العزف على جراح الماضي

العاشر

#العزف_على_جراح_الماضي
العاشر
بقلمي فردوس عبد اللطيف
الحياة مليئة بالحجارة فلا تتعثر بها بل إجمعها وابنِ بها سُلَّماً واصعد بهِ نحو النّجاح.
~~~~~
حنين هلو حلمي شخبارك اني واكفه براس شارعكم تعال

حلمي بس اغير ملابسي دقيقه
خطيه الدكتوره واكفه تنتظرني غيرت ملابسي عالسريع
وطلعت ركض نسيت تلفوني
ورجعت اخذته حتى شعري مامشطته
صعدت بالسياره هلو دكتوره اسف عالتأخير
حنين لا ماتاخرت توقعت تتاخر اكثر
حلمي لو متصله بي جان انتظرتج براس الشارع
حنين بصراحه نحرجت اتصل لان جيت هنا لبيت صديقتي
اتباركلهه بانيه بيت وأديت الواجب وكلت مادام قريبه عليك
خل انتظرك براس الشارع ولو اندل بيتك جان جيتك لبيتكم
حلمي نتشرف بحضورج دكتوره ولو بيتنا مو بمقامج
حنين لاتفكر هيج كلنا بشر متساوين يم رب العالمين
لو شكد مايملك الانسان ربك ينظرلنا سويه
المهم بداخلنا شكو!!!!!
كل شخص يحمل هموم وأسرار بداخله مرات نختنك نحتاج
نحجيها حتى نرتاح وهذا الي دا يصير وياي
حلمي شو وكفتي هنا ؟
خل نكعد بحدائق الزوراء صار سنين ماداخلتها

حلمي نزلنا تمشينا اكو كافتريا كعدنا طلبنا كهوه
فتحت المسجل

حنين
منين نبدي خل اكملك على عبد العزيز
طبعا حميد بقى فتره يالى دبر الجثه والمسكين الشرطي
محبوس بدل عبد العزيز بالسجن
بهالفتره الكويت تحررت ورجعت حكومتهم وثبتوا سيطرات
عالحدود العراقيه
طبعا اخذوا من الاراضي العراقيه
استغلوا الوضع وزحفوا بعمق الاراضي العراقيه

التلفونات رجعت والكهرباء تصلحت والماي كذلك
كل هذا بجهود العراقيين
وبدت مرحله الحصار والعقوبات الاقتصادية عالعراق
حميد رتب اموره وحصل جثة مجهوله

حميد هلو رهومه شلونج بنتي
رهام الحمد لله بخير بابا شعجب اتصلت بهيج وقت
حميد نتبهي لكلامي
دبرت جثه مجهوله لشخص يشبه جسم عبد العزيز
واليوم راح اعلن وفاته ادعيلي
يعدي الموضوع ع خير
واني من أسلمه للطب العدلي واخلص الاجراءات انت تصرفي ،،،،،،
رهام  مادام تريد تنقذ شخص برئ من حبل المشنقه
اكيد رب العالمين حايساعدك
بس من تدفنه دزلي اي مستمسك يفيده من يوصل للكويت
حميد الله يستر بنتي اول مره بحياتي اخون واجباتي
رهام هذه مو خيانه هذه انسانيه
احبك باباتي دير بالك ع نفسك
حميد انت هم بنيتي من انطيج الاذن تصرفي بهدوء وديري بالج اقل غلطه تودينا للإعدام ومحد راح يشفعلنا
رهام بابا انقاذ شخص برئ لخاطر زوجته واطفاله
يستحق التضحيه

~~~~~~~
غسان كلما اقترب من حنين تغلق الباب بوجهي
وصلت مرحله حسيت نفسي مذلول حبي الهه نار مشتعله
بكلبي لا اكدر انساها ولا اكدر اتركها
امي خطبتلي بنت خالتي وخلتني امام الامر الواقع
ماردت اقهرهه من بعد وفاة والدي الفرحه مادخلت لبيتنا
واني اشوفها فرحانه ب ناديه
بتعدت عن حنين وحاولت اتقرب لبنت خالتي
شكد ما احاول ادخلهه لكلبي
صعب صعب المقارنه لان حنين حبيتها من اول مره شفتها
وكلما اشوفها تتعرض لمشكله احاول اساعدهه واتعلق بيها اكثر لان اشوفها صبوره وصامدة
والكل ضدهه وضد طموحها
حتى لو ماتتزوجني ابقى احبها وتبقى متربعه على عرش قلبي !!!!!
تمت خطوبتي على ناديه وبهالفتره اني مبتعد عن حنين
ماكدر اروح يمها لان اعرف نفسي راح اضعف من اشوفها
واعوف خطيبتي !!!!!
بقيت أراقبها من بعيد ادز الحمايه يشوفون طلباتها واذا عدهه
مشكله او تحتاج شي هي وام رافد