الملاك المتمرد «قيد التعديل»

الفصل التاسع و العشرون..

نكمل روايتنا(الملاك المتمرد)بقلم سلسبيل كوبك...
الفصل ال29..
اخر حاجة وقفنا عندها في الفصل ال28..
-ملاك راحت جابت الشنطة بس لقت في رسالة جت ل موبايلها فتحتها و بصت ل سيف..
سيف:حاجة مهمة؟!
ملاك:لا يلا بينا..
سيف:طيب يلا...
سيف و ملاك نزلوا ل تحت سلموا عليهم و خرجوا..
ملاك:هنروح فين؟!.
سيف:مكان ما..
ملاك:بتقلدني؟!
سيف:لا و الله!
ملاك:رزل هنروح فين بقي؟!مول و لا مطعم و لا ملاهي و لا ايه؟!
سيف:مكان احلي..
ملاك:في احلي من الملاهي؟!
سيف:اصبري و هتعرفي..
بعد فترة ملاك لقت سيف وقف قدام عمارة شيك في مكان نضيف..
ملاك:جبتنا هنا ليه؟!.
سيف:هغتصبك..انزلي يا بنتي هتجننيني..
ملاك:سافل و حيوان هه..
ملاك نزلت هي و سيف و دخلوا العمارة..
سيف:ازيك يا عم يونس..
يونس(البواب):نحمد ربنا يا باشا...اتفضل..
سيف:تمام..
سيف:تعالي تعالي..
سيف مسك ايد ملاك و دخلوا الاسانسير..
ملاك:مختار الدور ال15 ليه؟؟
سيف:المنظر من فوق حلو هيعجبك..
وصلوا للدور ال 15 و سيف حاوط خصر ملاك و قربها منه و وصلوا للشقة..
ملاك(بشهقة):بتعمل ايه؟!
سيف فتح الباب و وطي شال ملاك بين ايديه و دخل الشقة و قفل الباب برجله..
ملاك بصت حواليها بحب و ابتسامة بس عينيها وقعت علي حاجة خلت ابتسامتها تختفي...سيف غصب عنه نزل ملاك علي الارض...
سيف(بصدمة):جودي!!!!!
ملاك:علي ما اعتقد دي دكتورة..
ملاك:ايه اللي جابها هنا؟!.
جودي قربت من سيف و مسكت في دراعه..
جودي:احب اعرفك انا حبيبة سيف..
سيف شد ايده من جودي بعنف و قرب من ملاك..
سيف:سابقا من 11 سنة..
جودي:ما تصدقهوش هو لسة بيحبني و الا مكنش البواب هيطلعني..و لا كان هيبقي معايا مفتاح الشقة..
جودي:و بالمناسبة دي الشقة اللي كنا هنتجوز فيها..
جودي:انا زينتها و حطيت بلالين بيضاء و حمراء زي ما سيف حبيبي بيحب...و حطت صورتنا مع بعض يا حبيبي صورتك المفضلة..
جودي:و عملت كل الاكل اللي انت بتحبه..
جودي:مش هتقولي تسلم ايدك..
سيف قرب من جودي بغضب و مسك دراعها بقوة..
سيف:انسي اللي انتي عايزاه يحصل..و لو كان بينا حاجة فانتهت من 11 سنة مترجعيش دلوقتي تعملي فيها الضحية..
سيف(بغضب):بره فورا..و هاتي مفاتيح الشقة..
جودي:دي شقتي متنساش انك كنت هتكتبها باسمي...
جودي(بغيظ):و انتي ايه معندكيش كرامة واحد و حبيبته بيتكلموا بعض..
سيف(بغضب):اياكي تكلميها باسلوب ميعجبنيش لاني هنسي اني كنت اعرفك و اعرف عائلتك..
سيف(بغضب):اطلعي بره..
ملاك بصت ل جودي ببرود و سابتهم و راحت قعدت علي الكنبة و حطت رجل علي رجل..
سيف(بعصبية):يلا بره..
سيف(بعصبية):متخلنيش امد ايدي عليكي..
سيف مسك شنطة جودي و مسك جودي و خرجها بره الشقة..
سيف(بغضب):مش عايز اشوفك قريبة و لا مني و لا من مراتي..فاهمة؟!
سيف قفل الباب بغضب في وش جودي..
جودي(بغيظ):ماشي يا سيف هتندم انت و هي..
جودي مشيت...سيف لف و لقي ملاك بتبص ناحية حاجة معينة لقاها بتبص علي صورته هو و جودي..
سيف:ملاك..
سيف فتح عينيه بصدمة لما لقي ملاك قامت و كسرت البرواز الكبير اللي كان فيه صورة سيف و جودي...و بدأت تقطع البلالين و تفرقعهم..
سيف قرب منه و حضنها من ضهرها و ملاك كانت بتزقه بايديها..
سيف:اهدي اهدي خلاص اهدي..
سيف وقع علي الكنبة و في حضنه ملاك خبت وشها في رقبته..
سيف:اهدي خلاص..كان ماضي..
ملاك:محكتليش ليه؟!
سيف(بخبث):مش لما اتأكد انك بتحبيني..
سيف قرب من ملاك و باس رقبتها و عينيها..
ملاك:عايزة امشي من هنا...
ملاك(بحدة):و من هنا و رايح مش هتحب البلالين البيضاء و لا الحمراء فاهم..
سيف(بضحك):امرك مولاتي..
ملاك(بغيظ):متضحكش عيل رزل..
سيف(بضحك):بتغيري يا بيضة؟!
ملاك:هتعمل ايه مع رزق و معتز؟!
-سيف وشه اتحول 180° و كان هيقوم بس ملاك مسكت فيه..
ملاك:خلاص يا عم ما بتصدق..
سيف:امممممم يعني انا راجل قفوش؟!
ملاك:ايوه..
سيف:بجد؟!
ملاك:ايه يا ابني هتعيط و لا ايه؟!
سيف(بغيظ):ملاك..
ملاك(بضحك):عايز ايه؟!
سيف:"يا حبيبتي و سلطانتي,انتِ حياتي..كل العالم يتحدث عن جمال وجهك و جمال عيونك و السحر الذي يوجد بداخلهما...طول العمر سنبقي سويا هذا وعد مني"
ملاك حضنت سيف و خبت وشها فيه و كانت مكسوفة..
-سيف قعد يملس علي شعرها كتير و باس رأسها و رجع بجسمه ل ورا و ملاك في حضنه سيف مسك ايد ملاك و هي علي قلبه و باس باطن ايديها..
سيف:مكنتش اتوقع اني اقع في حبك بسرعة كدة..
ملاك:يا ابني انا اساسا موقعة كل شباب العالم في حبي..
سيف:يا واثق انت..
ملاك:طبعا يا ابني انت فاكر ايه..
سيف:زعلانة؟!
ملاك:امممممم ليه بتسأل؟!
سيف:ايه امممم دي بقي؟!
ملاك:الله انت واقفلي علي الواحدة..
سيف:بحبك..
ملاك:علفكرة بضعف خليك عارف..
سيف:انا بحبك و بموت فيكي..
تليفون سيف رن..
ملاك:ما ترد يا ابني..
سيف:لا مش وقته خالص..
ملاك:ممكن تكون حصلت حاجة..
سيف:تولع الدنيا كلها المهم انتي معاايا في حضني..
ملاك رفعت رأسها ل سيف و حطت ايديها علي خده..
ملاك:انا بحب لون عيونك اوي..
سيف:يا بختها؟!
ملاك(برفعة حاجب):هي مين؟!
سيف:عيوني اتقالها بحبك و انا لسة..
ملاك:و بحب غمازاتك..
سيف:لا ده انا علطول اضحك بقي علشان خاطر جمالك..
ملاك بصت في عيون سيف و قربت منه و هو حاوط خصرها بايده و (لخيالكوا)..
ملاك:تليفونك..
سيف:اكسره يعني و لا اعمل ايه؟!
ملاك(برفعة حاجب):متعصب عليا ليه الله؟!
سيف طلع تليفونه لقي خالد بيتصل..
سيف:مهدم اللذات اهو..
ملاك:عمر!!
سيف:لا اخوكي خالد..
سيف:سؤال خالد اخوكي و لا قريبك بس؟!
ملاك:في مكانة اخويا لكنه ابن خالتو..
سيف:نعم يا اختي!!!!
ملاك:في ايه؟!
سيف:يعني انتي بقالك 24 سنة عايشة معاه في نفس البيت و بتقعدي قدامه بهدوم البيت..
ملاك:انت اوڤر بقالي 5 سنين و كمان خالد ليه بيت خاص بس بعد ما انا ما اتجوزتك هو جه يعيش مع جدو علشان ميسبهوش لوحده..
ملاك:رد بقي..
سيف(بغيظ):طيب..
سيف اتصل ب خالد...الخط اتفتح..
خالد:ايه يا ابني قلقتني علي ملاك..
سيف:افندم جنابك خايف علي ملاك و هي معايا؟!
خالد:عموما انجزوا فاضل ساعة علي الاجتماع..هبعت ليكوا الموقع انجزوا..
ملاك:ايه؟!
سيف:مفيش الاجتماع..
ملاك(بخضة):اه صح افتكرتك..
ملاك قامت بسرعة من جمب سيف و بدأت تظبط هدومها و شعرها..
ملاك:قوم يلا بسرعة..
سيف:استني..
سيف لف ملاك ناحيته و باس رأسها و طلع من جاكت البدلة علبة شيك فتحها..
ملاك:يعني؟!
سيف:حاجة تثبت انك متجوزة..
سيف طلع الدبلة الدهبي و لبسها في ايد ملاك و مسك ايد ملاك و باسها و ملاك كانت عيونها مدمعة..
سيف:مش عايز اشوف دموعك..
سيف(بغمزة):دورك..
ملاك مسكت الدبلة الفضة و لبستها ل سيف و حضنته من خصره..
سيف:بحبك..
ملاك:هنتأخر يا سيف يلا..
سيف:هاتي ايدك..
ملاك مسكت في ايد سيف و نزلوا ل تحت..
سيف:اسبقيني علي العربية يا ملاك..
ملاك:طيب..
سيف:احكيلي حصل ايه يا عم يونس!!جودي ايه الي جابها هنا؟!
يونس:هي جت تسألني اخر مرة حضرتك جيت هنا امتي..قولت ليها بقاله كتير..
يونس:قالتلي طب هو مش هيجي قريب..
يونس:وقعت بلساني و قولت ليها جاي النهاردة و هي اصرت كتير تطلع و قالت انه عمل خير..
سيف:عمل خير!!بجد!! مجنونة..
سيف:من هنا و رايح مش هتسمح لاي حد انه يدخل الشقة دي غيري انا و عمر و البنت دي..
يونس:حاضر يا بيه..
سيف:يلا شوف شغلك..
سيف راح للعربية و فتح الباب ل ملاك..
سيف:اسف..
ملاك:لا عادي..
ملاك و سيف ركبوا العربية و سيف راح للمكان اللي خالد قال عليه..
ملاك:باي هنزل انا..
سيف:لا خليكي هنزل معاكي..
ملاك:سيف انا في شغل بقي سيبني..
سيف:طيب..
ملاك باست خد سيف و سيف باس رأسها و ملاك نزلت بصت علي الخاتم اللي في ايديها و ابتسمت..
ملاك دخلت الشركة و سألت علي اوضة الاجتماعات...
ملاك:شكرا..
..:حضرتك ملاك هانم؟!.
ملاك:ايوه و انتي؟!
..:جود انا جود انا سكرتيرة المدير..
ملاك:اسمك جميل..
جود:مش بجمال اسمك..
ملاك:انتي جميلة اوي..
جود:بس برضو مش بجمالك و علفكرة مش بعرف اجامل..
ملاك:عسولة خالص..
جود:اتفضلي..
ملاك دخلت اوضة الاجتماعات مع جود و دخلوا..
ملاك:عدي؟!
عدي:مدام ملاك اهلا..
عدي:تشرفت بحضرتك..
خالد:تعرفوا بعض؟!
عدي:اكيد مين ميعرفش ملاك هانم..
ملاك:يبقي صاحب سيف..
خالد(بصوت واطي):يادي سيف اللي طالع في البخت..
خالد:طب نتكلم في الشغل...
عدي:اكيد..
قعدوا يتكلموا كتير في الشغل و بعد فترة كبيرة خلصوا..
عدي:تشرفت بالشغل معاكوا..
ملاك:احنا اكتر..
خالد:ان شاء الله يبقي في شغل كتير بينا..
عدي:جود كل العقود تبقي جاهزة بكرة الصبح..
جود:تمام يا فندم..
الاربعة خرجوا بره اوضة الاجتماعات و هما بيتكلموا..ملاك لقت اللي محاوط خصرها و باس خدها..
ملاك(بدهشة):سيف!!
سيف:مساء الخير..
عدي:مساء النور..عامل ايه؟!
سيف:كويس..
سيف:ايه اخبار الاجتماع؟!
عدي:كويس سعيد باتفقنا..
سيف:طيب..نمشي احنا بقي..
خالد:مستعجل اوي..
ملاك:يا رزل..
سيف:معزوم انا و مراتي عند عمر يلا باي..
سيف خد ملاك و ركبوا الاسانسير..
ملاك:علفكرة بقي انت رزل و مكنش ينفع اللي عملته ده...
سيف:و الله؟!
ملاك:ايوه لازم تتقبل كره خالد ليك..
سيف(برفعة حاجب):افندم!!!
ملاك:احم يعني انت عارف ان خالد مش طايقك..
سيف:هو انا هتحمل قرف خالد كمان..
ملاك:سيف..
سيف:عايزة ايه؟!
ملاك:مش عايزة..رزل اوي,ماله خالد؟!
سيف:لا مفيش ده سكر و عسل..
ملاك:كويس انك عارف..
سيف:عايزة تقولي ايه؟!
ملاك:هو..
الاسانسير اتفتح و دخل كذا حد..
ملاك:خلاص بقي وصلنا..
سيف:طب قدامي يا اخرة صبري..
سيف و ملاك خرجوا من الاسانسير و ركبوا العربية و راحوا ل عمر و مريم..
***********************************
-في مكان تاني..
_عند تاج..
جاسر:ممكن اقعد؟!
تاج:لا..
جاسر:ممكن؟!
تاج(بعصبية):ما قولنا لا الله...روح لخطيبتك..
جاسر:اسميه ايه؟!
تاج:ايه هو؟!
جاسر:اللي بيحصل..
تاج:هو ايه اللي بيحصل؟!
جاسر:حبك لبا..
تاج:نعم نعم نعم حب مين يا ابو حب انت..
جاسر(ببرود):ده اللي انا شايفه ..
جاسر(ببرود):عموما يلا باي..
جاسر مشي و تاج مسكت العصير اللي قدامها و رمته بغضب..
تاج(بغضب):الحيوان..
ريتاج:مالك يا بنتي متعصبة ليه؟!
تاج(بعصبية):مفيش انا غايرة في داهية..
تاج مشيت بغضب و خرجت بره الجامعة..
شاب:انسة تاج..
تاج:افندم!!
شاب:حضرتك تعرفي الدكتور جاسر؟!
تاج:ايوه..
شاب:هو مرمي علي الارض و بينزل دم ممكن تيجي تشوفيه بسرعة..
تاج(بخضة):جاسر..
تاج جريت مع الشاب ده بس ملقتش حاجة..
تاج:هو فين؟!
تاج لقت اللي بيضربها علي رأسها بعصاية..تاج وقعت علي الارض و اغمي عليها..
شاب2:شيلوها بسرعة..
مجموعة شباب شالوا تاج و ركبوها عربية و مشيوا...
***********************************
-في مكان تاني...
_في القصر..
مني:هما اتأخروا ليه؟!
سهي:قصدك مين؟!
مني:جودي و مالك..
سهي:اه سيف اتصل و قال انهم هيتأخروا..
مني:اوف البيت اتغير اوي كان زمان في نظام و حب...دلوقتي كل حاجة اتغيرت..
سهي:معلش معلش..
سهي:بس ملاك و سيدرا و سيف ايه نهاية الموضوع..
مني:هحكيلك بس اياك تقولي انا عارفاكي..
سهي:عيب عليكي يا مني..
مني:سيف ابنك قال انه بيحب ملاك..
سهي:و بالنسبة ل سيدرا؟!و قال امتي اساسا؟!
مني:فاكرة لما قولنا ان ملاك مسافرة..
سهي:اه..
مني:كانت ملاك مخطوفة و سيف خايف عليها..
سهي: يعني البنت كانت مخطوفة و احنا مخدناش بالنا؟!
مني:بالظبط كدة..
سهي:الصراحة الصراحة ملاك احسن من سيدرا بكتير..
مني:بس متنسيش ان سيدرا من العائلة و كمان مخلفة من سيف..
مني:و كمان بقي انها عشرة سنين بقالهم 9 سنين متجوزين..
سهي:اوف كان لازم رضوان يجوز سيف ل سيدرا..
مني:يا حيوانة رضوان حاف كدة..
سهي:اسفة اسفة اقصد يعني لو مكنش سيف اتجوز سيدرا بس..
مني:مكنش اتجوز ملاك..
سهي:يعني؟!
مني:يعني ان لولا سيدرا متجوزة سيف و عارفة ملاك مكنتش خلت سيف يتجوز ملاك و يحبها...فهمتي؟!
سهي:اه..
رزق:مساء الخير..
مني و سهي:مساء النور..
رزق:اومال فين الباقي؟!
مني:كلهم وراهم اشغال..
رزق:عندك حق..
نور(بفرحة):باركولي باركولي..
سهي:في ايه يا نور؟!
نور(بفرحة):انا حامل..
مني(بصدمة):بجد!!!!!!!!
سهي:اه هو الف مبروك يا نور الف مبروك..
رزق:الف مبروك يا حياتي..
رزق حضن نور و باس رأسها..
رزق:مش عايزك تتحركي كتير و تخلي بالك من نفسك..
مني:اه يا نور اسمعي الكلام..
نور(بفرحة):انا مش مصدقة نفسي..
رزق:و لا انا يا حياتي اخيرا...هيبقي عندي طفل منك..
نور(بفرحة):اه يا حبيبي..
مني:لازم ترتاحي يلا خدها يا رزق و خليها ترتاح..
مني:و ابقوا روحوا للدكتورة اتأكدوا برضو..
رزق:ماشي يا امي..
سهي:هو انتي سمعتي اللي انا سمعته؟!!!
مني:ايوه ربنا يتمم الحمل علي خير...
سهي:انا بس مش مصدقة هي كبيرة مش صغيرة..
مني:قدرة ربنا يا سهي..
سهي:فعلا..ربنا يتمم علي خير..
مني:يا رب..
***********************************
-في مكان تاني..
_عند عمر..
مريم:هما اتأخروا و لا ايه؟!
عمر:معرفش...بس بقولك ايه..
مريم:ايه؟!
عمر:قربي اقولك حاجة..
مريم:الباب بيخبط يا عمر..
عمر:حاجة بسيطة كدة..
مريم(بنفاذ صبر):انا هقوم افتح الباب انا..
عمر:لا خليكي يا اختي ست نكدية..
مريم:متشكرة..
عمر راح فتح الباب لقي ملاك و سيف...سيف محاوط كتف ملاك بدراعه..
عمر:اخيرا شوفتكوا كويسين قبل ما اموت..
سيف:شكلنا هنتخانق..
عمر:لا يا عم علي ايه ادخلوا..
سيف و ملاك دخلوا و سلموا علي عمر...مريم جريت حضنت ملاك جامد..
مريم:عاملة ايه وحشاني اوي اوي..
ملاك:و انتي يا روحي..
مريم:واو الدبلة حلوة اوي..
ملاك:تسلمي يا روحي..
مريم:انتي تستاهلي الف خير..
ملاك:بحبك..
سيف:ما احنا بنعرف نقول بحبك اهو..
ملاك(برفعة حاجب):انت عايز ايه؟!
عمر:شايف ان في خناقة قايمة خشوا يلا..
ملاك:الحمام فين اغسل ايدي؟!
مريم:تعالي يا روحي..
ملاك:تعالي انت كمان اغسل ايدك..
سيف:انا!!
ملاك:لا عم محمد يلا..
ملاك و سيف غسلوا ايديهم و خرجوا لقوا السفرة مليانة اكل..
سيف:قسما بربي انت متجوز ست جدعة..
ملاك:واو تسلم ايدك يا مريم..
مريم:بالهناء و الشفاء..
عمر:كلي كلي متتكسفيش مننا..
سيف:ما تسكت ياض و سيبها تأكل من ايدي بقي...
ملاك(باحراج):اوف عليكوا..
ملاك كلت اللي في ايد سيف و سيف ابتسم ليها بحب..
ملاك:خلاص بقي انا مش طفلة..
مريم:انه عشق لا يفهمه كثيرون من الرجال..
عمر:عيدي كدة تاني كلامك...
مريم:عامل ايه؟!
عمر:لا و النبي..
سيف:خلاص يا ابني بقي...
سيف:و كمان مش كفاية الشغل بيقع..
عمر:بيقع ايه يا عم ده لسة مكتبنا واخد فوق ال30 قضية في اليومين اللي فاتوا..
سيف:طيب من بكرة يبقي في انتظام..و مفيش في الشغل مراتي و مش مراتي..
عمر:طبعا طبعا..
سيف:مش بهزر..
عمر:ماشي يا عم قولنا ماشي...
ملاك:براحة عليه يا سيف..
سيف لا رد..
عمر:باشا باشا باشا باشا..
سيف:ما تبطل رخامة يا عم سيبنا نأكل..
مريم:اوڤر يا عمر..
ملاك:كل الرجالة اوڤر يا روحي..
سيف بص ل ملاك بحدة..
ملاك:ما عدا طبعا سيف حبيب...
ملاك:احم اقصد ما عدا سيف..
عمر:حبيبي...
ملاك:اتلغبطت الله..
سيف:عقبال بحبك يا رب..
ملاك:انت رزل اوي..
-بعد فترة خلصوا الاكل و قاموا غسلوا ايديهم و خرجوا كل واحد مراته جمبه في حضنه و بيتكلموا..
تليفون ملاك رن...
ملاك:عن اذنكوا لحظة..
الخط اتفتح..
ملاك:الو..
...(بدموع):ا ل حق وو ني(الحقوني)...

_السؤال:هيحصل ايه؟!خمنوا🌚💜..
************************************
يتبع::::💜..
بحبكوا💜..
يا رب الرواية تنال إعجابكم💜..
رأيكوا يهمني💜..