العزف على جراح الماضي

رابع عشر

#العزف_على_جراح_الماضي
رابع عشر
بقلمي فردوس عبد اللطيف
. في كل طريق مفترقات طرق واضحة وإن علينا أن نتخذ القرار في كل مفترق، وأن نتحمل نتائج قرارنا.

حنين ها حلمي نكمل لو نعست ؟
حلمي لا دكتوره خل اسمع باجر جمعه ماكو دوام
حنين
اليوم الثاني رحت للدوام لكيت بوكيه الورد عالميز كدامي
جايبي
صحت عالمعينه سالتها كالت ماعرف منو جابه جيت لكيته
عالميز ،،،،
قريت الكارت بي كلام
( ما أنت سوى نبض ينعشني كل يوم.)
منو هالبطران ؟ شيريد مني ؟
د عادل صباح الخير دكتوره
حنين صباح النور بتسمت
عادل اليوم على موعدنا اشرلي بايده
اشرتله براسي نعم
لاحظت اليوم كاشخ ولابس قاط ورباط آخر اناقه
هذا هم مدري شعنده البطران ؟

كملت شغلي خليت الكل طلع ماريد احد يشوفني اصعد وياه بالسياره ،،، اخذت جنطتي وطلعت شفته واكف متجي عالسياره فتحلي الباب الأمامي وهو مبتسم
كتله شكرا دكتور
صعد فتح اغنيه بعيونها ل هيثم يوسف

طول الطريق ساكت ،،،،كل شويه يباوعلي
وصلنا للنادي
دخلنا للمطعم طلبنا الغده واني انتظره يحجي الي يريد يحجي
عادل شلون صار يزن ؟
حنين الحمد لله زين
اشرلي تفضلي اكلي
بديت آكل واباوعله هو صافن علي ،،،
شنو دكتور ليش تباوعلي ؟ شو مجاي تاكل ؟
السكالوب كولش طيب شنو ماعجبك ؟
عادل لا بالعكس يعجبني اكلهم اني دايما أجي اتغدى هنا
حنين اشرتله اكل ترى محسوب عليك راح تندفع فلوسه
ضحك وكال دمج خفيف. .... شو بالمستوصف تحجين بجديه
تخوفين اخاف احجي وياج
حنين دكتور الي يسمعك يكول علي معقده وماتتحاجى
عادل بالبدايه تصورتج هيج ،،،، بمرور الوقت شفتج انسانه
شقت طريقها لوحدهه وتحملت مسؤلية نفسها ومسؤليه تربيه
طفل ودراسه بهيج ظروف والبلد حصار والوضع صعب
شلون كدرتي تدبريها ؟
اكيد تعرضتي لمشاكل صعبه
حنين ماكو واحد مرتاح كلنا عدنا الي يوجعنا والي يريحنا
عادل راح اتكلم عن نفسي
اول تخرجي من الكليه سافرت الى لندن ادرس ماجستير تخصص اطفال وعلى حسابي لان اهلي الحمد لله وظعهم المادي يسمح اسافر وادرس استغليت الفرصه
بقيت سنتين بلندن ادرس وهناك تعرفت على ام مهند
اول تخرجها من كليه الطب بلندن
والدهه طبيب ومدير مستشفى عرضوا علينا نشتغل مع ابوهه
بالمستشفى اني رفضت والسبب اهلي
والدي توفى وبقت الوالده وحيده خواتي متزوجات
عرضت عليها نتزوج ونرجع لبغداد
تمت خطوبتنا ولازم انتظر مرور سنه على وفاة والدي
بقينا نتواصل بالتلفون واني تعينت باحد المستشفيات
خلصت السنه وحددنا موعد العرس
سافرت الى لندن وهناك اهلهه احتفلو بزواجنا على طريقتهم
وحجزنا ورجعنا لبغداد
ك بنت عايشه بلندن وحياتها متحرره هي تسمع ببغداد
لكن مشايفتها بالبدايه كانت سعيده
اني انشغلت بالدوام والعصر فتحت عياده
طول الوقت مشغول الا ايام العطل وبالعطل وين نروح
مو مثل حياتهم بالويك اند يسافرون يغيرون جو
ويه تعب الحمل ودوامها بالمستشفى الي تعينت بي
تغيرت حياتها ١٨٠/درجه بدت تتذمر والحب تحول الى
لعنه كل يوم مشكله كل يوم عركه
آخر شي طلبت الطلاق
اني رفضت ابني يعيش بعيد عني اتفقنا اطلقها بعد الولاده
وفعلا ولدت مهند وطلقتها وسافرت الى لندن
بعض الاحيان آخذه الهم تشوفه
امه مجانت متعلقه بي بس جده وجديته يسألون عليه
وعاشت حياتها واشتغلت بمستشفى ابوها
اني ترددت اتزوج او ارتبط من بعد هالعلاقه الفاشله
لحد ما شفتج داومتي ويانا انعجبت بشخصيتج
بقيت فتره احاول اتعرف عليج وأتقرب منج
وانت دايما تصديني اخاف اتكلم وياج وتفشليني
ماردت أتقدم لخطوبتج بدون ماتنعرف على بعض
لاحظت تعلقج بأبنج وحرصج عليه مع طموحج
ودوامج بالمستوصف والمستشفى
ماريد منج جواب بهاللحظه احنا اثنينا مو مراهقين
مرينا بتجارب الزواج نحتاج وقت نتعرف على بعضنا اكثر
اريد اعزمكم انت ويزن واجيب ابني يتعرفون على بعض
طبعا بعد موافقتج ،،،،،،