العزف على جراح الماضي

تاسع

#العزف_علو_جراح_الماضي
تاسع
بقلمي فردوس عبد اللطيف
. إنني أؤمن عن يقين أن سعادتنا تبدأ داخلنا، وأن السعادة في العطاء ربما تفوق السعادة فيما يعطيه لنا الآخرون.

حلمي حبيبتي اني رايح للامسيه شوكت تجين ؟
سمر اتفقت ويه بنت خالتي وراح تجي علي هي بالطريق
انت احجزلنا مكان اثنين
حلمي حايكون ويانا عزول
سمر ههههه هذه اماني تعرف بعلاقتنا !!!!
حلمي يعني آخذ راحتي ؟
سمر الي يسمعك يفهم كلامك بغير معنى
اشو الامسيه مكان عام والمتفرجين كاعدين يستمعون
حلمي حياتي دا اتشاقى بس لو يجي اليوم الي نتزوج بي
اطلع قهري بيج اوووف حتى للشغل ماروح
سمر اخاف تالي تنهزم من البيت وتسميني جبار ابو المولد
حلمي وصلت خل احجز المكان وانت من توصلين رني
سمر جتي اماني باي

حلمي كعدي سمر شبيج ؟
سمر خطيه بنت خالتي دكول عبالي راح تعشوني
شو جايبيني مكان مال مثقفين
حلمي جتي الدكتوره
سلمت علينا وابتسمت واشرتلي وسلمت ع سمر
سمر اكولك شو الدكتوره صايره حلوه ؟
حلمي واذا شتردين اتزوجها ؟
سمر اي ليش لا يتزوجها ابو كفشه
حلمي خل نسمع
حنين هذه المعزوفة لأعز اثنين لقلبي سميتها معزوفه الحب العذري اتمنى تعجبكم
حلمي لما بدت تعزف ندمجنا اني وسمر ورحنا بعالم آخر
سجلتها بتلفوني
لما كملت الكل صفقلهه والكل انبهر بالمعزوفة
جتي سلمت علينا بقت يمنا فتره وكالت عازمتكم اليوم بنادي
العلويه تعالو وياي الكعده حلوه
حلمي أماني كعدي بالصدر يم الدكتوره واني يم سمر
سمر من شفت حلمي طلب من اماني تكعد بالصدر
معناته يحبني ويقدر مشاعري وفضل يكعد بالكرسي الخلفي
حتى يكون بقربي ،،،، شكد كبر بعيني
السهره كولش حلوه والكعده ماتنمل خصوصا كلام الدكتوره
يشد ويخليني بس استمع بدون ما احجي اي كلمه
انسانه بسيطه ومتواضعه وكانها بعمرنا
وصلتنا للبيت ونزلت كلمت امي وكالتلهه اني آخرتها وعزمتها عالعشا
امي من شافت الدكتوره تفاجئت وماحجت اي كلمه
لان عرفتها دكتوره معروفه وامي مراجعه يمها رحبت بيها وطلبت منها تدخل
حنين اعتذر مره ثانيه ان شاء الله اجي جيه خاصه ومن وقت
سمر الحمد لله عدت على خير تأخيرنا وامي ماعتبت ولا
رزلتني عالتأخير. 😉

حلمي اليوم عندج خلك تحجين لو تعبانه ؟
حنين لا مو تعبانه خل نروح لكهوه رضا هناك هدوء
حلمي افتح التسجيل ؟
اشرتلي افتح

خل اكملك قصة رهام وَعَبَد العزيز

. لا شيء يخلصنا من المصائب كالخير الذي نفعله.

. مثلما يعود النهر الى البحر، هكذا يعود عطاء الانسان اليه.

رهام همزين جيت بابا عندي الف سوآل واريد تجاوبني بصراحه
حميد بابا اني تعبان مالي خلك
رهام الموضوع مهم
اني سألت عبد العزيز عن سبب سجنه وسبب جيته يمنا
هل صحيح راح تساعده وتخفف الحكم ؟
حميد شخفف الحكم ؟ اني جهه تنفيذيه مو قاضي ولا بيدي القرار احنا واجبنا ننفذ الأحكام فقط
رهام بس انت وعدته تساعده وتخلصه وقبضت الثمن
حميد هو اني كلت هو ميت ميت راح ينعدم !!!!
خل ناخذ أملاكه نستفاد وخليتهم باسمج شتردين بعد
اريد أأمن مستقبلج !!!!!!
وكفت على حيلها
تامن مستقبلي بفلوس غصب
فلوس بالحيله والمكر تريد تنطيني فلوس مو من حقي ماتخاف علي ؟؟؟
ضحكت عالرجال ؟
ليش طمعت بأملاكه وانت ماتكدر تساعده ؟
هذه الاملاك ماريدهم هذه نار راح تحركني وتحرك كل مستقبلي
حميد ولج هذا جزاتي فوك ما افكر اخليج غنيه
هيج تحجين ويه ابوج
وانت تعرفين اذ ا الموضوع وصل للريس يذبحني