العزف على جراح الماضي

سابع

#العزف_على_جراح_الماضي
سابع
بقلمي فردوس عبد اللطيف

. الوحدةُ لَم تَكن بالرفقةِ الطيبة قَط، فالأحزانِ الكبيرة، والإغواءاتِ الكبيرة، والأخطاءِ الكبيرة هيَ على الدوامِ تقريباً نتيجة بقاءِ المَرء وحيداً في الحياةِ دون صديق. طيبة القلب هي الشيء الوحيد الذي يُعَوّض هذهِ الفقدانات

~~~~~~
حنين مرت شهور وغسان مختفي بس يجيني بالبريد مبلغ راتب شهري صك باسمي اروح استلمه من المصرف
داومت بالكليه ويزن يبقى يم ام رافد هي تحبه وتعلقت بي
بس الخدامه هي الي تهتم بتشطيفه وتغيير حفاظته وتحضير
الممه وبدت توكله تسويله شوربات واني اكوللهه خاف يصير سمين وام رافد دكول تردي مسلوع خلي دبدوبي وخدوده
متفحه مال كرص

كلما اتذكر اهلي انقهر اشتاقلهم واتمنى اروح ارتمي بحضن ابوي لو احضن امي
اخوتي اشتاقيتلهم مرات اكول اطلع من الكليه واروح بس اباوع على بيت اهلي اشوفهم من بره
مجرد التفكير بالموضوع يرعبني
وبيوم اني طالعه من الكليه انتظر الخط وكفت يمي سياره
نزل الجامه غسان
حنين حنين
حنين هاي وينك ؟؟؟؟؟
صعدت بالسياره
غسان ابو الخط كتله يروح
حنين البقيه بحياتك جنت اتمنى اكدر اواسيك بحزنك
بس انت هوايه متغير ضعفان وشكلك حيل ذبلان
غسان ماكدر احجيلج ع كولشي اخاف عليج
احنا كنا متراقبين طول الفتره الي مضت ماردت اجيلكم
للبيت اشتاق ليزن وارجع اكول لا خليهم بعيدين
حنين يعني ابوك ماتوفى بحادث سياره ؟
غسان لاتفكرين بالموضوع
اكو شي اهم اريد انبهج بي
جعفر رايح للكليه يدور عليج هو واخوج
حنين يمه شلون شسوي
غسان لاتدوخين راح اخذلج اجازه تبقين بالبيت وبس بالامتحان ترحين وانت شاطره تكدرين تدبريها
حنين هما عرفو اداوم هنا ؟
غسان لا اصدقائي عرفوهم وكالولهم تداوم بالموصل
بس للاحتياط هالفتره لازم تختفين لحد ما اشوف حل لجعفر
هو جابهه لنفسه
حنين وشحاتسوي ؟
غسان بعدين اكولج انت بس التزمي بكلامي
ابقي بالبيت هالفتره لحد ما ابلغج

وصلنا للبيت
غسان اليوم غداي وياكم خل اشوف ام رافد شطابخه
ام رافد استقبلت غسان وهي تبجي
ام رافد ولك يمه اشتاقيتلك من تغيب عني ابقى ابجي
ومن تطل علي جنه رافد داخل للبيت ليش تغيب هالغيبه ؟
وشصاير بيك ضعفان
غسان اخذتيني بالحجي جيبولي يزن اشتاقيتله

حنين من اشوف غسان يلعب ويه يزن
ادرك حنية كلبه وطيبته
وكفته وياي مراح انساها
هو رب العالمين الي يسخر عباده
القدر خلا غسان بطريقي والا بدونه يمكن اني خدامه تحت ايد جعيفر
تغدى يمنا وراح
ام رافد اكدت عليه يتصل يطمنا عليه

ام رافد تعالي حنين اعرفج على رهام بنت حبابه وابوهه مسؤل جبير بالسجون
حنين هلو شلونج حضرتج طالبه ؟
رهام اي سادس ادبي
حنين ليش ادبي مابي فرص لكليات زينه
رهام المهم آخذ شهاده اني احب ادرخ الدروس
ام رافد تدرين حنين رهام صديقه بنت الرئيس
حنين اهلا بيج وبنت الرئيس
رهام احنا نخيط يم خالتي ام رافد ومن تشوف ملابسي
يعجبها ذوق ام رافد وخياطتها وكل مره دكولي نروح نخيط يمها ومصار مجال مع انهم كوله سفر ويجيبون ملابسهم من الخارج والكوستم يلبسو مره وحده وتعالي شوفي الخدامات
ينتظرن شوكت يوزعن ملابسهم