العزف على جراح الماضي

ثالث عشر

#العزف_على_جراح_الماضي
ثالث عشر
بقلمي فردوس عبد اللطيف
الحب الجميل الصادق تبقى ذكراه إلى الأبد، والحب الكاذب ينتهي إلى آخر نقطة في قاع الجرح.

حلمي سموره حياتي موعد اتصال الدكتوره لان اليوم كتلهه تعبان وراح تتصل حتى اسجل
سمر هممممم خوش طرده 😰
حلمي تعرفين لو بيدي ماعوفج دقيقه ودي ابقى وياج عالخط
حتى من ننام ابقى اسمع انفاسج
سمر ترى ما اشخر من انام وانت خو مو تشخر
حلمي اووو صوت شخيري يوصل لغرفة امي
حتى حيدر ينهزم ينام بالخطار من وره شخيري
سمر لازم اكو سبب للشخير
حلمي صح عندي انحراف بالخشم هو السبب
حبي انت لازم تتحملين صوت شخيري
سمر عود اخلي قطن عاالاذن حتى ما اسمع
حلمي روحي شبعي نوم بيت اهلج احسن يظهر مراح تنامين
يم حلمي 😉
ترى الدكتوره جاي تتصل
سمر ماشي تصبح ع خير وسلملي على حنون
حلمي بدينا بالغيره !!!!!!
سمر لا ما اغار لان عندي ثقه بيها انسانه راقيه
حلمي بعدين نتحاسب ع هالكلمه ثقتج بيها عاليه وحلمي ؟
خل ارد عالمكالمه ،،،،،

حلمي هلو دكتوره اسف تأخرت بالرد
حنين لا عادي اكيد سموره ؟
حلمي شعندي غيرهه
حنين تدري قصتكم تذكرني بأيام شبابي ولو بزمانه لا جان اكو موبايل ولا نت حتى حاسبه هم مو كل الناس عدهم
كظيناها  عالتلفون الارضي !!!!
ومرات مابي حراره ومايحصل نبقى ندوس بالدكم لو نفر
القرص ومايتحصل
حلمي نيالكم انتو جيل الطيبين جيل الاخلاص والوفاء
والصدق والأمانة
كولشي تغير ويه التطور
حنين تدري بزمانه عوائل يتعرفون ع بعض بالقطار برحله سفر وتالي يتزاورون ويصيرون اهل وبعض الاحيان
يتناسبون وتبقى علاقتهم سنين مبنيه عالموده والحب
حلمي شكد حلوووو ياريت هسه يرجع شي بسيط
حنين والجيران جانت علاقتهم علاقة اهل
وياهم أفراحهم أحزانهم الكل عبالك عائله وحده
والاطفال تلعب سويه بالشارع حتى اذا تضاربو
يتصالحون مجان احد ياذي جاره لو يرفع صوته بالمحله
حلمي كولشي راح دكتوره بهالزمن واحد ميثق باقرب شخص اله وأطفالنا نخاف يطلعون بره
حنين وين رجعتني لايام حلوه افتح المسجل لاتبجيني كافي

حلمي تفضلي دكتوره
حنين شكرا
داومت بالمستوصف مجان عدنا خفاره دوامي صباحي وارجع الظهر للبيت
كطبيبه مبتدئة احتاج الى الخبره وهذا مو طموحي
الاطباء وياي ماعدهم تخصص شعرت بفراغ اريد اتعلم
اريد اخذ خبره
رحت لمستشفى العلويه للولاده
طلبت منهم اداوم مجانا بس اتعلم مع طبيبات النسائيه
طريقه التوليد وعمليات الولاده وكل مايخص المرأة
دخلت عالم جديد مختلف تماما عن النظري لان التطبيق العملي يحتاج ممارسه ولمسة مشرط العمليه مو كل وحده
تكدر تلزمه اليوم الاول رجفت ايدي
وراها كدرت اسيطر واكون الطبيبه الاولى
داخل المستشفى

في المستوصف
د خلت الصبح للمستوصف جتي المعينه جايبه ورد
حنين منين هذا الورد ؟
المعينه مادري دكتوره ولد جابه وكال للدكتوره حنين
حنين دورت على كارت باسم المرسل
لكيت كارت احمر مكتوب بي
ينبض قلبي بحبك كلما اراك صباحا داخل المستوصف
تلفتت يمنه يسرى منو هذا الي دازلي هالكلام ؟
عجبني الورد ريحته طيبه لان طبيعي وألوانه متناسقة
لما كملت  الدوام اخذته وياي وطلعت للبيت اكيد
الورد من غسان ،،،،
ام رافد هلا هلا بالدكتوره اليوم فرحانه ورد شايل ورد
حنين تسلمين حبيبتي ام رافد تدرين اول مره اشعر
براحه نفسيه لما شفت الورد والاهتمام
ام رافد اكيد من غسان ؟
حنين يمكن ،،،،،
اليوم الثاني
دخلت اتلفت وينه غسان من الكلام الي بالكارت واضح انه يشوفني كل يوم
كعدت بغرفتي واني استقبل المرضى
استلمت حالات الحمل والولاده وكل الي يجوني بطنهم منفوخه وحوامل 😉
دعادل صباح الخير دكتوره شلونج ويه مريضاتج
الدكتور عادل معاون مدير المستوصف / متزوج ويصيحو ابو مهند
حنين اهلا دكتور شلونك ؟ شخبار جدول الشهر نزل ؟
عادل هو جيت اسألج اذا تحبين تغيرين اختصاصج
حنين دخلت علي المعينه وهم بيدهه شده ورد
المعينه دكتوره هاي الج ،،،،
حنين اخذته منها وسكتت شحجي
عادل ابتسم اي يابه ورد للورد ،،،
حنين باوعتله نظرة استغراب
المعينه دكتوره تلفون الج من البيت
حنين خير ان شاء الله بس لا صاير شي
الووووو
ام رافد دكتوره يزن وكع وايده ورجله توجعوا ودا يبجي مجاي يسكت اخاف ايده نكسرت
حنين يمه يزن حبيبي اني جايه بسرعه
رحت آخذ شنطتي
عادل خير  دكتوره ؟ خو مصاير شي ؟
حنين ابني يزن واكع ومتعور
عادل لا تخافين خل اجي وياج اشوفه
حنين اخاف عندك شغل دكتور ماريد اتعبك
عادل ماكو تعب خل نروح عالسريع
حنين بوقتها مجان عندي سياره رحت مع دكتور عادل
بسيارته
تفكيري مشوش الطريق صار شطوله شوكت اوصل
واطمن على ابني
وصلنا للبيت واسمع صريخ يزن للشارع
فحصه  دكتور عادل كال عنده كسر بايده ورضوض برجله
اخذنا للمستشفى اخذوله اشعه
جبسوله ايده ورجله لفوهه بشاش طبي
ذاك اليوم تأخرنا للخمسه العصر
لهنا دكتور بعد ماقصرت اني آخذ تكسي
عادل ليش تحرميني من متعه شوفتج دكتوره
حنين تفاجئت بحجايته شيقصد ؟