الملاك المتمرد «قيد التعديل»

الفصل التاسع و الثلاثون..

نكمل روايتنا(الملاك المتمرد)بقلم سلسبيل كوبك..
الفصل ال39..
اخر حاجة وقفنا عندها في الفصل ال38..
تليفون ملاك رن...الخط اتفتح..
سيدرا(بصريخ):الحقيني يا ملاااااك..
ملاك قامت وقفت و هي مخضوضة..
ملاك(بقلق):الو الو سيدرا..
ملاك(بقلق):انتي في المستشفي؟!
ملاك لقت الخط اتقفل جريت علي دولاب جمب الباب خدت منه جاكت اسود و خدت فلوس و شنطة و جريت علي بره..
ملاك ركبت عربية بسواق..
ملاك:خليك اسرع بكتير..
السواق:حاضر يا ملاك هانم..
ملاك لقت مكان اتبعت ليها من سيدرا..
ملاك:روح علي(**********)..
السواق:حاضر..
ملاك(لنفسها):اتصل ب سيف؟!!
ملاك(لنفسها):لالا هيفتكر اني بخترع مواضيع..بس لا برضو سيدرا كلمتني..
ملاك(لنفسها):يا رب اعمل ايه؟!
ملاك(لنفسها):انا غبية اوي..
ملاك:اسرع شوية..
السواق:قربنا نوصل يا هانم..بس ايه جاب حضرتك في حتة مقطوعة زي دي؟!
ملاك:مش فايقالك..انا ذات نفسي معرفش..
السواق:وصلنا يا هانم..تحبي استناكي؟!
ملاك(بغباء):لا..
ملاك نزلت من العربية و هي خايفة مسكت في شنطتها جامد و قفلت الجاكت كويس..
ملاك لقت المكان يعتبر ضلمة و مفيش ناس..حست بخوف شديد اوي..
ملاك:يلا نروح يلا يلا يلا يا ملاك يلا..انا مش ضامنة...
ملاك كانت هتمشي سمعت صوت صريخ..
ملاك:مهما كان هي برضو مامت جودي و مالك..
-ملاك لفت و فضلت تدور علي مصدر الصوت لغاية ما سمعته بوضوح في بيت شكله وحش من بره,حطت ايديها علي قلبها بخوف..
ملاك دخلت البيت بس لقته نضيف من جوا في انوار بسيطة شغالة..ملاك طلعت الدور التاني..
ملاك(بصدمة):سيف!!!!!
سيف(بغضب):افتحي يا بنت ال....
سيف(بغضب):بتخونيني انا..انا سيف رضوان يا بنت ال....
سيف(بغضب):افتحي افتحي الباب ده و الا و ربي اول ما امسكك في ايدي لاشوه وشك و اقتلك في ايدي..
سيف(بغضب):بتخدعيني انا..طبعا العيب مش عليكي العيب علي ال.....ابوكي..
سيف(بغضب):افتحي فورا..
ملاك جريت علي سيف و وقفت قدامه..لقت باب ازاز و باين منه سيدرا و شخص تاني..
ملاك:سيف..
سيف:ايه اللي جابك هنا؟!
ملاك:مش مهم...حصل ايه؟!
سيف:مفيش روحي يلا..
سيف(بعصبية):يلا..
ملاك(بحذر):هي سيدرا طلعت بتخونك؟!
سيف(بغضب):ايوه مش شايفاها في بيت اهي و معاها ال.......و هي...كانوا في وضع زبالة زيهم من شوية..
سيف(بغضب):افتحي الباب احسنلك..
سيف(بغضب):يا بنت ال.......
ملاك حطت ايديها علي قلب سيف لقته بينبض بعنف..
ملاك:سيف تعالي نمشي و نتكلم في الموضوع ده بعدين..
سيف(بعصبية):ارجعي انتي..
سيف(بغضب):عيطي يا اختي عيطي ده انا هقتلك بس اصبري..
سيف(بغضب):افتحي الباب...لو مفتحتهوش هندمك العمر كله و اخليكي ماشية مش عارفة انتي مين حتي..
سيدرا(بعياط و صريخ):هيقتلني يا ملاك انقذيني منه..
سيف(بغضب):افتحي يا بنت ال.....
ملاك:سيف يلا بينا..يلا نمشي و نفكر بعدين..
سيف(بغضب):هي دي فيها تفكير دي فيها قتل و دم..ده شرفي فاهمة..
ملاك:طب علشان خاطري يلا نمشي...و انت تقدر توصلهم تاني بسرعة..
ملاك:سيف علشان خاطري يلا نمشي..يلا بينا يلا يا سيف كبر عقلك و خلينا نتكلم بهدوء يلا..
سيف(بغضب):قولتلك امشي انتي..
سيف لقي الشخص اللي كان مع سيدرا بيفتح الباب,سيف اتعصب اكتر و كان هيهجم عليه..
الشخص ده مسك ملاك و حط سكينة علي رقبتها..
ملاك(بخوف):سيف..
سيف(بغضب):اياك تقرب منها و ربي اقتلك بدل المرة مليون مرة..
شخص:مش هقرب منها طول ما انت محترم و بتسمع الكلام..
شخص:تعرفي شكلي اختارت الزوجة الغلط كان لازم اختار التانية...جميلة و نضيفة و راقية...
شخص:سيدرا مراتك مأخدتش مني يومين و بقت في حضني..يا خسارة رجولتك بقت في الارض..
ملاك(بحدة):انت راجل انت اساسا؟!وسع كدة..
سيف:طب ابعد عنها الاول..
شخص:ازاي و هي مفتاح نجاتي من هنا؟!خلاص سيدرا بقت قديمة و الواحد زهق منها..
سيدرا كانت ورا الازاز و بتعيط و اتصدمت لما سمعت كلام الشخص ده..
ملاك كانت بتتحرك الشخص ده ضربها علي رأسها..
الشخص:قلة ادب مش عايز..
ملاك(بدموع و خوف):سيف..
سيف:انت عايز ايه؟!
شخص:امشي من هنا..
سيف:امشي امشي بس سيب ملاك..
شخص:حتي اسمها حلو ده انت ايه يا ابني...عندك قمر كدة و سايبها في الشارع دي المفروض تربطها في اوضتك..
سيف(بغضب):سيبها و امشي..و كلمة مني مش هلمسك دلوقتي..
شخص:ايه اللي يضمن؟!
سيف:كلمتي مش بتتغير لاني راجل مش زيك..
شخص:هنغلط ليه بس؟!
ملاك(بوجع):آه..
الشخص ده ضغط علي جرح ملاك بتاع معتز الجرح بقي اكبر...
سيف:ابعد عنها بقي و وعد مني مش هلمسك..
الشخص:مش هتقدر اساسا..
الشخص ده زق ملاك بعنف ناحية سيف و طلع يجري و يهرب..
ملاك وقعت في الارض و هي في حضن سيف..
سيف(بقلق):انتي كويسة؟!
ملاك لا رد..
سيف بدأ يشوف الجرح اللي في رقبتها..
سيف(بقلق):حاسة بوجع؟!.
ملاك(بدموع):عايزة امشي من هنا...
سيف:طيب حاضر..
سيف قام وقف و وطي شال ملاك بين ايديه و ملاك حاوطت رقبته بايديها و غمضت عينيها..
سيف:ملاك انتي كويسة؟!علشان خاطري متقلقنيش..
ملاك:مش عارفة..
سيف نزل ملاك و فتح الباب ساعدها تركب العربية و لف ركب العربية وساق..
سيف:عرفتي طريقي منين يا ملاك؟!
ملاك:مكنتش اعرف  لقيت سيدرا بتكلمني و بتصرخ..
سيف(بغضب):الكلاب..
ملاك:ايه؟!
سيف(بانفعال):عارفين انك نقطة ضعفي..
ملاك(بضيق):طب بتزعقلي ليه انا ايه ذنبي؟!!
سيف(بهدوء):اسف حقك عليا..
سيف:بس برضو جنابك لازم تقدري اللي انا فيه..
ملاك:مقدرة مقدرة بس مش عارفة اعمل ايه؟!مش عارفة اساعدك بايه كل اللي كان شاغل دماغي انك راجل و في الموقف ده ممكن توصل للقتل قولت ابعدك عنها باي طريقة بس..
سيف:تقع بس تحت ايدي و ربي لاخليها تتمني الموت..
ملاك:لازم نهدي و نفكر..
ملاك(بتوتر مخفي):روح علي القصر..
سيف(بفرحة):قولتي ايه؟!
ملاك:مش علشانك ده علشان مالك و جودي..
ملاك:لانه من المتضح انه سيدرا مش مريضة سرطان...
سيف(بقرف):سيدرا ايه و بتاع ايه؟!
سيف(بفرحة):انتي راجعة القصر دي اهم حاجة..
ملاك:متفرحش اوي كدة فترة و بعدها هنتطلق...
سيف:هنشوف..
ملاك:انت غريب..
سيف:اشمعنا يعني؟!
ملاك:من شوية كنت غضبان و عندك غضب يحرق العالم كله و دلوقتي مبسوط و فرحان و هادئ..
سيف:ممكن تقولي تأثيرك عليا يا ست ملاك..
ملاك:متحلمش ان كل حاجة هتبقي زي الاول..
سيف:يعني؟!
ملاك:مبدأيا هنبقي علي اتفاقنا الاول يعني مش هتتحكم فيا مش هتتحكم في لبسي شغلي مواعيدي..كل اللي هيبقي مشترك ما بينا جودي و مالك..السرير مش هننام عليه ابدا انا هنام علي الكنبة لان قرار العودة قراري ده بس علشان انا انسانة عقبال ما تتصرف و تلاقي دادة امينة تحافظ علي ولادك..
سيف:هنشوف..
سيف وصل للقصر و ملاك نزلت كانت مترددة في قرارها و عايزة ترجع بيتها و سيف لاحظ ده..
سيف:يلا..بتفكري في ايه؟!
سيف و ملاك دخلوا القصر و طلعوا لاوضتهم..
سيف:يلا يا ملاك بلاش تردد..
ملاك(لنفسها):علشان مالك و جودي بس يا ملاك..
ملاك دخلت و سيف دخل وراها و قفل الباب...
ملاك قلعت الجاكت بتاعها و حطته علي السرير..
سيف:هروح اجيب علبة الاسعافات علشان رقبتك..
سيف دخل الحمام و خرج مسك ايد ملاك قعدها علي السرير..
ملاك:بعد اذنك متلمسنيش الا بأذن..
سيف(بنفاذ صبر):ماشي يا ملاك...ممكن تسيبيني اعملك جرحك...
ملاك(ببرود):طيب..
سيف بدأ يطهر الجرح ل ملاك و حط لزق طبي عليها..
ملاك:شكرا..
ملاك قامت وقفت و دخلت اوضة الملابس افتكرت انها خدت كل هدومها و ملهاش حاجة تلبسها..
ملاك:و ماله يعني؟!
"ملاك غيرت هدومها و لبست قميص من قمصان سيف باللون الابيض طويل قبل الركبة بشوية واسع نوعا ما تنت الاكمام و رفعتهم و رفعت شعرها كحكة"..
ملاك خرجت لقت سيف مصدوم منها..
ملاك:ملقتش حاجة تانية البسها..
سيف(برفعة حاجب):انا قولت حاجة..
سيف قام و ساب ملاك و دخل اوضة الملابس يغير هدومه..
"سيف لبس تي شيرت رمادي و شورت لغاية الركبة باللون الاسود"..
سيف خرج لقي ملاك نايمة علي الكنبة و متغطية بالجاكت بتاعها..
سيف:تعالي يا ملاك نامي علي السرير..
ملاك:بتحلم..
سيف:طب خليني انا علي الكنبة..
ملاك:لا و روح نام انا عايزة انام..
ملاك لفت ضهرها ل سيف و غمضت عينيها..سيف راح ناحية السرير بغضب و فرد جسمه عليه و بعدها قام شغل النور..
سيف(بعصبية):ملاك..
ملاك:خير في ايه؟!
سيف:قومي نامي علي السرير..
ملاك قامت اتعدلت و بصت ل سيف ببرود..
ملاك:هو مش انا قولتلك هنام علي الكنبة و انا و انت مش هنتشارك السرير..
ملاك(بعصبية):يا حيوان..
سيف شال ملاك و راح ناحية السرير حطها عليه و غطاها..
سيف(بتحذير):اياكي تقومي..
سيف:و كمان انا هنزل تحت متقوميش..
-سيف حط راس ملاك علي المخدة و غطاها و طفي النور و فتح باب الاوضة و نزل لاوضة المكتب نام فيها...
ملاك نامت علي جمبها و هي بتفكر هي اللي عملته صح و لا غلط لغاية ما نامت نوم عميق..
************************************
-في الصباح الباكر..
_في القصر..
نور:صباح الخير...صاحين بدري ليه؟!
سهي و مني:صباح النور..
مني:اصل ملاك رجعت..
نور(بفرحة):بجد!!!!!
سهي:ايوه عفاف قالت لينا انهم رجعوا القصر مع بعض امبارح..
نور:طب و انتوا صاحين من الساعة 6 ليه؟!.
سهي:علشان نشوف الحدث من الاول..
نور(بضحك):ف صاحين من بدري اوي كدة..
مني:تعالي تعالي شوفي معانا..
نور:هقعد اكيد..
نور(باستغراب):رزق!!!
نور:انت جاي منين؟!
رزق:ها كنت بتمشي..
نور:طيب يا حبيبي..
مني:ملاك و سيف رجعوا ل بعض..
رزق:كويس..
سهي:اقعد اقعد نتفرج..
عدي ربع ساعة لقوا في حد داخل عليهم,سيف كان خارج من المكتب و شعره علي عينه و حالته متبهدلة..
مني:معتز!!سيف!!
سهي:انت مش مع ملاك فوق ليه يا سيف؟!
مني:مش انت سافرت يا معتز زي ما سيف قال..
سيف و معتز بصوا ل بعض و كل واحد بيبص للتاني بغضب..
سيف رجع شعره لورا بغضب و راح قعد مع الباقي..
سيف:اه فعلا يا معتز مش انت سافرت؟!
معتز:حرام اجي بيتي..
رزق:لا طبعا مجرد استغراب..
معتز:اديني رجعت...بس اشمعنا متجمعين دلوقتي؟!
نور:عادي صحينا بدري..
مني(بصدمة):هي مش دي ملاك!!!
كلهم لفوا ناحية السلالم لقوا ملاك نازلة بقميص سيف القصير و بين اليقظة و الحلم..
معتز(بخبث):هي مراتك بتنزل علطول كدة يا سيف..
سيف لف ل معتز و رزق و لاحظ نظراتهم ل ملاك..
سيف قام بسرعة و راح ناحية ملاك اللي دخلت المطبخ..
سيف(بغضب):ملاك!!
ملاك(بخضة):يا ماما؟!
ملاك حطت ايديها علي قلبها و سندت علي ترابيزة المطبخ..
ملاك:في ايه خضتني؟!
سيف(بغضب):جنابك نازلة كدة؟!
ملاك بصت علي هدومها و اتصدمت و بصت علي الساعة اللي ورا سيف علي الحيطة..
ملاك:علفكرة الوقت لسة بدري هتلاقيهم لسة مصحيوش..
سيف(بغضب):احب اقولك ان الكل شافك حتي معتز..
ملاك(بصدمة و خوف):معتز!!!!!!
ملاك(بدموع):يعني هو شافني؟!!!
سيف(بغضب):تخيلي بقي راجل في مكاني يعمل ايه؟!
ملاك(بدموع):انا مكنش قصدي صحيت عطشانة نزلت اشرب بس و الله مكنش قصدي..
ملاك بدأت تعيط سيف قرب منها و حاوط وشها بين ايديه و فضل باصص لعيونها كتير..
ملاك(بدموع):ان..
سيف قرب من ملاك و(لخيالكوا)..
سيف(بهدوء):اياكي تعيطي طول ما انا علي وش الدنيا لما اموت ابقي عيطي..
سيف(بهدوء):و اياكي اشوف نظرة الخوف دي..مرات سيف الدين فؤاد رضوان مستحيل تخاف...و انا معاكي اياكي تخافي خليكي مطمنة اني مش هسمح لاي حد مهما كان مين انه يقربلك...
ملاك بانفعال حضنت سيف جامد و مسكت فيه سيف حضنها و حاوطها بايده و باس رأسها..
تاج:احم احم..صباح الخير..
ملاك بعدت عن سيف بسرعة و بتوتر و ارتباك..
سيف:صباح النور...تاج جيبي هدوم ل ملاك تلبسها عقبال ما نجيب هدومها من البيت..
تاج:اكيد تعالي يا ملاك..
سيف:لا اطلعي جيبي ليها و انزلي..
تاج:هتلبس فين؟!
سيف:في الحمام اللي هنا مش هتطلع من هنا بالقميص ده..
تاج:بس اللي بره مش حد غريب..
سيف:معتز و رزق يا تاج رجالة و انا مسمحش مراتي تقعد قدامهم بالشكل ده..
تاج:طيب..لحظة..
ملاك(بخفوت):هو فيه حاجة غير انه قصير؟!
سيف:ايوه شفاف و محددك..
ملاك:بس ده واسع؟!
سيف(بتحذير):سمعتيني قولت ايه؟!شفاف و محددك يبقي كلامي صح...
ملاك(بعصبية):انت مش هتتحكم فيا انا..
تاج:جبت الهدوم..
سيف:اديها ليها يا تاج و تعالي ورايا شكلها خرفت...
سيف خرج و راح وقف عند الباقي..
تاج:اتفضلي..
ملاك:شكرا..
ملاك دخلت الحمام اللي جمب المطبخ و دخلت تغير هدومها...
"ملاك لبست بنطلون اسود واسع و فوقه تي شيرت قصير باللون الابيض مبين جزء بسيط من بطنها ب ¾ كم و عليه قلوب باللون الاحمر"..
ملاك خرجت سيف بصلها برضا و خد تاج و دخل اوضة المكتب...
سهي:حمدلله بالسلامة يا حبيبتي..
ملاك:الله يسلمك يا طنط..
مني:ها احكيلنا حصل ايه؟!
ملاك:في ايه؟!
نور:رجعتوا ازاي؟!
ملاك:بعدين بعدين..
نور:بتبصي علي ايه؟؟بصيلي و اتكلمي..
ملاك:ها حاضر حاضر..
ملاك:لحظة عن اذنكوا..
_عند سيف..
سيف:بصي يا تاج هدخل في الموضوع علطول..
تاج:حصل حاجة؟!
سيف:جايلك عريس...
تاج:ها؟!
سيف:جايلك عريس يا تاج..جاي الاسبوع الجاي..
سيف:اتمني تقعدي معاه و مترفضيش علطول..
تاج:بس..
سيف:متحكميش يا تاج...
سيف:في حد في حياتك؟!
تاج:لا لا مفيش..
سيف قام وقف و راح ناحية باب المكتب و فتحه ملاك كانت هتقع لولا ايد سيف..
ملاك(بتوتر):هاي..
سيف عدل ملاك و ربع ايده و بصلها..
سيف:جنابك كنتي بتعملي ايه؟!
ملاك لا رد..
سيف:ردي..
ملاك:انا انا انا..
سيف:ايوه انتي...مالك بقي؟!
ملاك:انا كنت عايزة..
تاج:طب سيف هروح انا الجامعة عن اذنك..
سيف:طيب..
تاج خرجت و سيف قفل الباب..
سيف:ردي..
ملاك:انا ماشية..
سيف حاوط ملاك بايده الاتنين علي الحيطة..
سيف:بتغيري؟!
ملاك:انا!!!! ابدا انا جيت علشان علشان..
سيف:بحبك و مش هحب غيرك يا غبية..
ملاك:انا لازم اصحي مالك و جودي عن اذنك..
ملاك فتحت الباب و خرجت طلعت ل مالك و جودي..
ملاك(بابتسامة):جودي حبيبة قلبي يلا قومي..
جودي(بنوم):طنط ملاك!!
ملاك:ايوه يا روح قلبي انا..
جودي(بفرحة):ملاك..
جودي قامت و حضنت ملاك و قعدت تبوسها..
جودي:وحشتيني اوي..
ملاك:و انتي يا روحي..
ملاك:يلا بقي البسي علشان نروح المدرسة..
جودي:حاضو حاضر...انتي مش هتمشي تاني صح؟!
ملاك:ان شاء الله..
ملاك راحت لاوضة مالك و بدات تصحيه..
ملاك:مالك يلا مالك..
مالك:عايزة ايه؟!
ملاك:انت صاحي؟!
مالك:ايوه عن اذنك..
مالك ساب ملاك و دخل الحمام..
ملاك:عنيد زي ابوك..
سيف:بعضًا من عندكم يا روحي..
ملاك:موجهتلكش كلام...
سيف:الهانم لسة زعلانة..
ملاك:ملكش دعوة..
سيف:طب اعملك ايه تاني علشان نعيش اسرة سعيدة..
ملاك:ابعد عني بس ابعد عني انا هكون مبسوطة و الله..
سيف(بانفعال):حرام عليكي بقي عايزاني اعمل ايه تاني اتشقلبلك علشان بس ترضي عني..اموت نفسي علشان ترتاحي..
سيف ساب ملاك و دخل غير هدومه و خد حاجته و خرج من القصر بكل غضب...
مالك:مزعلاه ليه؟!
ملاك:مزعلتهوش..
مالك:عموما مليش دعوة...رجعتي ليه؟!
ملاك:امشي يعني..
جودي:لا يا طنط ملاك احنا بنحبك اوي وحشتينا اوي كلنا حتي مالك..
ملاك:يلا علشان تفطروا و تركبوا الباص..
جودي و مالك نزلوا مع ملاك و فطروا...
ملاك:يلا علشان الباص..
عفاف:لا سيف بيه خصص عربية خاصة ليهم..
ملاك:طيب يلا يا حبايبي..
ملاك حضنت جودي و مالك و باستهم..
ملاك:باي..
***********************************
-في مكان تاني...
_في بيت ملاك..
نور:الحقوني الحقوني..
محمد(بخضة):في ايه؟!
نور:ملاك هانم مش هنا يا محمد بيه..
محمد:الله يخرب بيتك يا شيخة براحة..
محمد طلع تليفونه و اتصل ب ملاك..الخط اتفتح..
محمد:ايه يا بنتي فينك؟!
ملاك:هحكيلك بعدين يا جدو...عموما ابعتلي هدومي علي قصر سيف..
محمد(بفرحة):اتصالحتوا؟!
ملاك:لا يا جدو..حصلت مشكلة كبير و لازم حد يرعي مالك و جودي مرضتش اسيبهم و امشي..
محمد:طيب و حلا؟!
ملاك:هاجي قريب يا جدو..خلي بس خالد يخلي باله من الحملة..و حلا خلي شروق تخلي بالها منها و ابعتولي شنطة هدومي..
محمد:طيب يا حبيبتي..اهم حاجة خليكي دايما صح يا ملاك..
ملاك:حاضر باي..
شروق:ها يا جدو ايه الاخبار؟!
محمد:و الله يا بنتي مش عارف..المهم ان ملاك دلوقتي في قصر سيف..
شروق:يعني اتصالحوا؟!
محمد:لا..
خالد:ازاي بس؟!
محمد:و حياتك يا ابني ما اعرف...
خالد:طيب..
محمد:طيب و انا خدت قرار مهم..
شروق و خالد:ايه؟!
محمد:قررت اعمل عملية رجلي..
شروق:ملاك هتفرح اوي..
محمد:عايز اقف علي رجلي في فرحك يا خالد..
خالد:اكيد يا حبيبي هيحصل اكيد..
شروق:هتبدأ امتي يا جدو؟!
محمد:النهاردة هتحجز...بس يا زفت انت لو حاولت تعمل حاجة كدة و لا كدة ل شروق هقتلك..
خالد:انا اقدر برضو..
شروق:يا كداب..
خالد:اخرسي يا بت..
محمد:خالد توعدني..
خالد:اكيد يا حبيبي..
محمد:و انا واثق فيك..
شروق:هنيجي معاك يا جدو..
محمد:طيب يا حبايبي...خلي بالك من الشركة يا خالد و انتي يا شروق اعتبري حلا بنتك..
شروق:حاضر يا جدو متشلش هم و الله..
محمد:انا واثق فيكوا..
بدأوا يجهزوا شنطة هدوم ملاك و بعتوها للقصر..
_بليل..
خالد:جاهز يا كبير؟!
محمد:اه يا ابني..
خالد:يلا يا جدو..
خدوا محمد ركبوه العربية و راحوا للمستشفي..
خالد بدأ يخلص كل الاوراق المطلوبة و حجزوا محمد..
شروق:انا واثقة هتخرج مية مية...و هتفرحنا و هتفرح ملاك..
محمد:ان شاء الله يا حبيبتي..و الخير مكتوب اكيد..
حلا:جدو انت هتبقي كويس..
محمد:علشان خاطرك اه يا حبيبتي و هلعب معاكي...
حلا:بحبك يا جدو..
الدكتور:يااااه اخيرا يا راجل وافقت..
محمد:شوفت يا معتصم..
معتصم:متقلقش ان شاء الله خير و العملية سهلة..
شروق:يعني مفيش خطورة عليه..
معصتم:ان شاء الله لا..
خالد:تمام كدة خلصت كل الاوراق..
معتصم:اهلا انت خالد؟!
خالد:حضرتك تعرفني؟!
معصتم:محمد دايما بيتكلم عنك و عن شهامتك و انك اللي شايل الشركة عنه..
خالد:شرف ليا اني اكون موضوع تتكلموا فيه..
معتصم:لا و متربي...
شروق(بهمس):ظاهريًا بس..
خالد(بهمس):اتلمي و خلي اليوم يعدي علشان منفخكيش..
شروق:انا اتكلمت؟!
محمد:في ايه يا ولاد؟!
خالد:مفيش..
معتصم:تقدروا تمشوا هو صاحبي و انا قاعد معاه..
خالد:تمام شكرا..
شروق و خالد و حلا سلموا علي محمد و مشيوا..
معتصم:متقلقش..
محمد:مش قلقان..
خالد:تحبوا تخرجوا؟!
شروق و حلا(بفرحة):اه..
خالد:معايا طفلتين انا..
شروق:كل واحدة فينا جواها طفلة اتعامل معاها بحب..
خالد:هو انا ورايا غير الحب قدامي يا ستي..
شروق:بحبك..
خالد:بعشقك..
حلا:احم احم..
خالد:يلا يا لمضة..
حلا:هشوف عمو سيف امتي؟!
خالد:قريب متخافيش...
حلا:صابرة..
خالد:يا لمضة..لمضة هانم..
شروق:و انا ايه؟!
خالد:انتي قلبي انتي..
شروق(بخجل):بس بقي بتكسف..
خالد(بغمزة):طب يلا يا قمر..
***********************************
-في مكان تاني...
_عند عدي..
عدي(بغضب):افتحي الباب يا جود...
عدي(بصوت عالي):لو مفتحتيش الباب دلوقتي و ربي لاكسره..
عدي(بغضب):افتحي بقالك يومين مش بتروحي الشغل و قاعدة في البيت و اجي الاقي واحد بيتحرش بيكي في الشارع افتحي الزفت ده..
جود(بعياط):امشي بقي ابوس ايدك فضحتني..
جود كانت قاعدة ورا باب البيت و عدي بيخبط علي الباب..
عدي(بغضب و صوت عالي):الكل يسمعني..
"الجيران كانت كلها متجمعة و شافوا عدي و هو بيضرب الشخص اللي حاول يعتدي علي جود"...
عدي(بصوت عالي):جود تبقي خطيبتي و قريب اوي هتبقي مراتي و اي كلب هيفكر بس مجرد تفكير انه يقرب منها يبقي حفر قبره بايده..
عدي(بغضب):فاهمين؟!
عدي(بصوت عالي):افتحي الباب ده يا جود و الا و ربي اكسره حالا و مش هيهمني حاجة..
عدي:انتي اللي اختارتي..
عدي قعد يضرب الباب برجله جود قامت بسرعة من ورا الباب..الباب اتكسر..
عدي دخل لقي جود محاوطة نفسها جامد و بتعيط و خايفة..
عدي قرب من جود و خدها في حضنه..
جود(بعياط):ه و هو وو(هو هو)..
عدي:اهدي خلاص اهدي مفيش حاجة اهدي..
عدي قلع جاكت بدلته و لبسه ل جود و وطي شالها بين ايديه..
عدي خرج و حراسهُ بعدت الناس عن طريق العربية و فتحوا الباب ل عدي..
عدي ركب جود العربية و لف ركب جمبها..
عدي:اطلع علي البيت..
السواق:حاضر يا بيه..
عدي:جود خلاص خد درس محترم مش هيقدر يقرب منك تاني..
جود(بعياط):لو انت مكنتش جيت مكنش في حد هيقدر  يوقفه عند حده و ينقذني منه..
عدي:متخافيش متخافيش طول ما انا موجود في حياتك...تقدري تخافي بس لما اموت و انا هكمل حياتي معاكي معاكي انتي و بس لان قلبي اختارك انتي و بس..
جود رغم خوفها و حزنها فرحت من جواها و اتصدمت..
بعد فترة وصلوا ل بيت عدي و نزلوا..
عدي:دادة يا دادة..
الدادة:نعم يا حبيبي..
عدي:خدي جود جيبي ليها هدوم و خليها ترتاح في احسن اوضة تناسبها..
الدادة:حاضر يا حبيبي..
الدادة:اتفضلي معايا يا جود هانم..
عدي:روحي معاها و ارتاحي بكرة نتكلم...
جود(بدموع):حاضر..
**********************************
-في مكان تاني..
_عند جاسر و تاج..
جاسر:مالك يا بنتي من ساعة ما جيتي النهاردة و انتي متعصبة اوي..
تاج:مفيش مفيش...
جاسر:واضح انه مفيش واضح..
تاج:سيف جايبلي عريس...
جاسر:افندم!!!و مين عريس الغفلة ده؟!
تاج:معرفش لسة هيجي الاسبوع الجاي..
جاسر:متعرفيش اي معلومة عنه اسمه اي حاجة؟!
تاج:لا...
جاسر:و انتي رفضاه علشاني؟!
تاج:لا طبعا انا مش بفكر في الارتباط دلوقتي..
جاسر:لا طبعا اه...طيب يا اختي كتب كتابي قرب اوي اوي يا تاج اصبري عليا اطرد عريس الغفلة اللي جاي ليكي ده...
جاسر:امه داعية عليه..
تاج:بس ممكن لما اقعد معاه اقتنع ممكن اوافق اننا نتجوز..
جاسر(بغضب):نعم يا اختي؟!!! هو انتي ممكن تتجوزي غيري ده انا اقتلك و اشرب دمك..
تاج:ظريف..يلا مش هتوصلني؟!
جاسر:اتحايلي عليا شوية..
تاج:ريتاج و عامر جمبنا ب 3 ترابيزات ممكن اروح معاهم..
جاسر:و نبقي تقيلين ليه عليهم يلا يا بنتي..
جاسر و تاج سلموا علي ريتاج و عامر و مشيوا..
جاسر:شوفتي بيحبوا بعض ازاي قمرات يا ناس..
تاج:احترم نفسك..
جاسر:انا عملت حاجة الله؟!
تاج:رزل..
جاسر و تاج ركبوا عربية جاسر و راحوا للقصر..
***********************************
-في مكان تاني..
_في القصر..
ملاك:لا يا جودي مش هتبقي رقم b ركزي شوية..
ملاك:وريني يا مالك..
مالك:حليتها كدة و ده اخر حل مليش فيه..
ملاك:وريني يا اخرة صبري..
ملاك:امممم بص هي صح...بس رقم 3 مش صح راجعها تاني..
سارة:اللبن يا هانم...حاجة تاني؟!
ملاك:اه لا...اقصد سيف بيه رجع؟!
سارة:لا يا هانم..
ملاك:تمام شكرا..تقدري تروحي..
مالك:طب ما تكلميه و الحقي الموقف..
ملاك:بعتله ماسدجات مشفهاش..
مالك:بتقولي فيها ايه؟!.
ملاك:يرجع علشان عايزة البرفيوم اللي وقع مني في عربيته..
مالك(بصدمة):افندم!!!!!
مالك:و عايزاه يرد ليه يعني؟!
ملاك:اومال اقوله ايه؟!.
مالك:انتي عايزاه ليه؟!
ملاك(بلا وعي):لاني قلقانة عليه..
مالك:اشطا اتصلي بيه و قوليله كدة..
ملاك:ها لا لا لا ابدا..
جودي:هتكابري و لا ايه؟!
ملاك:متركزوش معايا و ركزوا في الواجب يلا..
ملاك:هروح اعمل حاجة و جاية..
ملاك خرجت من اوضة المذاكرة و راحت لاوضتها تغير هدومها..
"ملاك لبست جيبة نبيتي قصيرة قبل الركبة و فوقها قميص شفاف ب ¾ كم باللون الابيض و لبست صندل بكعب اسود و حطت روچ احمر نبيتي غامق و كحل حدد عينيها و سابت شعرها علي ضهرها"..
ملاك نزلت ل تحت..
نور:ايه يا حبيبتي؟!.
ملاك:هخرج اتمشي شوية..
سهي:هو في حاجة بينك و بين سيف يا ملاك؟!
ملاك:اه لا اقصد يعني لما يجي اسألوه..
مني و سهي و نور:ملاك..
ملاك:ابدا هو لما يجي يبقي يتكلم لو هو عايز..
ملاك هربت بسرعة منهم و خرجت للجنينة تتمشي..
ملاك مسكت تليفونها و اتصلت بسيف..
ملاك(بقلق):رد بقي رد..
ملاك:اعمل اي حاجة بس طمني عليك...
ملاك اتصلت ب سيف فوق ال 50 مرة و قلقت عليه..
معتز:مش بيرد..
ملاك(بخضة):انت بتعمل ايه هنا؟؟
معتز:و لا اي حاجة...بس من رأيي متتصليش بيه اتقلي يا ملاك..
ملاك(بغضب):ملكش دعوة باللي بيني و بين جوزي..
معتز قرب اوي من ملاك و مسك ايديها..
معتز:طب و انا؟!
ملاك(بغضب):انت مريض مريض..حتي لو انت اتعالجت ف مازلت مريض..
ملاك(بغضب):لو فاكر انك تقدر تبعدني عن جوزي تبقي غبي..و وسع ايدك بعيد عني..
معتز:فستانك حلو تعرفي كدة..
ملاك(بغضب):مش قولتلك مريض...و قمسا بربي لو عرفت ان سيف حصله حاجة و ربي ما هيكفيني موتك فيها..
ملاك(بغضب):هقتلك بدم بارد فاهم..
معتز:باي يا ملاك..
معتز مشي و ملاك قعدت تبعت رسايل ل سيف..
ملاك:موافقة ابدا معاك صفحة جديدة بس ارجوك اظهر بقي قلقتني عليك...
ملاك:و الله هقولك كل اللي انت عايز تسمعه بس متقلقنيش عليك..
ملاك قعدت تتصل ب سيف كتير بس مردش..
ملاك(بخوف):سيف..
ملاك بدأت تحس بانقباض في قلبها حطت ايديها علي قلبها..
ملاك:لا سيف كويس..
-ملاك غصب عنها قوتها انهارت و بدأت تستسلم للظلام و وقعت في الارض مغمي عليها...

_السؤال:يا تري حصل ايه؟!خمنوا🌚💜..
********************************
يتبع::::💜..
بحبكوا💜..
يا رب الرواية تنال اعجابكم💜..
رأيكوا يهمني💜..