متنسوش الفوت ورايكم🥰
الفصل السادس عشر(الجزء الثاني)
#رواية👈نور حياتي♥♥
#بقلم:مريم إبراهيم سعد
دخلت نور إلي الشركة..ثم وقفت امام مروة وجدتها لاتلبس عاري ولكنها تلبس فستان لتحت الركبة منحوت علي جسديها بشدة ويظهر جسديها بإغراء شديد..استشاطت نور غضبا وغيرة..
اشاحت مروة بنظرها لها ثم وقفت وهي تعلم من نظرتها انها غاضبة..
مروة بخبث: نور هانم اهلا وسهلا..
رمقتها نور بإستحقار ثم دخلت إلي مكتب ادهم..
نظر ادهم وجدها امامه ثم وقف واقترب منها..
ادهم بإبتسامة: حبيبتي ايه المفاجأة الحلوة دي..
ابتسمت نور وهي تحاول تتخطي تلك الغيرة التي تسيطر عليها وتجعلها تغضب كثيرا..ولكن فجأة قبلها ادهم من شفتيها قبلة صغيرة ثم ابتعد..
ادهم وهو يتقدم للهاتف: هطلبلك عصير..
استوقفته نور وهي تضع يديها حول عنقه بدلع..
نور: ادهومي...
حاوطها ادهم من خصرها وقربها منه..
ادهم بحنيه: روحه..
نور بدلع: عايزة اطلب منك طلب صغنون..
ادهم وهو يقبل وجنتيها: وانا عارف ايه الطلب..
نور بإستغراب: ايه ده عارف أني اقول علي السكرتيرة..
ادهم: ايوة عارف ياحبيبتي..
نور بطفولة وهي تلهو بأزرار قميصه: طب هتسمع كلامي وترفدها صح..
طبع ادهم قبله علي شفتيها ثم حسس بيده علي شعرها وكأنها طفلته الصغيرة..
ادهم بإيجاب: حاضر اسبوعين بالظبط وتلاقيها اترفدت..
نور بغضب: وهيفرق ايه بقي دلوقتي من اسبوعين..
ادهم بتنهيدة: عشان هي ماسكة حاجات مهمة ومينفعش تسيبها كدة في النص..وصعب دلوقتي اجيب واحدة وطبعا مش واخدة علي طبعي..وده طبعا هيحتاج انترفيو وانا مش فاضي..
نور بتذمر: تمام ياانا بقي ياالملزقة دي..
ادهم بجد: انتي ازاي تحطي نفسك في مقارنة معاها..دي حاجة وانتي حاجة تانية خالص..انتي متتحطيش اصلا في مقارنة مع حد..
شعرت نور بالسعادة من حديثه هذا..
نور بغضب: وعجبك بقي لبسها الملزق ده ثم اكملت بتهكم: لاء اصراحة محترمة من عريان لملزق..
ادهم بخبث وهو يثير غيرتها اكثر: طب ملزق احسن من عريان برضو..
نور بغضب: يعني انت بقي واخد بالك من لبسها..
ادهم بغضب خفيف: مش انتي اللي بتقولي..
نور بتذمر: انت اصلا لو بتحبني المفروض تمشيها من غير نقاش..اقترب منها ادهم خطوة تلو الأخري...تراجعت نور حتي التصق ظهرها بالباب فحاوطها بيده...
نور بتلعثم: ادهم..ادهم ابعد شوية..
اقترب منها ادهم اكثر..
ادهم بخبث: ليه؟
نور بخجل وتذمر: عشان المفروض بنتناقش دلوقتي وو قاطعها ادهم بقبلة عميقة..استمرت القبلة بضع دقائق..ثم ابتعد عندما شعر بأحتياجها للتنفس..ثم الصق جبينه بجبينها..
ادهم وهو يلهث: المفروض الثقة بينا تكون موجودة..قولتلك اسبوعين بالظبط وهمشيها انتهينا..
اومأت نور براسها..
نور بطفولة: بس هما اسبوعين بس..
ادهم بإبتسامة: حاضر اسبوعين بس..
ابتسمت نور بخفة ثم اخذت حقيبتها..
نور: انا همشي بقي..ومتتأخرش عشان انت بقيت تتأخر كتير..
مسكها ادهم من يديها وقربها منها بخبث: طب ايه مفيش تصبيرة منك..
وكزته نور بيديها علي صدره بخفة..
نور بمرح: ادهم انت مبتزهقش..ثم قبلته سريعا وركضت للخارج..
نور بطفولة: متتأخرش..ثم خرجت..
ابتسم ادهم علي معشوقته وطفلته..
**************
بعد مرور يومين..في مكتب نور..
دخلت صفاء لها..
صفاء: استاذة نور نفس الشخص ده جاي وعايز يقابل حضرتك..
عقدت نور حاجبيها بتسائل..
صفاء: استاذ طارق..
تنهدت نور بغضب واردفت قائلة: دخليه..دخل طارق..وقفت نور...
نور: نعم؟؟حضرتك عايز ايه؟
جلس طارق امامها..
طارق: جاي ارجعك عن اللي هتعمليه.. زي ماعارفة المحكمة الأسبوع الجاي ثم اكمل برجاء: غيري اقوالك هأمنلك مستقبلك هعملك اللي انتي عايزاه..هديكي الفلوس اللي عايزاها..
نور بحدة: هو انت فاكر بفلوسك دي تقدر تعمل اللي انت عايزه..اخوك قتل..يعني يتعاقب وايا كان الحكم اللي هتصدره المحكمة هيكون من حق اخوك الحكم ده..
طارق بتحذير: بس انتي هتعملي اللي انا عايزه وتغيري اقوالك..
نور بحدة: اطلع برة..
طارق: ادهم بيه يكون جوزك مش كدة؟
نور غضب: وانت مالك..
طارق بغضب: بقولك ايه ماتيجي معايا دغري كدة وقولي عايزة كام..
نور بحدة: اطلع برة يااما واللهي العظيم هتصل بالبوليس..
وقف طارق واردف لها بتحذير: هخرج بس فكري عشان متندميش..واكيد انتي مش غبية عشان ترفضي..انا زعلي وحش اوي يااستاذة نور فااتقي شري..ثم خرج...
نور لنفسها بتوتر: انا لازم اقول للبوليس ده مش هيسبني في حالي..لاء..لاء اكيد هيبقي فيه حراسة عليا وادهم ممكن يعرف وهو عصبي..ربنا معايا بقي في اللي انا فيه ده..
****************
في قسم الشرطة..دخل ايمن لطارق بالغرفة..
ايمن وهو يحتضنه: اخوي اتوحشتني جوي ياخوي..
احتضنه طارق بحزن وخوف علي اخيه..
ايمن: عملت ايه مع البت دي..
طارق: حاولت اتفق معاها بس رافضة..بس هحاول..هعمل اي حاجة عشان تخرج منيها..
ايمن: اوعي تهملني ياخوي..
طارق: هحميك لحد اخر نفس فيا...
**************
في المساء.. في فيلا عمر...
خرج عمر من حمام غرفته فوجد ريم وهي تدرس بعض الملفات...
عمر: هتاخدي اجازة امتي؟
ريم بإستغراب: ومين قالك أني هأخد اجازة..
عمر وهو يقوم بتنشيف شعره..
عمر: هو انتي مش في اخر السابع ومعاد ولادتك قرب..يعني المفروض ترتاحي شوية..
ريم: ومين قالك أني انا تعبانة ماانا كويسة اهو..
عمر بضيق: مش لازم تقولي انتي بتبقي شكلك مرهقة..وايه يعني لو خدتي اجازة كام يوم هيحصل جريمة..
ريم بتنهيدة: هو احنا هنرجع نشغل تاني الأسطوانة دي ياعمر..
عمر بحنق: هي كانت اتقفلت اصلا..استنيتك تعملي حاجة تريحنا وتنظمي بيها وقتك..انتي من الشغل للبيت ومن البيت للشغل..حاسس أني انا مش في حياتك ياريم..حاسس اني حتي مبقتش في يومك..
ريم بعصبية: قولتلك انا بحاول انظم وقتي محسسني إن كل ده بمزاجي..
عمر بغضب: هو انتي ليه بتتعصبي دلوقتي احنا بنتناقش..
ريم بتذمر وهي تغلق ملفها وتضعه علي المنضدة ثم وارحت بجسديها علي الفراش بطفولة واحكمت الغطاء عليها..
عمر بتهكم: هو ده حلك للمشكلة..
ريم بتعب: عمر الله يخليك بكرة نتكلم في الموضوع ده..سيبني بس انام..تنهد عمر ثم اراح بجسديه بجانبها ويغلق عيونه ويحاول أن ينام..
ريم بدلع: موري..
فتح عمر عيونه لها..
ريم: عايزة كبدة اسكندراني جاهزة...اشاح عمر براسه للجهة الأخري وهو يمثل النوم..
ريم بتذمر: ياعمرررر..
عمر: اتخمدي ياريم..
القت ريم الوسادة عليه وهو نائم..
ريم بتذمر: طب ياخويا نام مش فالح غير في كدة..
*********************************
بعد مرور اسبوع..ظل طارق يطارد نور دائما حتي تغير اقوالها مع تهديداته وتحذيراته الدائمة لها..
في الصباح..دخلت نور إلي المحكمة وجلست علي المقاعد لن تدري بمن يجلس بجانبها..ولكن تفاجأت بصوته الأجش..
طارق: هتندمي ندم عمرك لو معملتيش اللي قولتلك عليه..
وقفت نور وذهبت لتجلس بمقعد اخر تحت نظراته الطويلة التي وترتها كثيرا...وبمجرد أن ذهبت للمقعد الأخر بدئت الجلسة...وبعد فترة من الحديث الطويل...فجاء صوت القاضي..
القاضي: نور حسين الشرقاوي اتفضلي...وقفت نور وهي تشعر بالخوف الشديد من نظرات طارق المخيفة والتحذيرية لها..
اغمضت نور عينيها ثم فتحتها واخذت نفس عميق وبدئت بسرد كل ماشاهدته...
اشتعل طارق غضبا ثم وضع راسه بين يديه ويستمع لحديثها ونظر لأخيه وجده خائف ينظر له..سردت نور كل ماحدث ثم جلست بمقعدها بأذن من القاضي لن تنظر لأحدا حتي لاتشعر بالخوف اكثر..وبعد فترة من حديث المحامي الخ..
ثم جاء صوت احدي القضاة: الحكم بعد المداولة..محكمة...دب الرعب بقلب نور عندما لمحت نظرة الإنتقام بعيونه..وبعد فترة........
ينتظرون كثيرا من الناس بإنتظار ما سيأتيهم من قرار حتي تفاجأوا بصوت قوي: محكمة....
جلس القضاة بأماكنهم...ثم قال احدهما: حكمت المحكمة حضريا علي المتهم أيمن المنشاوي بتحويل اوراقه إلي فضيلة المفتي..رفعت الجلسة..
أنت تقرأ
رواية نور حياتي ج٢ (مكتملة) لمريم إبراهيم
Mistério / Suspense#المقدمة يدوم الحب والعشق في القلب حتي لو لن نستطع التعبير عنه ولكن مشاعرنا وبريق عيوننا تنهار امامنا مع العشق......عواقب تقف امامهم مع الالام وذكريات مازالت في القلوب ولن تنسي ولكن كيف سيظل هذا العشق دائم مع تلك العقوبات؟؟ #بقلم:مريم إبراهيم سعد
