الملاك المتمرد «قيد التعديل»

الفصل الثامن..

نكمل روايتنا(الملاك المتمرد)بقلم سلسبيل كوبك..
الفصل الثامن..
اخر حاجة وقفنا عندها في الفصل السابع..
ملاك زقت سيف بعيد عنها بغضب و ضربته قلم علي وشه..
ملاك(بغضب):اياك ثم اياك تفكر بس تقرب عليا انا مش زي غيري..
فجأة حصل ضرب نار في القصر كله...
ملاك(بخضة):ايه ده؟!
لقوا باب اوضتهم حد بيفتحه برجله سيف خبي ملاك ورا ضهره و ملاك مسكت فيه اوي..
ملاك(بخوف):ايه اللي جاب الشرطة هنا؟!
سيف(بحدة):انتوا ازاي تدخلوا بيتي كدة انتوا اتجننتوا..
ظابط:معانا امر بالتفتيش يا سيادة المحامي..
الظابط مد ايده بورقة ل سيف و سيف مسكها و قرأها..
سيف:اعتقد كان في طريقة احسن من دي..
الظابط:حراسك رفضوا و هجموا علينا..اضطرينا نستخدم القوة..
سيف:طيب البيت قدامكوا بس راعوا ان في ستات و اطفال في البيت..
سيف(بصوت عالي):عفاف عفاف..
عفاف(بخوف و توتر):نعم يا بيه..
سيف:طلعي جودي و مالك من اوضتهم و خلي كل اللي في البيت ينزل تحت في القصر..
عفاف:كله تحت الا مالك و جودي..حاضر..
ملاك سابتهم و راحت بسرعة لاوضة جودي و مالك..
جودي(بعياط):طنط ملاك..
ملاك:خلاص متعيطيش يا روحي..تعالي نروح نجيب مالك..
ملاك مسكت ايد جودي و راحت لاوضة مالك..
ملاك:مالك..
مالك جري عليها حضنها..ملاك نزلت لمستواه و باست رأسه..
ملاك:اهدي مفيش حاجة..تعالوا..
ملاك حضنت جودي و مالك و قعدوا في اوضة مالك,هي اساسا كانت خايفة بس بتحاول تقوي نفسها...
و بعدها باب الاوضة اتفتح بالقوة..
ملاك(بحدة):انتوا مجانين؟!!في اطفال هنا عايزين تسببوا لهم مشاكل نفسية..
ظابط:خلاص حصل خير..اتفضلوا اطلعوا بره..
-سيف بص ل ملاك بمعني انها تطلع بره الاوضة..ملاك مسكت جودي و مالك و مشيت بسرعة نزلت للكل تحت و البيت كان مليان ظباط و بيفتشوا البيت..
سهي:هو بيحصل ايه؟!
رزق:في ايه حصل ايه ل ده كله؟!و ليه الظباط ماليين البيت كدة؟!
تاج(بدموع):بابا..
تاج جريت علي رزق حضنته و كانت خايفة..
ملاك:حضرتك كويسة يا مدام مني؟!
مني:اه الحمد لله..
سيف:اعتقد زي ما انتوا شوفتوا مفيش مخدرات او اي حاجة من اللي حضرتك جاي علشانها..و البلاغ اللي جه ضد عائلة رضوان كاذب..
ظابط:بنعتذر جدا ل حضرتك و بنعتذر للكل..بس ده شغلنا و اكيد حضرتك تعرفه..
سيف:اكيد و بعتذر علي اللي حراسي عملوه..
ظابط:تمام عن اذنكوا..
ملاك:طنط عفاف معلش ساوي اوضة مالك و جودي علشان يكملوا نومهم..
عفاف:لحظة..
بعد فترة كانوا حاولوا علي قد ما يقدروا يروقوا اوض القصر..
عفاف:اوضة الاولاد جاهزة يا هانم..
ملاك:تعالي شيل جودي..
ملاك:ايوه انت..
سيف بصلها بحدة و راح شال جودي النايمة في حضن ملاك و طلع علي اوضتها..و ملاك شالت مالك...
ملاك:تصبحوا علي خير..
ملاك طلعت و حطت مالك علي سريره و بتلف لقت سيف في وشها..
ملاك(بحدة):هي ناقصة رعب مش كفاية اللي بيحصل اوف..
سيف شد ملاك بره اوضة مالك و قفل الباب...
سيف:مبدأيا محدش جبرك علي العيشة هنا..ثانيا مخدتش حقي..
سيف كان بيبص ل ملاك بغضب علي القلم اللي هي ضربته ليه..
ملاك:انا ضربتك لانك تستحق..
سيف:و انا مبسبش حقي..
ملاك بصت يمينها و شمالها لقت فازة مسكتها و كان هتضرب سيف بيها بس سيف مسك ايديها شد منها الفازة و كان لسة هيتكلم..
سهي:في مين هنا؟!
سيف شد ملاك معاه و خباها و شاور ليها بمعني متتكلمش..
سهي:شكل مفيش حد..
سهي مشيت و رجعت لاوضتها..
ملاك(بحدة):اوعي كدة..عيل رزل تستاهل الحرق..
سيف(بقرف):انتي بت عايزة رصاصة في رأسك و اخلص منك..
ملاك ضربت سيف بكوعها و جريت علي اوضتها و قفلت الباب..
سيف:لينا يوم يا زفتة..
سيف راح لاوضته ينام و عمال كل شوية يتقلب لغاية ما نام..
************************************
-في الصباح الباكر....
_في قصر سيف...
الخدامين رجعوا القصر زي ما كان و الكل بدأ يصحي و اولهم ملاك..
"ملاك لبست جيبة باللون الاسود قصير لغاية الركبة و قميص اسود ب ¾ كم..و لبست صندل بكعب باللون الاحمر..و عقد شيك باللون الدهبي...و سيبت شعرها علي ضهرها و كتفها..وحطت روچ باللون الاحمر الغامق"..
ملاك نزلت و راحت للمطبخ..
عفاف:عايزة حاجة يا هانم؟!.
ملاك:فنجان قهوة بس...خليكي انا هعمله..
عفاف:لا يا هانم خليكي انا هعمل ل حضرتك..
ملاك:لا انا بحب اعمل لنفسي..
ملاك بدأت تعمل ليها قهوة و خرجت من المطبخ قعدت في الجنينة و بدأت تشرب..
_عند سيف..
سيف قام من نومه و اتمطع و راح للبلكونة وقف شاف ملاك وقف شوية يبصلها و يبص ل تصرفاتها..
سيف دخل خد دوش و خرج غير هدومه..
"سيف لبس بدلة باللون الجملي وقميص كحلي و لبس جذمة كحلي شيك و سرح شعره و لبس ساعته و حط البرفيوم بتاعه"..
سيف نزل ل تحت و طلب قهوة من عفاف و خرج ل ملاك..
سيف:دايما الاطفال مبيحبوش يصحوا للمدرسة بدري بس اول مرة اشوف طفلة صاحية بدري..
ملاك:كانوا بيقولوا دايما ان الكلاب مش بتتكلم بس يا سبحان الله ما انت بتتكلم اهو..
سيف(بحدة):اتعدلي..
ملاك:انا كنت قاعدة في حالي ايه اللي خلاك تيجي تكلمني اوف..
عفاف(بتوتر):القهوة يا بيه..
سيف:حطيها و امشي..
سيف قعد جمب ملاك و بدأ يشرب القهوة...تليفون ملاك رن..
الخط اتفتح..
ملاك:ها يا خالد؟!
خالد:في حاجة اسمها صباح الخير..
ملاك:مش طايقاك يا خالد و لا طايقة نفسي و لا طايقة حد..
سيف ابتسم ابتسامة جانبية و كمل شرب قهوة..
خالد:يا ستي انا غلطان..في تصوير النهاردة الساعة 8..
ملاك:8 الصبح ليه يا ابني هنبيع لبن؟!!!
خالد:صابر باشا عايز كدة..عايز الجو يبقي فيه لدغة برودة..
ملاك:الصبر يا رب..طيب يا خالد..
ملاك:مع السلامة..
سيف كان هيقوم بس ملاك مسكت ايده بصلها برفعة حاجب..
ملاك:عايزة اتكلم معاك في حاجة..
سيف:خير؟!
ملاك:جودي..
سيف قعد تاني و بص ل ملاك بترقب و نوعا ما خوف..
سيف:مالها؟!
ملاك:مفيش كنت بفكر اوديها مدرسة تناسب سنها بدل ما هي كل دروسها هنا..
سيف:هي اسااسا كانت بتروح مدرسة بس اتخطفت قبل كدة و من ساعتها مودتهاش مدارس تاني..
ملاك:ضعيف..
سيف(بحدة):ده مش ضعف..و ثانيا انا ادري بمصلحة بنتي..
ملاك:طب ما تأخدش الموضوع عناد و فكر..
سيف:كدة كدة كلها سنة و هتخش المدرسة اللي مالك فيها..
ملاك:طب ليه نحرمها من حقها هي من حقها تدرس و تروح مدرسة من و هي في السن ده..
ملاك:علشان مصلحتها وافق..
سيف:طيب موافق..
سيف بص ل ملاك كتير و ملاك كانت متوترة..
سهي:انتوا صاحيين؟!
ملاك:لا نايمين فوق..
سهي:طيب يا ست ملاك...
سيف(بجدية):هو عمي رزق صحي؟!.
سهي:اه..هو اخبار سيدرا ايه؟!
سيف:خضعت للكيماوي امبارح..
ملاك:ربنا معاها و يقويها..
سيف و سهي:يا رب..
سيف:طيب عن اذنكوا..
سيف قام و دخل القصر و نادي علي عفاف..
سيف:عفاف قولي ل رزق بيه اني مستنيه في المكتب..
عفاف:حاضر يا بيه..
سيف دخل القصر و بعد فترة رزق دخل..
سيف:اهلا يا عمي اتفضل..
رزق:طلبتني ليه يا سيف؟!
سيف:هو مش حضرتك قولت ليا انك عايز تتجوز؟!
رزق:اه..
سيف:و قولت علي سنة الله و رسوله؟!
رزق:اه..
سيف فتح درج المكتب و طلع متها صور حطها قدام رزق..
سيف:اومال ده ايه بقي؟!
رزق:هي مراتي يا سيف..
سيف:عرفي..
رزق:مبدأيا لغاية ما تقنع تاج..
سيف:تاج هتوافق و معندناش حد يتجوز عرفي يا عمي..
سيف:المفروض حضرتك قدوة ل بنتك..
سيف:كتب الكتاب بكرة يا عمي..
سيف ساب رزق و خرج من مكتبه...
مني:ازيك يا سيف؟!
سيف:الحمد لله يا تيتة..
مني:كويس..هتخرجنا امتي بقي؟!
سيف:بليل..
مني:و هنجيب ملاك معانا؟!
سيف(بسخرية):عندها شغل..
مني:ملكش دعوة انا هقولها..
سيف:براحتك..هروح ورايا قضية مهمة و اجي..
مني:طيب..
ملاك:مدام مني انا راحة الشغل..لو في حاجة كلميني..
مني:ما توصلها يا سيف..
سيف و ملاك بصوا ل مني و بعدها بصوا لبعض...
مني:يلا خدها وصلها..
سيف:انا متأخر..
ملاك:خالد هيوصلني..
مني:مفيش حاجة اسمها متأخر دي برضو مراتك..و انتي جوزك موجود خالد يسبقك علي هناك..
سيف(بزهق):قدامي يا ملاك قدامي..
سيف و ملاك خرجوا و ركبوا عربية سيف..
ملاك(بعصبية):ايه براحة؟!
سيف(بحدة):بت انا مش طايقك و واخدك معاايا شفقة..
ملاك:انت بتسوق بسرعة كبيرة براحة..و كمان انا كمان مش طايقاك..
ملاك:لو سمحت روحني بيتي اطمن علي جدو..
سيف:لا..
و بعد فترة وصلوا ل موقع التصوير و سيف وقف بالعربية..
سيف:انزلي يلا..
ملاك:رزل..
ملاك نزلت و دخلت المكان و قابلت خالد و صابر..
صابر:ملاك الكل مستغرب من اللي حصل اخر مرة و متنسيش اننا مكملناش تصوير المرة اللي فاتت النهاردة صعب..
ملاك:ربنا معانا يلا..
************************************
-في مكان تاني..
...:ايه اخر الاخبار؟!
شخص:محصلتش اي حركة جديدة وقف مكانه..
...:عايز اخلص بسرعة من الموضوع ده..
شخص:ان شاء الله قريب..
...:و اخر اخبار الشحنة؟!
شخص:لسة هتتوزع علي الناس و هنعرف ساعتها..
...:انا عايز اوقعه في ايدي و اقتله..
شخص:و انا معاك متقلقش..
...:في اخبار عن موضوع الشقة دي؟!
شخص:انت مقولتش نعمل ايه؟!
...:مش احنا اللي هنعمل مش احنا...
...:هخليه يتمني الموت و يتعذب..
شخص:وانت عارف اني معاك دايما..
...:يلا..
الشخص ده قام بكل بروه و رمي السيجارة تحت رجله و داس عليها و مشي بكل برود من المكان اللي هو فيه..
***********************************
-في مكان تاني...
_في ڤيلا محمد..
محمد:ها يا نور؟!
نور:يا فندم حضرتك عايز ملاك هانم تقتلني..
محمد:ده فيلم يا نور..
نور:بس انا عارفة ملاك هانم ممكن تحبسني..
محمد:ده بس علشان تفتكر ان عندها جد..
نور:بس انا و حضرتك و متجوزين طب تيجي ازاي؟!
محمد:خالد هيظبط الموضوع ده..و كمان احنا بنعتبرك فرد من العائلة..
نور:و انا بعتبركوا عائلتي بس مش عارفة..
محمد:ده يوم واحد يا بت ساعة واحدة..
نور:اللي تشوفه يا محمد بيه...
محمد(بضحك):لا قولي زوجي العزيز..
نور:و الله خايفة من رد فعل ملاك هانم...
محمد:مش هتعمل حاجة علي مسئوليتي الشخصية..
نور:يا رب..
محمد(بضحك):اموت و اشوف وشها ساعتها..
نور:دي مش بعيد تعاقب حضرتك..
محمد:تقدر؟!
نور:لا طبعا...
محمد:طيب روحي شوفي شغلك..
نور:عن اذنك..
محمد:يا رب..
**********************************
-في مكان تاني..
_في مكتب سيف..
سيف:قولتلك عارف يا عمر..
عمر:طيب بأكد الله..
-سيف بص علي ورق المكتب لفت انتباهه اسم ملاك شد الورقة دي لقاها قسمة الجواز طبقها و حطها في جيبه..
عمر(بغمزة):ايه اخبار العروسة؟!
سيف لا رد..
عمر:حلوة؟!مستمتع اكيد..
سيف قام و قرب من عمر بهدوء عمر خاف و رجع خطوة ل ورا..
سيف(بهدوء):مالك يا عمر؟!في ايه خايف ليه؟!.
عمر(بتوتر):مش خايف..
سيف ضرب عمر برأسه وتني رجله و ضرب عمر في بطنه..و مسكه من قميصه و قربه منه..
سيف(بغضب):قمسا بربي يا عمر اسمع سيرتها علي لسانك تاني لاكون قاتلك...و بطل تتكلم عنها بالطريقة دي... دي مهما كانت مراتي و شايلة اسمي و علي ذمتي..
عمر(بوجع):خلاص يا سيف اسف...
سيف زق عمر علي الكنبة و رجع قعد مكانه..
سيف:انت صاحبي اه بس ساعات بتكون عايز ضرب الجذم..
عمر:يا شيخ حرام عليك وجعتني اوي..
سيف:معلش..
عمر:طب هقوم هشوف شغلي انا..
عمر قام و خرج من مكتب سيف لقي مريم بتمشي..
عمر:مريم مريم..
مريم(بضيق):نعم يا استاذ عمر..
عمر:مالك بس مودياني الوش الخشب ليه؟!
مريم(بحدة):لانك تستاهله و متستاهلش غيره..استاذ عمر سبني انا مش زي البنات اللي حضرتك تعرفهم..
مريم سابت عمر و راحت مكتبها..عمر كان باصص اثر ما هي مشيت...
بنت(بدلع):استاذ عمر..
عمر(بضيق):بعدين يا نهي..
عمر راح مكتبه يشتغل و نهي بصت بغضب..
نهي(لنفسها):هتكون ليا بقي يا عمر غصب عنك انت اللي هتوصلني ل سيف..
نهي(لنفسها):سيف هيكون ليا في يوم من الايام و بكرة تقولوا نهي قالت..انا مش زي اي حد..
******************
_عدت فترة كبيرة سيف خلص شغله و رجع البيت لقي الكل لابس و جاهز مستنيه..
سيف:تسمحولي اغير هدومي؟!.
جودي:يلا يا بابي بسرعة..
سيف:طيب..
سيف طلع بسرعة اوضته غير هدومه و لبس بدلة تانية..
سيف:انا جاهز يلا..
تاج:هنروح فين؟!
سيف:لسة معرفش..
مالك(بحزن):مينفعش نأخد ماما معانا؟!
سيف نزل ل مستوي مالك و باس رأسه..
سيف:قريب يا حبيبي هتكون معانا..
مني:يلا هنعدي علي ملاك الاول..
سيف(بغيظ):طيب..
مني:يلا يا سهي بسرعة..
سيف و جودي و مالك في عربية و سهي و مني و تاج في عربية تانية..
سيف:عاوزين تروحوا مكان معين؟!.
جودي:براحتك..
جودي(بفرحة):اخيرا هنخرج..
و بعد فترة وصلوا ل مكان ملاك..
سيف:امي ايه اللي نزلك؟!
سهي:عايزة اشوفها و هي بتصور..
مني:و انا كمان..
الكل نزل من عربيته حتي تاج..و دخلوا مكان التصوير و خالد سمح ليهم يخشوا..
"ملاك كانت لابسة فستان قطعتين جيية باللون النبيتي و تي شيرت قصير من غير اكمام مبين بطنها..و.صندل بكعب اسود وروچ غامق اوي و كحل و شعرها مرفوع ل فوق علي شكل كحكة"..
ملاك:يا عم صابر خلصني يا عم صابر..
صابر:خلي عندك صبر..
ملاك:اكتر من كدة مش هيبقي صبر ده يبقي حاجة كدة عديت الصبر بكتير...
صابر:طيب يا لمضة...خشي يمين شوية...
ملاك وقفت علي رجل واحدة و رجليها التانية متنية ل ورا و محاوطها وشها بأيديها..
صابر:اثبتي..
صابر لقط الصورة بسرعة..
صابر:براڤو..
ملاك:اوف اخيرا..
صابر:يلا اخر حاجة..
ملاك:لااااااااااااااااااااا كدة كتير يا عم صابر..
صابر:علفكرة بقي محدش بيقولي يا عم صابر غيرك اخرسي شوية..
بنت:هظبط ل حضرتك الميكب..
-ظبطوا ل ملاك الميكب و ملاك قعدت في الارض حواليها ورد كتير ونازل عليها ورد احمر و ابيض و هي مبسوطة و الورد كان نازل زي كأنه مطر..صابر خد كذا صورة ل ملاك و عجبته اوي...
صابر:يلا خشي غيري هدومك ورانا تصوير تاني..
صابر ساب ملاك و ملاك وقفت باصة بدهشة..
ملاك(بصوت عالي):انت لو قاصد تعذبني مش هتعمل كدة...حرام عليك..
صابر:اوف يا ملاك ادي اخرة الج..
ملاك جريت عليه بسرعة و حطت ايديها علي بوقه..
ملاك:اسكت هتفضحني..
صابر:طيب اجهزي..
ملاك قعدت تضرب الارض برجليها و هي متعصبة..
خالد:ملاك اهل زوجك المصون جه..
ملاك ضربت خالد بوكس في بطنه و هي متعصبة..
ملاك(بغيظ):علي صوتك اكتر علي...هلاقيها من مين بس..
ملاك:طب ما تقعدهم يا زفت..
خالد و هو بيربع ايده و باصص ل ملاك..
خالد:هما جايين علشاني و لا علشانك..
ملاك زقت خالد بأيديها و راحت ناحية الباقي..
ملاك:بعتذر علي التأخير بس في تصوير تاني نص ساعة كدة...فانتوا لو عاوزين تمشوا امشوا..
سيف:احس..
سهي:ايوه هنستني طبعا..
جودي:اه يا طنط ملاك..
مني:يلا يا روحي شوفي شغلك و احنا هنستناكي..
ملاك:شكرا...علا تعالي اهتمي بيهم..
علا:حاضر يا استاذة ملاك..
خالد:صابر لو ملاقكيش جاهزة هيعمل منك شوربة..
ملاك جريت علي اوضتها و بدأت تجهز..
"ملاك لبست جيبة منفوشة باللون الكشميري و تي شيرت ابيض بحمالة رفيعة علي الكتف و رفعت شعرها علي شكل ديل حصان و حطت روچ هادي و كوتشي ابيض"..
ملاك:جهزت..
ملاك راحت ناحية صابر و باقي الفريق..ملاك لقت كرسي عالي قعدت عليه..
ملاك:ها و بعدين؟!
ملاك(بصدمة):يا نهاركوا اسود و منيل بستين نيلة..
ملاك لقت ماية نزلت عليها و صابر لقط الصورة..
ملاك:اه يا خالد الكلب..
ملاك جريت ورا خالد قدام الكل و الكل قعد يضحك عليها..
خالد:انا مالي انا عم صابر قالي مقولش ليكي..
خالد:اهدي يا مجنونة..
صابر:ملاك مش وراكي مشوار...
ملاك(بغيظ):حضرتك ضحكت عليا..
صابر:و ايه الجديد ما انتي دايما بيتضحك عليكي..
ملاك سابتهم و مشيت و راحت اوضتها غيرت هدومها و خرجت..
ملاك:غور من وشي يا خالد و مش عايزة اسمع صوتك..
جودي:طنط ملاك كان شكلك حلو..
ملاك:تسلمي يا روحي..
ملاك:انا جاهزة..
سيف(بسخرية):و اخيرا السنيورة حنت علينا..
سيف مشي و الكل بدأ يمشي وراه...
_في عربية مني و تاج و سهي..
سهي:اول مرة اشوف عرض مباشر..
مني(بضحك):اديكي شوفتي..كنتي هتموتي و تشوفي..
تاج:عادي يعني مش حكاية..
_في عربية سيف..
ملاك:هو احنا هنروح فين؟!
سيف لا رد..
ملاك:رايحين فين يا جودي؟!
جودي:معرفش يا طنط ملاك..
ملاك:و انت يا مالك؟!
مالك:معرفش..
ملاك(بملل):سيف قول رايحين فين..
سيف لا رد..
سيف بص ناحية الشباك و ابتسم ابتسامة جانبية و كمل سواقة..
ملاك:رزل و رخم و حقير و حيوان و زبالة و برص و جعان و شحات و..
ملاك(بوجع):آآآآآه..
سيف وقف العربية فجأة و ملاك اتخبطت..
سيف(ببرود):اتمني المرة الجاية تأخدي بالك..
و بعد فترة لقوا سيف وقف عند ملاهي و الكل نزل و هو مبسوط..
جودي(بفرحة):اخيرا جينا الملاهي..
ملاك(بفرحة):بقالي كتير مجتش تعالي يلا نخش بسرعة..
ملاك مسكت ايد جودي و جريوا علي جوا..
سيف:تعالي يا مالك..
سيف مسك ايد مالك و دخل و وراه سهي و مني و تاج..و ورا الكل حراسة..
جودي:طنط ملاك تعالي نركب دي..
ملاك:لا دي خطيرة عليكي انتي..
مالك:بس انا هركبها..
ملاك:و انا..
تاج:و انا..
جودي(بدموع):طنط ملاك بليز خليني اركب انا كمان..
ملاك:يا روحي انتي لسة صغيرة و هما مش هيسمحوا ليكي..
ملاك:بصي تعالي نلعب هناك..
ملاك خدت جودي و راحت ناحية لعبة السلسلة دي و قعدوا يلعبوا و يضحكوا و ملاك نزلت دايخة..
عمر:حاسبي..
ملاك:انا اعرفك؟!
عمر:انا عمر صاحب سيف عرفت انكوا هنا قولت مضيعش الفرصة بقي..
ملاك(بابتسامة):شكرا انك مسكتني قبل ما اقع..بدوخ بسرعة..
سيف(بحدة):عمر ايه اللي جابك هنا؟!
عمر:قولت اجي اهيص معاكوا..
سيف شد ملاك من ايد عمر و حاوط كتفها بايده..
سيف:طيب روح ل مالك..
سيف:تعالي يا جودي..
ملاك:وسع ايدك..
سيف بعد عن ملاك و مشي..ملاك راحت ناحيتهم..
مني:تعالوا نقعد في الكافيه شوية..
سيف:طيب تعالوا..
و الكل راح قعد في كافيه و بدأوا يطلبوا حاجات يشربوها..
سهي:مالك يا ملاك شكلك تعبانة..
ملاك:جدو وحشني بفكر اروحله بكرة و تعب التصوير و كدة...
مني:ما تيجي نروح ليه..
سيف:لا انا خارج علشان اخرج ولادي مش خدامة ولادي..
ملاك بصتله بحدة و قامت و خرجت بره الكافيه و عمر طلع وراها..
عمر:عارف انك مضايقة بسبب كلامه بس هو ده سيف دبش..
عمر:اتمني متزعليش منه..
ملاك(بغضب):ده حيوان و حقير و..خليني ساكتة احسن..
عمر:ايه رأيك نروح نتمشي في الحتة الجميلة اللي هناك دي..
ملاك:تمام..
ملاك و عمر بدأوا يمشوا و يتكلموا..
عمر:بتحبي المشي؟!
ملاك:بحب الحرية..
عمر:مش اجابة سؤالي..
ملاك:بالعكس اني امشي و بمزاجي و امشي في الطريق اللي انا عايزاه و اللي انا مختاراه يبقي دي حرية و علشان كدة انا بحب الحرية..
عمر:بتحبي ايه؟!
ملاك:حاجات كتير..مش حاجة معينة..
عمر:تعرفي سيدرا منين؟!
ملاك(بتنهيدة):كنا صحاب و في مرة هي انقذتني من حاجة كدة و علشان خاطر الحاجة دي انا قبلت اكون زي ما هو بيقول خدامة ولاده..
شاب:يا حلوة ممكن نتعرف..
عمر:امشي يا ملاك..
شاب2:سيبك منه..
عمر(بغضب):اتفضلوا امشوا مش ناقصة شوية شمامين هي..يلا يا ملاك..
عمر شد ملاك و مشاها معاه..
ملاك(بصريخ):عمر..
في حد ضرب عمر علي رأسه و عمر وقع علي ركبه..
ملاك(بدموع):عمر قوم معايا هنمشي..
شاب:قولنا ليكي نتعرف انتي اللي دماغك ناشفة...
عمر(بوجع):اجري ل سيف..
ملاك قامت بسرعة و كانت هتجري في شخص مسك ايديها و شدها ناحيته..
شاب3:ايه يا حلوة لسة بدري..
ملاك(بدموع):سيب ايدي انت حيوان..
شاب2:خدوها و يلا بينا..
سيف(بغضب):سيب ايديها..
شاب3:و ده مين ده يا بت؟!
سيف قرب من الشاب اللي ماسك ايد ملاك جامد و مسكها و كسرها و حط ملاك ورا ضهره..
شاب3(بصريخ):انتوا مستنين ايه اضربوه..
-في شاب جه ل سيف يضربه في وشه بس سيف وطي و مسك ايده كسرها و كسر رقبته..و التالت سابهم و جري...
سيف:عمر انت كويس؟!
عمر(بوجع):اه..
ملاك:انا آسفة يا عمر..
عمر(بابتسامة خفيفة):و لا يهمك..
سيف سند عمر و رجعوا الكافيه تاني..
تاج(بخضة):ايه اللي حصل؟!
سيف:مفيش حاجة..
عمر:حد يعبرني بكوباية ماية..
ملاك جابت بسرعة كوباية ماية ل عمر و شربته و سيف بصلها بغضب..
عمر:تسلم ايدك يا قمر..
جودي:انت كويس يا عمو عمر..
عمر:اه يا روحي..
سيف:يلا نمشي..
الكل قام و ركب العربيات و اتفأجوا لما لقوا سيف راح لبيت ملاك..
مالك:ايه ده؟!
ملاك(بفرحة):بيتي..
سهي:ده بيتك يا ملاك؟!
ملاك:اه يا طنط..
تاج:ليه يا سيف جاي هنا؟!
سيف(ببرود):الاقرب لينا و عمر عايز يرتاح..
عمر:حبيبي تسلم..
و الكل نزل و ملاك جريت قدامهم و فتحت الباب و دخلت و دخلتهم..
ملاك(بصوت عالي):جدووووووووووووووووو..
محمد:ايه في دوشة ليه؟!
ملاك جريت عليه حضنته و باست رأسه و ايده..
ملاك:وحشتني قد البحر و سمكاته..فين نور؟!
محمد:اه نور يا نور نور..
نور:نعم..
محمد غمز ليها من غير ما حد يأخد باله..
نور:يا حبيبي..
ملاك(برفعة حاجب):نعم!!!!
نور:ايه يا روحي هو جدك مقالش ليكي..
ملاك:قال ايه؟!
محمد:خلاص بعدين يا ملاكي دخلي جوزك و اهله..
ملاك:لا لازم اعرف في ايه هنا؟!.
محمد:انا اتجوزت نور يا ملاك..
ملاك:ايه التلوث اللي انا سمعته ده؟!
ملاك:اتجوزت مين يا عينيا؟!!!!!!
ملاك راحت علي نور شدتها من شعرها...
ملاك(بغضب):المفعوصة دي مراتك...
سيف(بحدة):ملاك ملاك..
سيف شال ملاك من خصرها و شدها  بعيد عن نور..
ملاك(بغضب):دي مراتك يا جدو..و يا تري عرفي و لا؟!يا حضرة البيه..
ملاك(بغضب):طبعا ما انت ا..
محمد(بحدة):ملاك احترمي نفسك و حاسبي علي كلامك قبل ما تقوليه..
ملاك:وسع يا سيف وسع..
نور(بدموع):يا ست ملاك و الله ده هزار كنا بنهزر معاكي و الله متزعليش مننا..
ملاك:فين قسيمة الجواز؟!
نور:مفيش لاننا كنا بنهزر معاكي و الله..
سيف(بهمس):خلاص اهدي كانوا بيهزروا معاكي اهدي..نظمي نفسك..
ملاك كانت بتتنفس بسرعة و وشها احمر و نفسها كان سخن. ...
ملاك:نزلني يا سيف نزلني...
سيف نزل ملاك علي الارض و ملاك قربت من محمد..
ملاك:ليه عملت كدة؟!
محمد:ما جنابك نستيني خالص قولت اهزر معاكي...بس جنابك عصبية..
ملاك:و اختارت نور يعني..
محمد:هو انا اعرف ستات..
ملاك:اه ما انا عارفة...طنط ام سوزي دي ايه و لا طنط نعمة و لا كرستينا و جاسيكا و لا نجوي و لا رشا..
محمد:حبيبة بابا..
ملاك(بضحك):رشا..
محمد(بهمس):بقي منظرنا ووووووووووووحش..
ملاك:اوي..
محمد:احم احم بنعتذر علي اللي حصل ده..
مني:لا عادي و لا يهمكوا..
سهي:بيتكوا حلو يا ملاك..
ملاك:تسلمي يا طنط..
سيف:جودي جودي..
ملاك:سيبها نايمة..
محمد:باتوا معايا بقي..
عمر:بقول كدة..
سيف:لا جايين علشان ملاك كانت عايزة تطمن عليك..
محمد:ابدا و الله باتوا معانا...البيت واسع..
محمد:باتوا يلا يا نور حركي رجلك و اعملي عشاء..
نور:حاضر يا بيه..
سيف:بس لو صحيت و ملقتناش متزعلش..
محمد:بس المهم ان ملاك تبات في اوضتها اكيد وحشاها..
ملاك:اوي..
ملاك:طب لحظة هجيب ل حضراتكوا هدوم..اتفضلي معايا يا طنط سهي و حضرتك يا مدام مني..
مني و سهي طلعوا مع ملاك..
ملاك:دي اوضة حضرتك و دي اوضة حضرتك..لحظة اجيب هدوم..
ملاك مشيت و راحت لاوضة باين انها مقفولة من سنين و فتحتها و طلعت هدوم و خرجت ودتها ل سهي و مني..ملاك نزلت و طلعت تاج اوضة ليها و دخلت اوضتها جابت ليها طقم..
تاج(بقرف):ميرسي..
ملاك:استاذ عمر اتفضل معايا..
عمر:طيب..
سيف سند عمر و ضغط علي جسمه و عمر اتوجع..
سيف:فين؟!
ملاك:هنا...
ملاك دخلت اوضة خالد و جابت هدوم ل سيف و عمر..
ملاك:انت هوديك اوضة ايه اممممم..
سيف:و اوضتك بتعمل ايه؟!
ملاك:لا جودي و مالك هيناموا علي سريري و انا معاهم انت لا..
سيف:و هتقولي ل جدك ايه؟!هو مش انا جوزك..
ملاك:ابعد انت ليه بتقرب عليا وسع..
سيف:عادي مفيش حاجة واحد و مراته..
ملاك:عل..
ملاك كانت خلاص وصلت لاخر الممر اللي هو اوضتها و الباب اتفتح و كانت هتقع لولا ايد سيف..
سيف:باين اوي انها اوضتك..
سيف ساب ملاك و ملاك وقعت علي الارض..
ملاك(بوجع):آه منك لله يا سيف يا ابن طنط سهي..
سيف:ايه الصور دي كلها؟!
ملاك(بحدة):انت مالك اطلع بره يلا..
سيف:ده بيتي زي ما هو بيتك هو مش احنا متجوزين..
ملاك:يادي متجوزين دي اوف..
ملاك قامت من علي الارض و بصت قدامها لقت مالك و ماسك ايد جودي اللي شبه نايمة..
ملاك:خش يا حبيبي..
جودي راحت علي السرير و نامت...
مالك:انا هلبس ايه؟!
ملاك راحت اوضة الملابس و طلعت بنطلون ولادي و تي شيرت بناتي و ولادي و ودتهم ل مالك اللي دخل غير هدومه في الحمام..
ملاك:واقف تتفرج عليا ليه؟!
سيف:مفيش..
ملاك:بعد ما مالك يخرج خش غير هدومك..
تليفون البيت اللي في اوضة ملاك رن..
الخط اتفتح..
ملاك:الو يا حبيبي..
محمد:مش نازلين تتعشوا و لا ايه؟!.
ملاك:خليهم يطلعوا ل كل اوضة..
محمد:طيب يا حبيبتي..
ملاك:تصبح علي خير..
محمد:و انتي من اهله..
مالك:هنام فين؟!.
ملاك:علي السرير..جمب جودي..
مالك:طيب..
ملاك:استني تتعشي..
مالك:لا شكرا..
سيف دخل خد دوش و غير هدومه..و ملاك بعده و خرجت..
"ملاك لبست شورت قصير باللون الاسود و تي شيرت ابيض بحمالة رفيعة علي الكتف لغاية الركبة و رفعت شعرها علي شكل كحكة"...
ملاك:هتنام جمب جودي و مالك علي السرير...
سيف:اساسا مفيش حاجة غير كدة...
ملاك:ماشي يا عم المغرور..
و العشاء طلع لكل اوضة و الكل بدأ يأكل و بعدها الكل نام...
سيف راح نام جمب جودي و مالك و لقي ملاك بتنام علي الكنبة..
سيف:هتنامي علي الكنبة ليه؟!
ملاك:علشان جنابك في بيتي و ضيف..
ملاك:و علشان عندي دم بس مش اكتر..
سيف(ببرود):براحتك..
-و بعد فترة كانت ملاك نامت...سيف قام و قرب منها و شالها حطها علي السرير و هي نامت و سيف نام جمبها بس علي جمب واحد و حاوط رأسها من فوق بأيده و حط رأسه فوق رأسها و نام..
_في الصباح الباكر..
ملاك كانت بتتقلب و فتحت عينيها لقت سيف واقف قدام البلكونة و صاحي و بصت علي الساعة لقتها 5 الصبح...
ملاك قامت و راحت ناحية سيف و حطت ايديها علي كتفه..
ملاك(بخوف):سيف..
سيف لف ليها ملاك لقت التي الشيرت بتاعه الابيض عليه دم..
ملاك(بصريخ):عااااااااااااااااااااااااااااااااااا..

_السؤال:يا تري هيحصل ايه؟!
***********************************
يتبع:::💜😘..
بحبكوا💜🦋..
يا رب الرواية تنال اعجابكم😘💜..
رأيكوا يهمني😘💜..