العزف على جراح الماضي

سابع عشر

#العزف_على_جراح_الماضي
سابع عشر
///// بقلمي فردوس عبد اللطيف ///////

يا جارة النهرين لا تستسلمي
لا تقبلي ذلا ولا تهديدا
فتخضبي بدمائهم واستجمعي أشلاء أعداء السماء عقودا
ويذكرها بماضيها الخالد:

بغداد يا أرض البطولة والفدا
كم قد شهدت جحافلا وبنودا

بغداد صبرا إن في أثر الدجى
فجرا من النصر المبين جديدا
سيحوم طير النصر فيك مرفرفا
يعلو المدائن والقرى و البيدا

غسان دخلت لبيتنا لكيته عزا بلاميت الكل مانايم والكل مكابل التلفزيون حتى الاطفال استقبلوني
بابا بعد مانرجع لبيتنا ؟
بابا صدك بغداد احتلوهه ؟
تعبان ماكدر احجي صح تعب الطريق ١٤ساعه غير تأخير الحدود لكن تعب الجسد مكدرو عليه
الا تعب الحزن يمرض الجسم
ام غسان ولك يمه خفت عليك ليش تسوي بي هيج
كلت ابني راح بالرجلين
يمه معقوله ترجعلي مامصدكه ذولي ولدك منو الهم
يابعد امك اشبي وجهك اصفر
يمه ناديه حضريله الحمام خل يسبح
غسان يمه اريد انام لاتكعدوني
اريد اغفى وماتذكر شي من الي صار

حنين داومت بالمشفى الوضع متوتر بالشوارع
ومنظر الدبابات الامريكيه بشوارع بغداد يخوف
وظعنا ككادر طبي لازم نداوم بكل الظروف
خصوصا الولادات النسائيه
اكثر اهل بغداد طلعوا تقريبا الشوارع فارغه
الا الناس البسطاء
والباقي لزمو بيوتهم محد يعرف شنو الي حايصير
بلد بلا حكومه ولا شرطه ولا جيش
احنا لازم نحمي نفسنا
بدت اعمال التخريب والسلب والنهب وحرق الدوائر
الحكوميه وكانما دخل هولاكو من جديد ليهدم مدينه عريقه
منظر الناس الي بالشارع مقزز كلمن شايل حاجه وفرحان
والي بالسيارات والي بالعربانه
اتمنى ابقى محبوسه بالبيت ما اطلع واشوف هالبشر
كانهم الذباب لما يجتمع على قطعه الحلوى .....

رهام اشو الوضع متوتر ؟ اريد اروح اشوف حنين
وأبوي بالي يمه
حازم ماتشوفين الناس خايفه والمقاومه كلسع يتواجهون مع
الامريكان كعدي بالبيت
رهام مخنوكه ومشتاقه لبابا وحنين
اخذت ابني  وطلعت
رحت لبيت حنين مشتاقتلهم
الكل دايخ محد يعرف شحايصير الكل يراقب الاخبار
حنين  ديري بالج رهام حاولي تغيرين سكنكم .....
رهام هو احنا بيتنا يم عيالي اخوة حازم كلهم ضباط
حنين الله خير حافظ سمعت دايهجمون عالضباط
ببيوتهم وكلمن  جان يشتغل بالدوله
رهام وين نروح احنا عايشين عالرواتب وحاليا رواتبنا متوقفه
رهام خل اروح ماكدر اطول بالي يم بابا
حبيبتي ام رافد عندج العافيه النومه مو الج
ام رافد غير انت ما جبتيلي عريس
حنين هههههه ماما اني اجيبلج بس كومي ع حيلج

رهام سلمت عليهم ورحت على بيت والدي وياريتني مارحت
قبل ما اوصل للبيت شفت سيارات ببابنا ومسلحين
ورمي داخل البيت وهوسه وراها طلعوا مسلحين يركضون
خفت انشلت رجلي
اخاف ابقي ابني بالسياره وهو هم ماقبل يبقى
اخذتلي فره بالفروع القريبه
لما شفتهم طلعوا وصعدو بالسيارات
حركت السيارات بسرعه جنونيه
اخذت ابني ودخلنا
خايفه اجر خطواتي جر بقيت ابني بره ودخلت
زوجة ابوي مقتوله بالمطبخ والجثه غركانه بالدم
بابا وينك بابا
ركضت على غرفة المكتب لكيته مضروب طلقه
وبي نفس بس ينزف وميكدر يحجي
طلعت اركض مثل المجنونه رحت عالجوارين
حملنا بابا وللمشفى
الاتصالات انقطعت ماكو اي تلفون اكدر اتصل ب حازم
الجوارين ساعدوني نقلنا للمستشفى بلكي ينقذو الدكتور كال عمليه فورا عنده نزيف قوي والطلقه مستقره بالعمود الفقري
اذا عاش يبقى شلل
ميخالف اني اداري بس خل يعيش
وكفت يم باب  صالة  العمليات