العزف على جراح الماضي

سادس

#العزف_على_جراح_الماضي
سادس
بقلمي فردوس عبد اللطيف
طلب العلم شاق ولكن له لذة ومتعة
والعلم لا ينال إلا على جسر من التعب
والمشقة ومن لم يتحمل ذل العلم
ساعة يتجرع كأس الجهل أبدا.
~~~~~
حنين وره مادخل جعفر وسد الباب
نزع عكاله وتقرب يمي ضربني بالعكال
بقى يضربني واني اتهرب منه يلحكني بالزاويه ويحصرني
ويضرب بكل قوته

جعفر ولج ساقطه جايبه كوادج وياج لبيوتنا
عود يحميج من عدنا موتج على ايدي
بنت الكلب الا اطلع دلال ابوج من خشمج
الا ادفعج الثمن غالي
ولج كولج خلك مفعوصه لعبتي بينا زلم معكله
عبالج دخلتي كليه الطب وصرتي دكتوره
دكتوره مو علي

حنين يضرب ويصيح ويحجي واخته جميله واكفه وره الباب
ودكول عفيه بيك اخوي زلمه يابعد خيتك
موتها وطم عارها ذبوهه علينا الساقطه

حنين طكت روحي صرخت كفشت شعري
وكعدت عالارض والطم واكوله موتني اذبحني وخلصني
تبقى خطيتي بركبتك منا ليوم الدين خشمي ينزف دم وحلكي ينزف تاذيت من الضرب
جعفر ولج تعرفين الدين
رِن تلفونه دكت الباب اخته
كميله جعفر هذا صديقك يكول شغله مستعجله يريدك ضروري
طلع وقفل علي الباب وكاللهم محد يفتحلهه الباب
كميله والاكل
جعفر الاكل ممنوع منا لباجر
حتى الحمام ماتروح ممنوع

حنين انقفل علي الباب وجعفر طلع
دكيت الباب عفيه كميله اريد جنطة ملابسي
وره شويه جابتلي الجنطه فتحت الباب شمرتها ورجعت قفلته
مانطتني مجال احجي او اطلب منها شي ثاني
ركضت عالباب عفيه كميله اريد اروح للحمام
كميله جعفر مايقبل !!!!
حنين عفيه متاذيه حيل لاتخافين ما انهزم
اوكفيلي بالباب
بالتواسيل فتحتلي الباب وكالت عندج خمس دقايق تكملين
بيهن
غسلت وجهي وسبحت بالماي عالسريع ولبست تراك
وركض للغرفه
تمددت ونمت الفجر سمعت صوت جعفر
فتح الباب
جعفر بت الكلب نايمه بفراشي
رجع يضربني وفشار وغلط ومسبه
كلما يضربني اوكع بالارض اقرفص نفسي احمي وجهي وراسي لان هالمره بالحزام ضربني
جرني وسحلني من شعري وداني لغرفه ثانيه
الغرفه مفروشه بيها زوليه بالارض ودوشك
وبطانيه شمرني بالغرفه ورجع جاب شنطة ملابسي وشمرهه علي
صيح كميله كميله وينج !!!!!
كميله نعم خوي ،،،،،
جعفر هاي الكلبه تنطيها باليوم صمونه وحده يابسه
اريد سنونهه تطيح
ممنوع عليها الاكل ماتنطوهه اي شي غير صمونه وحده باليوم وبطل ماي
بلكي تموت من الجوع واخلص منهه

بقيت على هالحال اسبوعين
كل يوم يجي جعفر يضربني وينطيني صمونه وحده باليوم
والحمام مرتين فقط ادخله الصبح كميله تفتحلي الباب وبالليل
جعفر وباقي الوقت باب الغرفه مقفوله علي

غسان رجعت من يم اهل حنين وكلبي معصور
اني صوجي وديتها بايدي لجعفر بايدي زوجتها
معقوله اليوم جعفر حايحضنها حايبوسها
رجعت لبغداد واني حزين مقهور والدنيا ظلمه بلياها
كل يوم اكعد الصبح انتظر دخلتها للكليه
انتظر شوفتها ،،، اشتاقيت لحنين شراح يصبرني اسبوع
كل يوم اباوع ع مكانها مموجوده انقهر وافتقدهه
اخذت فرحتي وياها ،،،،
اخذت كلبي اخذت كل مشاعر حلوه مني
بقيت احسب الايام لحد ما كمل الاسبوع واني انتظر رجعتها
كل يوم الصبح وره ماخلص الاسبوع اوكف بباب الكليه
انتظرهه ماكو ابقى اباوع بالوجوه
بلكي تدخل وتنور حياتي بلكي تجي وأملي عيوني منها
هي حاليا بذمة رجل ثاني لازم افكر بحبيبه تنسيني
حنين مو من اخلاقي النظر الى امرأة متزوجه