العزف على جراح الماضي

خامس

#العزف_على_جراح_الماضي
خامس
بقلمي فردوس عبد اللطيف
. لا تجعل العوائق توقف مسيرتك، إذا واجهت حائطاً فلا تستدر لتعود خائباً، عليك أن تحاول تسلقه، أو المرور من خلاله، أو حتى الالتفاف من حوله.

~~~~~
حنين  الو افتح المسجل حلمي راح احجي بالتلفون اليوم تعبانه وانت سجل كلامي ونزله بالمسجل

حلمي سلامتج دكتوره تفضلي تكلمي

حنين. بعد ما نصدمت وفهمت ان بيت اخلاص هو بيت دعاره  كعدت عالسرير افكر وين اروح
الدنيا ليل وماعندي مكان (طالبه مغتربه )

اهلي اذا ارجعلهم راح يبطلوني من الكليه ويزوجوني لجعفر

الباب كل شويه يندك احد زبائن اخلاص وهي بدون وعي
واعتقد هي تدزهم بس تريد تستفاد من وظعي
تذكرت غسان لما كالي اي شي تحتاجين وباي وقت اني حاضر
الكارت وين الكارت ؟؟
دورت بالجنطه كدامي وما اشوفه نخبصت نثولت
فرغت الشنطه عالسرير طشرت الاغراض
لكيته الكارت الحمد لله جريت نفس ، ،،،،،

لملمت اغراضي واخذت شنطة ملابسي ونزلت للمطبخ ع اطراف اصابعي
شفت الخدامه فزت من شافتني
اشرتلهه بايدي اشششششش
حجيت بصوت ناصي
روحي جيبيلي التلفون ،،،، بوقتها مجانت اكو تلفونات نقاله
بس تلفون ارضي
تلفون اخلاص بي واير طويل يوصل حتى للحديقه
وعدهه فيشه بالمطبخ
اتصلت على احد الارقام شكد يرن ماكو رد
معود غسان رد جاوب اليوم يومك تنقذني
جربت الرقم الثاني طلعلي واحد كال تفضلي
كتله استاذ غسان موجود
كال منو حضرتج ؟
كتله اني حنين ...
يظهر هو كاعد بمكان وهذا سكرتير
سكت فتره

غسان. الوووو حنين حنين معقوله انت حنين ؟
حنين الحكني استاذ اني بورطه
وماعندي احد اروحله غيرك
غسان ليش مو بالقسم الداخلي ؟
حنين طردتني المشرفه انت تعال واني احجيلك كل القصه
غسان بس فهميني انت وين ؟
حنين نطيته العنوان
غسان خلال خمس دقايق اني يمج
حنين راح اطلع انتظرك بالشارع لان ماكدر ابقى بهالبيت دقيقه بعد ،،،،
غسان اوك لاتتحركين انت اوكفي بنفس الشارع

حنين وره خمس دقايق وكفت سياره آخر موديل دك هورن
اني بوقتها خايفه وارجف وكلمن يمر من يمي يدوس بريك ويدك هورن والي يكولي وين توصلين ،،،،
غسان حنين حنين
حنين نتبهت من صاح اسمي لان الجام مضلل مينشاف بس من صوته عرفته
جريت الشنطه وصعدت اني بكل الي صار مابجيت جنت قويه ولازمه نفسي
اني صعدت بالسياره وانهارت اعصابي
بجيت وبجيت بصوت عالي ونحيب اريد اصرخ اريد اهدأ

غسان مو كافي بجي ممكن تفهميني السالفه
ع اي اساس تطردج المشرفه وشجابج هنا بالمنصور ؟

حنين اخذني لنادي الفروسيه نزلنا تمشينا بالحديقه
جريت نفس مكان حلو وواسع وزرع وخضار
كعدنا بمكان عالشط