#العزف_على_جراح_الماضي
ثامن
بقلمي فردوس عبد اللطيف
لا تظلمنَّ إِذا ما كنتَ مقتدراً.. فالظلمُ مرتعُه يفضي إِلى الندمِ تنامُ عينكَ والمظلومُ منتبهٌ.. يدعو عليكَ وعينُ اللّهِ لم تنمِ.
~~~~~
حلمي دكتوره شو سكتي ؟
الووو الووو يمكن نامت
سمر ها حلمي تلفونك طول الوقت مشغول شكو ويامن ملتهي
حلمي صدكيني هالفتره مجاي التقي بالدكتوره بس نتخابر وهي تحجي واني اسجل كلامها
حبيبتي والله مشتاقلج خل تكمل القصة وانت اول وحده راح
تقريها واريد رايج بيها
سمر انت متغير علي طول الوقت مشغول لو بالشغل لو ويه الدكتوره تسولف
حلمي مانسولف بس هي تحجي واني اسجل واسمع
سمر وانت مستمتع بالقصه عاجبتك
حلمي زمانهم حلو حتى الحب بي طعم حبهم طاهر وعلاقاتهم
مابيها مصالح شكد تغير الزمن يمكن سنوات الحصار والحروب غيرت النفوس
سمر باجر دوام تجي لو تكابل الدكتوره ؟
حلمي شعندي اكابلهه من الصبح واعوف الكمر
لج اني مشتاقلج اكثر منج بس غير اني ما احجي 😆
سمر آخ منك ومن سوالفك كل مره تقشمرني بالحجي
وتخليني انسى
حلمي باجر بالسبعه اني بالباب انتظرج
سمر وشعندك بالسبعه ابو الخط يجيني سبعه وربع
حلمي تعالي كيات الا خط
سمر لا بهذله وازدحام خلي بالخط احسن
حلمي اوك ونص اني انتظر
حلمي هلا وغلا لج هاي شنو سمنانه مكظيتها نوم
سمر احنا البنات شعدنا غير النوم بالعطله كولشي ممنوع
حلمي واني اكرب بالشغل من الصبح لليل
سمر وراها تستلمك الدكتوره وسوالف
حلمي الحلووووو غيور فديت الغيرانه
سمر اهلي حيل شادين وياي كولشي ممنوع
حلمي تحملي حبي مبقى شي بالدوام راح نلتقي يوميه
سمر وبعدين شوكت راح تكدر ترتب امورك ونتزوج
حلمي مستعجله ؟
سمر صير عاقل ع شنو مستعجله ؟ لو فسرت كلامي
بكيفك
حلمي والله اتشاقى حياتي انت هو اني الي مستعجل
بالليل
حلمي هلو دكتوره اليوم نلتقي لو تردين تحجيلي بالتلفون ؟
حنين اليوم تعبانه ورجعت للبيت من وقت افتح المسجل
خل اكملك لحظه لحظه احجيلي شخبار سمر
حلمي تسلم عليج وان شاء الله نلتقي بالأمسيه لما حاتعزفين
حنين ها عرفت الموعد اوك اريد اشوفكم بالسطر الاول
حلمي تردين تشوفين دموعنا من نسمع عزفج ؟
حنين اني اشعر بيكم لما تتأثرون بالعزف هو اني دا اطلعه
من كلبي ولو الحزن مرافقني طول العمر
حلمي سلامتج دكتوره بس عندي سوآل قبل ماتبلشين
شعجب رهام جتي وياكم بالحرب وين اهلها امها اخوانها ؟
حنين افتح التسجيل وراح احجيلك من ضمن السرد
حنين
بالنسبه ل رهام امها مطلقة وباقيه يم اهلها ورهام البنت الوحيد ه للأستاذ حميد وابوهه ماقبل يتزوج ويجيبلها زوجة اب
خاف عليها لا تاذي بنته وبقت وحيدة ساكنه بقصر جبير
والحرس حولين البيت حتى من تطلع بسيارتها يمشون وراها بدون علمها ابوهه موصيهم يحموهه بس من بعيد لان يخاف عليها
أنت تقرأ
العزف على جراح الماضي
Cerita Pendekحنين فتاة جميله ذكيه لديها طموح ان تدخل كلية الطب كونها من المتفوقات ،،،، تلتقي ب غسان بالجامعه ويعجب بحنين وكونه ابن مسول ومحد ترفضه يتفاجئ برفض حنين لحبه كونها محجوزه لابن عمها وهذه تقاليد العشيره الي ماممكن ترفضها رهام ابنة مسؤل تجد نفسها باخ...
