العزف على جراح الماضي

الحادي عشر

#العزف_على_جراح_الماضي
الحادي عشر
بقلمي فردوس عبد اللطيف
. كم هو مؤلم أن أحتاجك ولا أجدك، وأن أشتاق لك ولا أحادثك، وأن أحبك وأن لا أكون معك.

حلمي هلا وغلا هلا بالكمر شطالع اليوم
سمر الي يسمع كلامك يكول مشتاق !!!!
حلمي دومج ظالمتني ليش ياروحي
مو اني كولي ملكج
سمر البارحه وينك ماعندك نت راسلتك ماكو
حلمي حياتي مخلص اشتراك بالتلفون ورجعت للبيت راسلتج
انت ماكو !!!!!!!
سمر طبعا ضجت ونمت يمكن نكمل السنه وقصة الدكتوره
ماتكمل شلون بيك
الي يشوفك مخبوص يكول حاتسويها فلم سينمائي
لو مسلسل تلفزيوني وتبيعه عالقنوات الفضائيه
حلمي والله كلامج يشجعني اكتب القصة واسويها مسلسل
بس خطيه الدكتوره خاف اهلهه يعرفون ويجون يدورون
عليها ،،،لو يجوني وتعال وين الدكتوره ؟؟؟؟
سمر الطلاب دخلو للمحاظره

حلمي حبي سمور خل نروح نتغدى سويه اليوم عازمج
سمر الله شراح تغديني حياتي
حلمي هو شغديج غير لفه فلافل وببسي ابو الربع
سمر لا عيني خليني اروح اكل بالبيت ارحم
حلمي ماشي اليوم راح التقي بالدكتوره بعد ساعه
من نكمل ارجع للبيت مو يبقى بالج يمي
سمر لا حبي بس راح اشتاقلك
حلمي عمري انت اليوم بالليل كولي ملكج ارجع من وقت
ونبقى نسولف لحد ما انيمج ع ايدي
سمر حروح اجه ابو الخط باي

حلمي رحت للكراده اتمشى انتظر الوقت يمشي
اتصلت الدكتوره
هلو دكتوره شلونج
حنين هلو حلمي تغديت لو بعدك ؟
حلمي ههه توني وصلت يم ابو الفلافل اجيبلج لفه وياي
حنين لا لا نتظرني جايه عليك راح اغديك باجه تحبها لو لا
حلمي وين ناكل الباجه ؟
حنين اكو مطعم بشارع ٦٢ يسوي باجه طيبه
حلمي خطيه سمر لو جايبها وياي فاتتهه الباجه
حنين تريد اروح اجيبها ؟
حلمي لا دكتوره هي بس تتغدى تنام
انوب تاكل باجه وتعالو ودوني للبيت اريد انام ،،،،

حنين ها شنو رايك بالباجه ؟
حلمي الصدك غير ،،،،، هاي اول مره آكل هيج باجه طيبه
عاشت ايدج
حنين هههه اني شكو !!!!
حلمي اختيارج للمكان هم بي ذوق
حنين نبدي ؟
افتح المسجل

عبد العزيز لبس ملابس نسائيه والمحبس النسائي
والسايق اخذ عدم التعرض ودعوا رهام وانطلقوا

رهام ساعات الانتظار والقلق وترتني كلسع ادخل لغرفه
عبد العزيز اجيك اخاف ناسي شي
شنطة ملابسه بقت طلعتها ذبيتها بالحاويه
نظفت الغرفه مابقيت أثر لوجود عبد العزيز
خفت اذا يلزم راح يجون يفتشون بيتنا
كلما يرن التلفون كلبي ياذيني خايفه
بيني وبين نفسي اكول اخاف ورطت ابوي بهالمصيبه
وتالي ننعدم اني وياه
حميد ها بنتي ماكو اخبار ماتصل بيج السايق ؟
رهام لا بابا ما تصل كاعده يم التلفون انتظر
انت شخبارك خو ما حسوا بشي يمك ؟
حميد لا بابا ماكو شي الامور عدت ع خير يمي
بقى الشطر الثاني اهم شي يوصل الحدود ومحد يكشفه
اذا كالوله ارفع البوشي ويشوفون وجهه وجه رجال
كولي رحنا بيها !!!!
رهام. الله يستر ان شاء الله يعبر سلامات
سديت التلفون واني انتظر على نار لا اعرف اشتغل
ولا اكدر اهدأ والوقت /٦/ ساعات حتى يوصل للبصره
وساعه للحدود الكويتيه