :ايوا كله جاهز نقلنا كل حاجه لمكان تاني ...
اسر :تمام ..في اي اخبار جديده ..
الرجل :اه كله تمام وبدأت تستجيب ...
اسر :تمام عاوز كله يبقا جاهز في اسرع وقت علشان الوقت بيمر واحنا واقفين كده متكتفين لو خطتي فشلت قسما بالله لهعدمكوا وخلوا بالكوا كويس اي غلطه مش هسامح فيها ...
الرجل :تمام يا فندم وخرج اسر ⁦❤️⁩⁦❤️⁩⁦❤️⁩⁦❤️⁩٢⁦❤️⁩⁦❤️⁩⁦❤️⁩⁦❤️⁩⁦❤️⁩⁦❤️⁩⁦❤️⁩⁦❤️⁩⁦❤️⁩⁦❤️⁩
في فيلا ادهم ...
ياسمينا :ماما يا ماما ...
اماني جاءت إليها وهي تهرول :بنتي حبيبتي حمدالله بالسلامه كنتي فين يا بنتي قلقت عليكي ..
يا سمينا :متخفيش كنت بنفذ اللي اتفقنا عليه متخفيش انا لازم اروح مكان ما كنت ولما ارجع نتكلم ..
اماني :طب استني احكي ليا ...
ياسمينا :مفيش وقت يا امي لازم امشي حالا انا جيت اطمنك عليا سلام ...
وخرجت ياسمينا مسرعه تاركه والدتها تدعو لها ....
⁦❤️⁩⁦❤️⁩⁦❤️⁩⁦❤️⁩⁦❤️⁩⁦❤️⁩⁦❤️⁩⁦❤️⁩⁦❤️⁩⁦❤️⁩⁦❤️⁩
في منزل دارين استيقظت والدتها مفزوعه وهي تقول لالالالالا...
جاءت ايلين مسرعه من الصاله :خير  يا طنط ف اي ...بسم الله الرحمن الرحيم..
هناء :والعرق يتصبب منها قالت :دارين بنتي فيها حاجه والنبي طمنوني بالله عليكم ...
ايلين :يا طنط اهدي هاتي كوبايه مايه يا ايمي من المطبخ بسرعه واعملي يا تالين كوبايه لمون لتيته...
تالين وايمي:حاضر ..وخرجتا لتنفذا ما امرتا به ...
ايلين :اهدي انا رنيت علي اسر وهو قالي حطوا خطه ووصلوا لمكان دارين وهيروحوا ليهم دلوقتي وهينفذوا الخطه متقلقيش عليكي بس تتدعي ليها وربنا هيجبها بالسلامه ....
هناء بدموع :انا خايفه عليها اوي وعلي ترنيم ...
ايلين وقد اخذتها في أحضانها :اهدي يا طنط متقلقيش اهدي هششش قومي صلي وادعي ليها وربنا يجيب العواقب سليمه ...
هناء :يارب يا بنتي .....
وقامت لتؤدي فرضها ...
⁦❤️⁩⁦❤️⁩⁦❤️⁩⁦❤️⁩⁦❤️⁩⁦❤️⁩⁦❤️⁩⁦❤️⁩⁦❤️⁩⁦❤️⁩⁦❤️⁩
في مكان عند البحر فتح باب مخزن قديم مقفول يبدو عليه القدم ولا يوجد بيه أحد دخل أحد الرجال وجلس علي المقعد وكان المكان مظلم الا من جزء صغير ...جلس وبدأ يدخن بشراهة ودارين تجلس أمامه ..وتمسك طفلتها بحذر شديد.وكأنها تقول للعالم لو يمكنني انا ادخلها بين ضلوعي لاحميها لفعلت ....
دارين بخوف :ا.ا.انت عاوز من .مني اي انا وبنتي ...وا.ا.انت مين اصلا ....
لم يرد عليهم ونفث سيجارته التي بيده ...
دارين بدموع :ابوس ايديك اعمل فيا اللي انت عاوزه بس سيب بنتي ارجوك ..اعملوا فيا اللي انتو عاوزينه بس سيبوها ..انتو ليه بتعملوا فيا كده ...
انهي سيجارته ألقاها علي الأرض ودعسها بقدميه والتفتت لها وجاء النور علي وجهه و......
يتبع .....