الملاك المتمرد «قيد التعديل»

الفصل الخامس..

نكمل روايتنا(الملاك المتمرد)بقلم سلسبيل كوبك..
الفصل الخامس..
اخر حاجة وقفنا عندها في الفصل الرابع..
_عند ملاك..
مسكت تليفونها و كانت بتلبس جذمتها بسرعة..
ملاك:ايه يا سيدرا؟!
سيدرا:انتي فين؟!
ملاك:بلبس و جاية...
ملاك(بصريخ):عاااااااااااااااااااااااااااا..
الكل سمع صوت صريخ ملاك لان سيدرا كانت مشغلة الاسبيكر...
سيدرا:في ايه يا ملاك؟!
ملاك:مفيش حاجة يا سيدرا باي..
ملاك:يا كلب الكلبة متعملش كدة تاني..
خالد:بودعك..
ملاك:تضربني علي قفايا يعني..
خالد:انتي اللي تافهة..
ملاك:شبهك مش جيباه من بره..
خالد:ربنا يشفي اول مرة العروسة تروح للعريس و الله..
ملاك:مبدأيا ده مش جواز ده لفترة معينة..
ملاك:و انا بعمل ده علشان سيدرا عملت معايا جميل زمان و علشان الاطفال اللي هي مخلفاهم..
خالد:انا متأكد انهم هيتصدموا منك...هو ميعرفوش انك ملكة جمال مصر و لا ايه؟!
ملاك:يا بكاش..
محمد:ها يا حبيب..
محمد(بصدمة):ايه ده؟!انتي راحة فين باللبس ده؟!
خالد:قاعد عمال اقنعها و اقولها يا ملاك انتي راحة كتب كتابك و لازم الناس تأخد انطباع حلو و هي لا..
ملاك(بصدمة):يا كداب!!!!!!
ملاك:يلا يا جدو و مش هغير هدومي..
ملاك مسكت كرسي محمد و مشيت و خالد جمبها..
و بعد فترة وصلوا لقصر سيف و نزلوا..
خالد:انتي كنتي تعرفي انه المحامي المشهور سيف الدين فؤاد رضوان!!
ملاك:انا مكنتش اعرف اسمه حتي...
خالد:الصبر يا رب اغرب جوازة في التاريخ....
محمد:ما تسكت ياض شوية...مين ده يا ملاك؟!
ملاك:معرفش ايه ده شخص كدة..
خالد:الصبر يا رب..
التلاتة دخلوا القصر و ملاك دخلت و هي ماسكة كرسي جدها و مشياه قدامها...
ملاك وطت ل مستوي جدها..
ملاك:اللي لابسة فستان مووڤ دي سيدرا..
محمد:ربنا يحفظها يا رب..
سيدرا(بصدمة):ملاك!!!انا بعتالك فستان..
ملاك:ماله لبسي يا جماعة..
"ملاك كانت لابسة بطلون اسود و under shirt باللون الاسود بحمالة رفيعة علي الكتف و فوقه جاكت جينز قصير لغاية الخصر...و لبست كوتشي ابيض عالي نوعا ما و رفعت شعرها ديل حصان و حطت روچ باللون الاحمر و كحل حدد عينها"..
سيدرا:احم طيب تعالي اعرفك علي العائلة.
سيدرا:تيتة مني دي جدتي و جدة سيف..
ملاك:تشرفت بحضرتك يا فندم..
سهي(بصدمة):هو انتي ملاك عارضة الأزياء و اللي بتعمل جلسات تصوير و صورها مالية المجلات؟
ملاك:شرف ليا ان حضرتك عرفاني..
سيدرا:دي مامت سيف يا ملاك...
ملاك:اهلا و سهلا..
سيدرا:سيف جوزي اكيد عارفاه..
ملاك:لا..
سيف بصلها بحدة و ضم حواجبه علي بعض..
سيف(ببرود):زيي بالظبط انا معرفكيش..
عمر:احم اهلا و سهلا انسة ملاك انا عمر صديق عائلة..
ملاك:اهلا ب حضرتك..
سيدرا:بابا رزق..
ملاك:ازاي حضرتك يا عمو؟!
رزق:زعلان جدا منك و من جدك..
محمد:هو حضرتك تعرفني؟!
رزق:انا رزق رضوان..صاحب شركة الازياء اللي الاستاذة ملاك مش راضية تتشارك معايا..
ملاك بصت ل محمد و خالد..
خالد:اه اسفين بقي ملاك مش بتشتغل غير في شركة جدها اسفين..
رزق:سؤال مين انت؟!
خالد:مدير اعمال ملاك هانم و ابن خالتها و اخوها..
رزق:تشرفنا انت بقي اللي لاعب..
ملاك(بجدية):رزق بيه اعتقد احنا مش في شغل علشان نتكلم..
سيدرا:دي تاج يا ملاك..
ملاك:كبرتي شوفتك مرة بس و انتي صغيرة..
تاج(بغضب):و انتي اتغيرتي بتبصي لل...
مني(بحدة):تاج..
سيدرا(بتوتر):دول جودي و مالك..
ملاك:بسم الله ما شاء الله ربنا يخليهم ليكي و يخليكي ليهم...
ملاك:هاي يا قمر انا صاحبة ماما..
جودي:انتي طنط ملاك اللي بتظهر علي السوشيال..
ملاك:اه يا روحي..
ملاك:هاي مالك..
مالك(بضيق):هاي..
ملاك:اقدم ليكوا جدو و خالد اخويا..
عمر:اهلا و سهلا..
تاج:طالما انتي غنية جدك ليه لسة قاعد علي كرسي متحرك..
ملاك غمضت عينها و الكل بصلها بترقب..بس لقوا خالد شالها من وسطها و مشي بعيد عنهم..
خالد:ملاك اهدي اهدي..
ملاك(بغضب):مين دي علشان تجيبي سيرة جدي كدة..
خالد:اهدي بصي ل جدك و اهدي..
ملاك بصت ل جدها لقته بيضحك ليها ضحكت علي ضحكه و قربت منه و باست ايده..
ملاك:هتفضل انت حبيبي الاول و الاخير و هكون مدينة ليك بحياتي كلها يا جدو..و انا فخورة بيك زي ما انت و في كل حالاتك..
محمد باس رأسها و طبطب علي ضهرها..
سهي و مني و سيدرا و عمر عجبهم موقف ملاك و محمد..
عمر:اهو المأذون جه...
عمر(بهمس):سيف..
سيف:ايه عايز ايه؟!
عمر(بهمس):لو لسة عند قرارك و مش عايز تتجوزها قولي...اصل البت صاروخ يا سيف الصراحة..
سيف(بغضب و همس):لو مستغني عن عمرك يا عمر افضل واقف جمبي ثانية واحدة..
عمر بص ل سيف و طلع يجري بعيد عنه..
المأذون جه و سيف مضي هو و محمد و ملاك مضت و بعديهم خالد و عمر الشهود..
سيف حط ايده في ايد محمد و بدأوا يرددوا كلام المأذون..
المأذون:بارك الله لكما و بارك عليكما و جمع بينكم في خير..
خالد شال ملاك و لف بيها كتير..
ملاك:خلااااااااص..
مني جابت ملاك جمب سيف و سيدرا راحت حضنت ملاك و حضنت سيف و فضلت في حضنه..
تاج:اوعي تكوني مضايقة يا اسمك ايه انتي..
ملاك لا رد...سيف بعد عن سيدرا..
سيف بص ل عمر و فجأة الكل اتصدم من تصرف سيف..سيف شد ملاك من خصرها و لزقها فيه..ملاك شهقت من الخضة و اتقابلت عيونهم للحظة..
محمد:سيف يا ابني ممكن اتكلم معاك..
سيف:تمام..
سيف راح مع محمد ل مكان هادئ..
محمد:انا عارف ظروف جوازكم..
محمد:عارف انك بتحب مراتك و ملاك بالنسبة ليك عائق ليك في حياتك مسئولية تانية يعني...
محمد:بس حاول تتعامل معاها بهدوء و اتمني الفترة اللي هي هتقضيها هنا تكون كويسة..
محمد:عارف انك ممكن تستغرب اني قبلت انها تتجوز علشان خاطر السبب ده بس انا عندي سبب مش هعرف اقوله دلوقتي..
محمد:اتمني انك تعتبرها شخص من عائلتك و تحميها..
سيف:تمام..
سيف و محمد رجعوا للباقي و الكل بدأ يتكلم و ملاك بتتكلم مع جودي كل شوية....
سيف:طيب عن اذنكوا يا جماعة..
-سيف قرب من ملاك اللي مفهمتش نظرته بس شهقت اول ما لقته شالها و مسكت فيه بسرعة خايفة تقع..
سيف مشي قدام نظرات الكل و بالذات سيدرا اللي كانت بتبص بحزن و شوية غيرة..
ملاك:نزلني..
ملاك:بقولك نزلني انت مش بتسمع..
سيف(ببرود):بتعرفي تسكتي و لا اعلمك ازاي تسكتي؟!
ملاك:طب نزلني و نتفاهم طب..
_عند الكل..
خالد:طيب نستأذن احنا بقي..
عمر:لسة بدري..
محمد:لاعن اذنكوا اتشرفنا بمعرفتكوا..
مني:احنا اكتر يا محمد بيه...و ملاك في عينينا..
محمد:واثق من ده..يلا يا خالد..
خالد خد محمد و روح علي الڤيلا..
سيدرا:يلا يا مالك يلا يا جودي علشان تطلعوا تناموا..
مالك:بعرف انام لوحدي..يلا يا جودي..
مالك خد جودي و طلعوا اوضتهم و سيدرا بصت للكل و طلعت معرفتش تنام..
عمر:و انا هستأذن..
تاج:اما وريت البت دي مبقاش انا تاج رضوان..
و كل واحد بدأ يطلع علي اوضته..
سهي:بس فعلا جميلة اوي..
مني:ايوه..يلا تصبحي علي خير..
سهي:و انتي من اهله..
_عند سيف و ملاك..
سيف دخل بملاك اوضتها و رماها علي الكنبة..
ملاك(بوجع):يا غبي...جسمي اهم منك شخصيًا..
سيف قرب وشه من ملاك اوي لدرجة ان ملاك بتلقائية رجعت بجسمها لورا..
سيف مشي صباعه علي هدوم ملاك اللي انكمشت علي نفسها بسرعة..
ملاك(بتوتر):ابعد انت مفكر نفسك مين..
سيف:مالك خايفة كدة ليه؟!
ملاك(بسخرية):مش بخاف من القرود..
سيف بصلها بغضب و مسك كف ايديها تناه لورا..
ملاك(بوجع):ابعد يا حيوان..
سيف تني ايديها اكتر و ملاك قعدت تتلوي من الالم..
سيف(بغضب):مبدأيا من هنا و رايح اسمي سيف بيه..ممنوع الشتايم و اي حاجة اقولها تتنفذ فاهمة..
ملاك بصتله و عيونها مدمعة و سيف زق ايديها و خد هدوم ليه و دخل الحمام..
ملاك(بدموع):ده اللي طيب يا سيدرا..
-ملاك مسكت ايديها لقتها محمرة اوي و وجعاها..قامت و دخلت اوضة الملابس لقت هدومها محطوطة خدت بيجامة ليها و فوطتها و خرجت لقت سيف خرج من الحمام سابته و دخلت الحمام خدت دوش و غيرت هدومها..
"ملاك لبست شورت اسود لغاية قبل الركبة بشوية و فوقه تي شيرت اسود و عليه قلوب باللون الفضي..و رفعت شعرها علي شكل كحكة فوضوية"..
ملاك خرجت لقت سيف قاعد علي السرير..
ملاك(لنفسها):اوف هو انا هنام فين؟!لا لا مش جمبه..
سيف(ببرود):جنابك بتفكري في ايه ما تيجي تنامي..
-ملاك راحت نامت علي السرير في اقصي مكان و كان فاضل سنتيميتر و تقع بس شهقت لما لقت سيف حاضنها من ضهرها..
سيف:ايه احنا متجوزين عندك مانع..
سيف(بحدة):نامي..
بعد فترة ملاك فتحت عينيها و شالت ايد سيف من عليها و قامت ببطء من جمبه و خدت مخدتها و راحت علي الكنبة فردتها سرير و نامت عليها,سيف فتح عينه و بص عليها و كمل نوم..
***********************************
-في الصباح الباكر...
_في ڤيلا ملاك..
خالد(بحزن):صباح الخير..
محمد:صباح النور..مالك؟!
خالد:وحشتني اوي..
محمد:و مين سمعك...بس دي سُنة الحياة..
خالد:كان زمانها بتهزأني و بتهزر معانا..
محمد:عارف يا خالد..ربنا معاها في الحياة الجديدة دي..
خالد:حضرتك وافقت ليه؟!
محمد:هتفهم بس مش دلوقتي يا خالد..
خالد:ليه بس؟!
محمد:لما اتأكد يا خالد..
خالد:من ايه؟!
محمد:نور جهزي الفطار..
نور:الفطار جاهز..
محمد:يلا يا خالد و جهز مواعيد ملاك علشان هي بتحب الانتظام..
خالد:طيب..
محمد:يلا بينا نفطر..
محمد و خالد قاموا و قعدوا يفطروا..
************************************
-في مكان تاني...
_عند ملاك..
ملاك قامت من نومها بدري لانها متعودة علي كدة و دخلت الحمام غسلت وشها و خرجت تغير هدومها..
"ملاك لبست بنطلون اسود و قميص اسود و صندل كعب احمر و سيبت شعرها و فوقه ضفيرة حلوة كدة..و حطت روچ احمر غامق و كحل"..
ملاك خرجت من الاوضة و نزلت الجنينة تشم هواء و بعد فترة بصت في الساعة لقتها 6:30..
عفاف:حضرتك عايزة حاجة يا هانم..
ملاك:لا شكرا..بس هما بيصحوا امتي؟!
عفاف:الساعة 7 بالدقيقة المنبه بيرن..
ملاك:طيب..شكرا..
عفاف:تحبي تفطري؟!
ملاك:لا لا بفطر بعد ما بصحي بساعة..
عفاف:تمام يا هانم..عن اذنك لو عوزتي حاجة نادي عليا اسمي عفاف..
ملاك:تمام يا روحي و لا يهمك..اتفضلي..
_عند سيدرا..
كانت واقفة في البلكونة و لقت ملاك واقفة..
سيدرا راحت لاوضة مالك و بدأت تصحيه..
سيدرا:مالك حبيبي يلا قوم..
مالك:نعم..
سيدرا:يلا علشان مدرستك..
مالك:تمام..
سيدرا:مالك يا حبيبي زعلان ليه؟!
مالك:مفيش حاجة عن اذنك..
مالك قام دخل الحمام يأخد دوش..سيدرا خرجت راحت لاوضة جودي لقت ملاك موجودة..
ملاك(بضحك):يلا بقي قومي..
جودي(بهزار و نوم):لا..
ملاك(بضحك):بتفكريني بنفسي..يلا قومي افطري بقي..
جودي:لما اصحي..
سيدرا(بحدة):جودي بطلي دلع و مياصة و قومي..
جودي:حاضر مامي..
جودي قامت و دخلت الحمام بتاعها و سيدرا كانت هتمشي..
ملاك:سيدرا حبيبتي بلاش تقسي علي جودي كدة..
سيدرا:لا يا ملاك كانت بتدلع..
-سيدرا سابت ملاك و مشيت راحت لاوضتها..جودي خرجت و ملاك اختارت ليها لبس تلبسه و لبستها..و مسكت ايديها و نزلت..
مني:صباح الخير..
جودي:صباح الخير يا نينة..
مني:يا روح قلبي انا..
ملاك:صباح الخير..
مني:صباح النور..
سهي:اومال فين سيف؟!
ملاك(بتلقائية):معرفش..
سهي(باستغراب):هو مش جوزك؟!
ملاك:مفهمتش يعني..
مني:اطلعي صحيه يا حبيبتي يلا..
ملاك:سيدرا تطلعله..
سهي:محسساني انه مش جوزك..
ملاك:لا اه يعني انتوا عايزين ايه دلوقتي؟!
مني:اطلعي صحي سيف لانه بات في اوضتك و المنبه اكيد مرنش..
ملاك:طيب..
ملاك طلعت لاوضتها و دخلت لقت سيدرا في حضن سيف و...
ملاك(بخجل):اسفة..
ملاك خرجت بسرعة من الاوضة..
سيف(ببرود):ابعدي يا سيدرا و اطلعي بره..صحتيني و عملتي اللي عليكي و متنسيش اني لسة متجوزها امبارح يعني عيب كدة..
سيدرا بصتله بضيق و خرجت و كانت ملاك هتمشي..
سيدرا:سيف عايزك..
ملاك(باستغراب):انا!!!!
سيدرا:ايوه..
-سيدرا مشيت و ملاك فتحت الباب دخلت رأسها بس ملقتش سيف دخلت و لقت حد ماسكها من خصرها و سندها علي الباب و قفله و حط ايده اليمين علي الباب..
ملاك بلعت ريقها بصعوبة و حاولت تتحرك بس سيف ضغط علي خصرها بقوة...
سيف:قومتي ليه امبارح من علي السرير؟!
ملاك:عادي..
سيف:دي مش إجابة..
ملاك:اصل انا مش بحب انام جمب حد متعودتش..
سيف:من هنا و رايح تتعودي و تخلي بالك من ولادي كويس اوي..
ملاك:ماشي وسع بقي..
الباب خبط..
سيف شد ملاك لحضنه و بعدها حطها ورا ضهره و فتح الباب..
تاج:ازيك يا سيف ايه اتأخرت يعني؟!.
سيف:جاي اهو يا تاج..
تاج:طيب..
تاج سابته و مشيت بغضب..سيف لف ملقاش ملاك..
سيف(بحدة):ملاك..
سيف دخل الحمام ملقهاش و دخل اوضة الملابس ملقهاش برضو..
سيف(لنفسه):راحت فين؟!مش معقول تكون اختفت يعني..
-سيف كان مودي ضهره ل باب الاوضة"ملاك كانت مستخبية بين الهدوم استغلت فرصة انه مش باصص للباب و بدأت تمشي براحة بعد ما قلعت الصندل"..
سيف حس بحد وراه لف و شاف ملاك و هي ماشية براحة..بس فجأة ملاك لقت نفسها مش علي الارض..
ملاك(بعصبية):نزلني..ازاي تمسكني كدة..
سيف:كنتي مستخبية فين؟!
ملاك:في المصباح انت مالك..
سيف لزق ملاك علي الحيطة و هو شايلها..
ملاك(بتمثيل):ده ذنبي انك طويل يعني حرام عليك لازقني في الحيطة علشان تبين انك اطول مني مكنش العشم يا صاحبي..
سيف نزل ملاك علي الارض و لسة هيتكلم..ملاك ضربته بوكس خفيف في بطنه و طلعت تجري..سيف بص بصدمة و بعدها غير هدومه و نزل ل تحت..
_تحت..
عفاف:الاتوبيس يا مالك بيه..
مالك:طيب..
مالك خد شنطته و مشي..الباقي كمل اكله..
سيف:صباح الخير..
الكل:صباح النور..
عمر:صباح الفل..
سيف:ايه اللي جابك؟!
عمر:جيت اعدي عليك و نروح الشغل سوا..
سيف بص ل نظرات عمر ل ملاك..
سيف(بحدة):عمر يلا قدامي..
سيف مسك عمر من دراعه و شده معاه و مشيوا..
رزق:لسة برضو مش موافقة يا ملاك؟!
ملاك:تبقي خد ميعاد و نتكلم..
جودي:تيجي يا طنط ملاك نلعب شوية..
ملاك:ليه لا؟!يلا بينا يا قمر..
ملاك و جودي قاموا و قعدوا يلعبوا و يضحكوا و يهزروا..
تاج:هروح الجامعة..
تاج قامت مشيت و ركبت عربيتها و راحت ل جامعتها..
سيدرا:عن اذنكوا هطلع ارتاح..
سهي:كنت عايزة اخد رأي ملاك في كذا حاجة..
مني:ايه؟!
سهي:الشعر و البشرة علشان اهتم بيهم..
مني:طول عمرك بتحبي تهتمي بنفسك..
سهي:طبعا دي اناقة..
مني(بضحك):طيب..
***********************************
-في مكان تاني...
_في بيت مهجور..
...(بصوت رجولي):الكل جاهز؟!
الكل:اه يا بيه..
...(بحدة):اي غلطة زي المرة اللي فاتت فيها موتكم..
الكل(بخوف):حاضر يا بيه..متقلقش..
...(بصوت رجولي):كويس اوي..جاهز؟!
شخص:ايوه و كل حاجة جاهزة ناقص بس إشارة من ايدك..
...(بجدية):كويس..المرة دي انت المشرف لو حصلت حاجة انت اللي هتدفع حسابها و هنسي انك من رجالتي...
شخص:اكيد..
...(بجدية):حطيت مراقبة؟!
شخص:من ساعة ما قولت و انا عملت كدة..
...(بجدية):خلينا نشوف هيعمل ايه..
شخص:وقت ما تدينا الاشارة هنبدأ..
...(بجدية):كمان يومين و لو في تغيير هقولك..
شخص:تمام يا باشا..
... قام من علي الكرسي بتاعه بكل برود و مشي..

_السؤال:يا تري هيحصل ايه؟!خمنوا🌚💜..
*********************************
يتبع:::💜🦋..
بحبكوا💜🦋..
يا رب الرواية تنال إعجابكم💜🦋..
رأيكوا يهمني💜🦋..