الملاك المتمرد «قيد التعديل»

الفصل الثاني و العشرون..

نكمل روايتنا(الملاك المتمرد)بقلم سلسبيل كوبك..
الفصل ال22..
اخر حاجة وقفنا عندها في الفصل ال21..
سيف قرب ملاك منه و مسك خصرها و دخل للقصر و قدامه مالك و جودي..
اول ما سيف و ملاك دخلوا سيف اتصدم...
سيف:سيدرا!!
سيف شال ايده بسرعة من علي خصر ملاك و قرب منها حضنها..
سيف:انتي ايه اللي جابك؟!.
سيف:احم اقصد جيتي ازاي؟!
تاج:انا جبتها يا سيف كلمت الدكتور و هي بتأخد جلسة الكيماوي كل اسبوع قولت اجيبها تقعد معانا الاسبوع ده...
تاج:ايه مفااجأة وحشة؟!
سيف:لا طبعا انا مبسوط..
سيدرا حضنت سيف و فضلت ماسكة فيه..
سيدرا:تعالي نطلع اوضتنا يا حبيبي..
سيف:مش هتسلمي علي مالك و جودي؟!.
جودي:هاي ماما..
سيدرا:اسمها مامي مين عودك علي ماما دي..
ملاك:حمد لله بالسلامة يا سيدرا..
ملاك:يلا يا جودي يلا يا مالك احضنوا ماما و بوسوها يلا..
جودي و مالك حضنوا سيدرا و طلعوا علي اوضتهم..
سيف بص ل ملاك و بعدها طلع مع سيدرا علي اوضته...
تاج(بشماتة):ايه يا ملاك شكلك زعلانة..
ملاك(ببرود):الزعل ميعرفنيش و لا انا اعرفه..
ملاك سابتهم و طلعت لاوضة جودي...
مني:تاج لو اللي عملتيه ده خطر علي سيدرا هتبقي بزعلة كبيرة..
تاج:لا متخافوش..
نور:طيب هقوم اتصل ب رزق..
سهي:طيب..
سهي:مني متضايقيش نفسك..
مني:تاج اتغيرت من ساعة ما ملاك جت..
سهي:برضو هي اخت يا مني و مش عايزة تشوف جوز اختها في حضن واحدة غير اختها..
مني:بس برضو من ساعة ما ملاك جت و في حركة في كلام في ضحك...
سهي:استني و شوفي هيحصل ايه علينا اننا نتفرج و بس...
مني:سيف هيبقي مظلوم اوي بين ملاك و سيدرا..
_عند سيف..
سيدرا:وحشتني اوي..
سيف:و انتي كمان..
سيدرا:مالك يا سيف؟!
سيف:مالي مفيش..
سيدرا حضنت سيف اوي و باسته علي خده..
سيدرا:متأكد يا سيف اني وحشتك؟!
سيف:اه ليه بتقولي كدة؟!
سيدرا:شايفة انك اتغيرت..
سيف:لا هو انا بس مش عايز احمل علي تعبك...
سيدرا:و لا يهمك يا حبيبي..
سيدرا قربت من سيف اوي بس سيف بعد عنها..
سيف:ايه رأيك تأخدي دوش و تغيري هدومك و نقعد نتكلم و نهزر..
سيدرا(بحدة):انت مخبي عني ايه يا سيف؟!
سيف(ببرود):مش مخبي حاجة و مش معني انك تعبانة هسيبك تعلي صوتك او تتكلمي بنبرة متعجبنيش...
سيدرا(بدموع):هو شهر اللي بعدت فيه عنك يا سيف ليه البرود ده انا عملت ايه..
سيف قرب منها و خدها في حضنه و باس رأسها...
سيف:عادي يا سيدرا انتي هتفضلي برضو مراتي و ام عيالي..
سيدرا:و حبيبتك..
سيف:و حبيبتي...ب...
سيدرا قطعته و قربت من سيف و (لخيالكوا)و...
_في اوضة جودي..
جودي:ليه راحة جاية كدة يا ملاك؟!
ملاك:عايزة اغير هدومي..
جودي:البسي حاجة من عندي..
ملاك:لا يا روحي هدومك اكيد صغيرة..
جودي:استني اجبلك اكبر حاجة عندي...تيتة دايما بتقول اجسام عارضات الازياء و اللي بيصوروا بيدخل فيهم اي حاجة..
ملاك:ايوه بس مش لبس طفلة عندها 5 سنين..
جودي:طب قيسي دول..
ملاك:يا بنتي دول اطفالي يا لهوووي هتفهمي امتي..
جودي:طب بصي جربي ده جربيه بس..
ملاك:طيب يا جودي هاتي...
ملاك دخلت تقيس هدوم جودي دخل فيها بس ضيقين..
ملاك:لا يا جودي اوف..
جودي:طب اخرجي..
ملاك:يا بنتي لا منظري ملفت..
ملاك(بشهقة):سيف!!!
سيف:شايف كدة حلو بلاش الهدوم اللي جايبها ليكي..
ملاك:لا لا هات...
سيف:المقابل؟!
ملاك:بليز هاتهم بقي..
سيف رمي الهدوم في وشها و ضحك علي منظرها..
"ملاك غيرت هدومها لبست بنطلون بيتي اسود و فوقه تي شيرت اصفر في ابيض بنص كم مايل من علي الكتف و لغاية الخصر"...
ملاك:اوف يا الله...اخيرا..
ملاك:فين سيدرا؟!
سيف:نامت..
ملاك:طيب..
عفاف:الحقنا يا بيه..
سيف(بقلق):في ايه؟!
عفاف:البوليس تحت بيسأل عليك..
سيف بص ل ملاك بغضب و مسك دراعها و قربها منه..
سيف:انتي بلغتي يا ملاك؟!
ملاك:لا و الله..
سيف:لو انتي ليكي علاقة بالموضوع انصحك تختفي او تقتلي نفسك..
سيف رمي ملاك علي سرير جودي و نزل ل تحت..
جودي:انتي كويسة يا ملاك؟!
ملاك:اه يا روحي..
_عند تحت..
سيف:خير يا حضرة الظابط؟!
الظابط:معانا امر بالتفتيش..
سيف:اعتقد من فترة برضو جيتوا ملقتوش حاجة..
الظابط:لازم ندور..
الظباط انتشروا في البيت كله و فتشوا كل حاجة و كل الاوض..سيدرا صحيت و وقفت جمب سيف..
الظابط:اوضة مين دي؟!
سيف:مراتي ليه يعني؟!
سيدرا:مش انا مراته التاني..
الظابط:فين هي يعني؟!
سيف(بحدة):ممكن تفهمني في ايه؟!
ملاك:نعم يا حضرة الظابط..
الظابط:الاوضة دي اوضتك؟!
ملاك:ايوه في ايه؟!
الظابط:و المجوهرات و المخدرات دي ايه؟!
ملاك:مخدرات!!!
سيف(بصدمة):انت اتجننت بتتهم مراتي!!!
الظابط:القانون فوق الكل..
الظابط:لبسوها الكلبشات..
سيف:المخدرات مش بتاعتها دي بتاعتي انا و المجوهرات كمان انا سرقتها..
سيدرا(بصدمة):سيف؟!!!!!
سيف:يعني الكلبشات تتحط في ايدي انا..
الظابط:انت بتعمل كدة علشان تخرجها من القضية..
سيف:لا..هي ملهاش ذنب..
سيف:اتفضل يلا جاي معاك..
سيف بص بصة آخيرة علي ملاك بس لقاها تايهة دموعها بتهدد بالنزول..
لبسوا الكلبشات في ايد سيف...سيف قرب من ملاك و باس رأسها..
سيف:واثق فيكي..
خدوا سيف و ركبوه البوكس...
مني(بدموع):يعني سيف ضاع..
سهي:انا ابني راجل و هيقدر يتصرف..
سيدرا:يا رب احمي جوزي و النبي..
نور:مالك يا ملاك؟!
نور(بخضة):ملاك..
الكل اتفأجي بملاك بتقع علي الارض و بترتعش بقوة...
مني:ملاك ملاك فتحي عينك..
سهي:ملاك سمعاني؟!
نور:حد يجيب ماية بسرعة...
و فجأة لقوا ملاك بتنزل دم من انفها..
معتز(بقلق):في ايه؟!
معتز جري عليهم و نزل ل مستوي ملاك شالها و دخل اوضة من الاوض...
معتز:ارفعوا رجليها حطوا مخدات تحت رجليها..
رفعوا رجل ملاك و معتز بدأ يمسح الدم من انفها..
معتز:حصل ايه ل ده كله؟!
معتز:سيدرا!!!
سيدرا:معتز حبيبي..حمدلله بالسلامة..
معتز:الله يسلمك الف سلامة عليكي...
معتز:بس حصل ايه خلي الدم يرتفع عند ملاك كدة؟!
سهي:البوليس جه خد سيف...
تاج:المفروض كانوا يأخدوا ملاك بس سيف انقذها..
معتز:ليه ده كله؟!
مني:لقوا مخدرات و مجوهرات مسروقة في اوضة ملاك..
معتز:ازاي يعني هي بتاعت كدة؟!
سيدرا:ايوه دي اتوقع منها اي حاجة..
مني(بحدة):انتي اللي مختاراها يا سيدرا..
سيدرا(بعصبية):بس خطفت مني جوزي..استغلت مرضي..
سهي(بحدة):بس بقي بس..كله علي اوضته..
نور كانت قاعدة جمب ملاك بتملس علي شعرها...ملاك بدأت تفتح عينيها براحة..
نور:كويسة يا حبيبتي؟!
ملاك:اه يا طنط..
جودي(بعياط):هو بابا فين يا ملاك؟!
ملاك:بابا جاي يا روحي جاي قريب..
ملاك حضنت جودي جامد و باست رأسها..
ملاك:يلا شوفي مذاكرتك بكرة في مدرسة..
ملاك:شكرا يا طنط..عن اذنك.
ملاك قامت خدت شنطتها و موبايلها و نزلت كانت هتخرج من القصر معتز مسك ايديها..
معتز(بعصبية):راحة فين؟!
ملاك(بحدة):راحة ارجع جوزي و متدخلش في حياتي و مش معني ان سيف موجود هتعمل نفسك راجل عليا..
معتز ضرب ملاك بغضب علي وشها..
ملاك(بسخرية):تصدق خفت..
ملاك خرجت بره القصر و ركبت عربية و طلعت تليفونها اتصلت ب عمر..
الخط اتفتح..
عمر:الو يا ملاك..
ملاك:عمر لازم اشوفك ضروري..
عمر:في ايه؟!
ملاك:سجنوا سيف..
عمر:ازاي؟!
ملاك:لازم نتقابل في كافية(*******)..
ملاك:مستنياك..
ملاك راحت الكافية...بعد ساعة عمر كان قدامها..
عمر:في ايه قلقتيني؟!
ملاك حكت ل عمر كل اللي حصل بالتفصيل..
عمر:يعني هو انقذك؟!
ملاك:مكنتش اعرف و معرفش موجوهرات ايه و مخدرات ايه اللي بيتكلموا عليها انا مليش ذنب..
عمر:طب استني لحظة الموضوع شكله مطول..
ملاك(بصدمة):يعني سيف هيبات في الحجز لا يا عمر اتصرف...
ملاك:سيف مستحيل يبات ليلة واحدة في الحجز...
عمر:استني.
عمر عمل اتصال و عرف مكان سيف....
عمر:في حاجة قبل القسم لازم نعملها..
ملاك:ايه؟!
عمر:تسجيلات القصر..
ملاك:طب روح و انا هستناك قدام القسم..
عمر:طيب..
ملاك ركبت عربيتها و راحت قدام القسم و عمر راح للقصر و عمل كذا حاجة و راح ل ملاك..
ملاك:ها ايه؟!
عمر:ناس عبيطة اوي...التسجيل بيوضح ان حد دخل و حط الكمية دي في اوضتك...
عمر:تعالي ندخل بسرعة و نثبت برائته قبل ما القضية تتحول للنيابة...
دخلوا لقوا ناس قاعدة علي الارض و لابسين الكلبشات و ملاك كانت بتدور علي سيف..
عمر:خليكي هنا..
ملاك مسكت في شنطتها بخوف و بتبص حواليها..
_عند عمر..
عمر:اتفضل يا فندم و التسجيل ده بيوضح ان لا علاقة بالمحامي الكبير سيف الدين بالمسروقات دي يا فندم و كمان لو هو عايز يخبي حاجة مكنش خباها في اوضة مراته و كمان ده ليه اسمه و مركزه و مش هيغلط غلطة تافهة زي دي...
عمو:يعني اللي عمل كدة قاصد يوقع سيف بيه بس طلع عبيط...
عمر:موكلي برئ يا فندم...و حاليا عايز اعمل محضر للشخص ده..
الظابط:عندك حق و شكرا يا عمر بيه..
الظابط:لحظة و سيف بيه يجي..
عمر دخل ملاك اوضة الظابط اللي مشالش عيونه من عليها..
الظابط:مش حضرتك ملاك سالم..
ملاك:اه يا فندم..
عسكري:تمام يا فندم المتهم اهو..
ملاك جريت علي سيف اتعلقت في رقبته و هو حضنها جامد و دفن وشه في رقبتها..
ملاك:انت كويس؟!
سيف:اه..
الظابط:اتفضل امضي هنا..
سيف نزل ملاك و راح للظابط و هو لسة حاضن ملاك و مضي علي الورق اللي قدامه..
الظابط:بنعتذر علي الكام ساعة دي يا سيف بيه..
سيف(بيبص علي ملاك):لا عادي..
خرجوا من القسم و سيف حضن عمر جامد..
عمر:مبروك يا عم مش عارف من غيري كنتوا عملتوا ايه..
سيف كان حاطط دراعه علي كتف ملاك و مقربها منه..
سيف:صينية جلاش...
ملاك(بضحك):مبحبهوش خليها صينية بطاطس..
عمر:هيأخدوك آداب يا عم الحبيب يلا..
ملاك مفهمتش و سيف و عمر قعدوا يضحكوا..
عمر طلع تليفونه و اتصل ب مريم...الخط اتفتح..
عمر:مريم جاي انا و ملاك و سيف جهزي غداء..
مريم:حاضر..
سيف:مكنش ليه لزوم..
عمر:دي تيجي احنا اخوات..
سيف لاحظ وش ملاك احمر عن المعتاد شال شعرها..
سيف:ايه ده؟!
ملاك(بتوتر):ايه؟!
سيف(بحدة):مين ضربك يا ملاك؟!
ملاك(بتوتر):مفيش حد..يلا نركب..
سيف:سيدرا صح؟!
ملاك:لا و الله..
سيف:تاج؟!
ملاك:يا سيف مش ضربة و الله صدقني..بليز يلا نروح نأكل مع عمر و مريم..
سيف و ملاك و عمر راحوا بيت عمر و اول ما دخلوا شموا روايح حلوة..
ملاك:واو ايه الجمال ده؟!
عمر:هل فعلا هذة الروايح في بيتنا؟!
عمر جري علي المطبخ لقي مريم واقفة بتعمل اكل..
عمر:ده ايه الجمال ده بذمتك؟!
عمر قرب من مريم باس ايديها...
سيف:عمر اجي؟!
عمر بص علي هدوم مريم و قيمها..
عمر:اه ادخل..
سيف:مساء الخير يا مريم.
مريم:مساء النور يا سيف بيه...
مريم(بفرحة):ملاك..
ملاك و مريم حضنوا بعض اوي و بحب..
عمر:طب يلا بقي عصافير بطني بتصوصو..
مريم(بضحك):حاضر..
سيف(بهمس):يا ريت نتعلم..
ملاك(بسخرية):هه علي اساس هنكمل مع بعض..
مريم:تعالي ساعديني يا ملاك...
ملاك:طيب..
عمر و سيف خرجوا بره و البنات بدأت تجهز السفرة و قعدوا يأكلوا و يتكلموا و يهزروا...
عمر:تعالي يا سيف عايزك..
سيف:طيب..
عمر و سيف دخلوا اوضة المكتب..
عمر:اكيد طبعا انت عارف مين اللي خطفك انت و ملاك..
سيف:عارف..
عمر:هو برضو اللي خط المخدرات و المجوهرات في اوضة ملاك..
سيف(بانتباه):ازاي يعني؟! و هيستفاد ايه من ملاك؟!
عمر:فكر كدة..
سيف خد دقيقة وقت يفكر و بعدها فهم..
سيف:اه و المفروض نعمل ايه بقي؟!
عمر:لا اهدي عليا لسة في تاني..
سيف:خير؟
عمر:اللي خطف مريم كان قاصد ملاك..
سيف:و انت عرفت مين خطف مريم؟!
عمر:اه..زاهر..
سيف:و ده هيكون عايز يخطف ملاك ليه؟!
عمر:يمسكك من ايدك اللي بتوجعك..
سيف:بس ايه اللي عرفه ان هتكون ملاك نقطة ضعفي...ليه مجاش تفكيره سيدرا؟!
عمر:لا معرفش مدخلتش دماغه..
عمر:و دي رسالة تهديد جاتلي من فترة قبل ما اتجوز انا و مريم و حصل ضرب نار..
سيف:قصدك ان ملاك و مريم في خطر..
عمر:بالظبط كدة..
سيف(بغضب):قسما بربي ما هسمحله يقرب من ملاك خطوة واحدة...
ملاك(بتردد):هو مين؟!
سيف:حطي العصير و ارجعي مكانك مش ناقص وجع دماغ..
ملاك(بهمس):رزل و عايز ضرب الجذم و لا ضربتين علي رأسك ممكن تفقد الذاكرة و تنسي انك شخص عصبي اوف يااااااه لو كان عجينة و شكلتها علي مزاجي..
سيف(بحدة):ما تنجزي امشي...
ملاك:اوف غايرة غايرة غايرة غايرة...
سيف:طب ما تغوري غوري غوري غوري..
ملاك(بوجع):آآه..
سيف(بقلق):حصل ايه؟!
ملاك:رجلي اتلوت..
سيف وطي و شال ملاك و قعدها علي الكنبة..عمر كان باصص ليهم و مبتسم...
ملاك(بصريخ):متلمسش رجلي..
سيف:اومال اعالج وجعك ازاي يعني؟!
ملاك:بيوجع اوي اوف..
سيف:ملاك بصي في عيني..
ملاك:هشوف الجنة يعني..
ملاك بصت ل سيف في اقل من لحظة سيف عالج رجل ملاك..
ملاك:انت ضحكت عليا..
سيف:المهم ان رجلك بخير و متكسرتش..
سيف:و الا كنت هضطر اشيلك و انا مش قادر..
ملاك(برفعة حاجب):قصدك ايه؟!
سيف:خلاص يا ستي مش قصدي ده انتوا يا ستات..
مريم(من بره):يلاااا يا ملاك الفيلم اشتغل..
ملاك زقت سيف و طلعت ل مريم..
عمر:تيجي نرخم عليهم؟!
سيف:تعالي..
جت رسالة ل تليفون سيف فتحها و بان علي ملامحه الغضب..
عمر:في ايه؟!
عمر مسك من سيف تليفونه بس اتصدم..
عمر:سيف اهدي..
سيف كان خارج علي بره بغضب بس عمر مسكه بقوة..
عمر:اهدي هي ملهاش ذنب اهدي..
سيف(بغضب):ابعد يا عمر و الله لاكون قاتلها..
عمر:اهدي يا سيف و مين قالك ان الكلام ده صحيح..
عمر:اهدي لو عملت ليها حاجة هتكرهك و صدقني مش هتقدر تخليها تحبك تاني..هتخسرها يا صاحبي..
سيف هدئ شوية و بعدها جت ماسدجات تاني ل سيف...عمر شافها..
عمر:للاسف مش هتقدر تأخد حقك من ميت يا سيف..
سيف(بغضب):بس بنته عايشة..
عمر:فوق يا سيف  فوق بنته تبقي مراتك و البنت اللي قلبك اتفتح ليها..
سيف(بغضب):ملعون ابو الحب...
عمر:اهدي يا سيف...
سيف وقع كل حاجة علي مكتب عمر بغضب...ملاك و مريم جريوا علي المكتب بخضة..
ملاك:في ايه؟!
سيف(بغضب):غوري من وشي...بره بره..
عمر:معلش يا ملاك خديها يا مريم يلا و اطلعوا بره..
مريم:حاضر تعالي يا ملاك...
ملاك:سيف حصل ايه؟!مالك فيك ايه؟!
سيف راح ناحية ملاك و كان هيضربها بس عمر وقف في وشه و ملاك استخبت ورا مريم...
سيف(بغضب):خليها تبعد عن وشي مش طايقها يا عمر مش طايقها قسما بربي لو كنت اطول ل كنت قتلتها..
سيف(بغضب):خليها تبعد عن وشي لغاية ما اهدئ..
ملاك سابتهم و طلعت تجري بره الڤيلا و هي بتعيط عمر و سيف بصوا ل بعض و طلعوا جريوا ورا ملاك بس كان فات الاوآن...
شافوا ناس بيخطفوا ملاك في عربيتهم و مشيوا بسرعة...
سيف(بصريخ):ملاااااااااااك...
سيف وقع علي الارض عمر وقف جمبه..
عمر:شفت غبائك وصل بينا ل فين..
عمر(بعصبية):ورينا هنعرف هي فين منين؟!..
عمر(بعصبية):نمرة العربية هيغيروها الاشخاص ملثمين...ها ايه تاني؟!
عمر(بعصبية)مش بعيد يسفروها بره البلد او يتاجروا في اعضائها....
عمر:او زاهر....استغفر الله العظيم..
سيف(بغضب):بس بقي مجرد التفكير بيقتلني..مجرد انه ممكن يحصل ليها حاجة بسببي بيقتل اوي اوي..
عمر:اياك تعمل حاجة و انت متعصب يا سيف ممكن تخسر ملاك للابد..
سيف:انا غاير في داهية..
سيف ركب عربيته و رجع علي القصر..
سيدرا(بلهفة):حبيبي..
سيدرا حضنت سيف...سيف بعد عنها و كمل طريقه..
سيدرا:للدرجة دي بقي بيكرهني..
مني:اهدي يا بنتي ده لسة خارج من السجن اهدي بس..
تاج:اهدي يا سيدرا شكله في حاجة..
جودي:بابا..
جودي:فين ملاك؟!انت لما بتختفي هي بتظهر و لما انت بتظهر هي بتختفي ليه يا بابا؟!
سيف نزل ل مستوي جودي و حضنها بقوة..سيف لقي اللي بيحط ايده علي كتفه بص لقي مالك خده هو كمان في حضنه...
مالك:مالك يا بابا؟!
سيف:مفيش يا حبيبي..انا كويس اهو مالي..
مالك:اومال فين ملاك؟!
سيف:سافرت يومين و راجعة..
سيف لقي سيدرا قدامه و حاطة ايديها علي ايده..
سيدرا:هي دي عائلتنا يا سيف لازم نفضل محافظين عليها..
سيف:اكيد اول ما تخلصي علاج و علفكرة كلمت الدكتور قال يستحسن تكوني في المستشفي...
سيف:بكرة هوديكي المستشفي..
سيف:اقعدي مع مالك و جودي..
سيف دخل خد دوش و غير هدومه و نزل اوضة مكتبه و قفل عليه الباب و قعد يعمل كذا حاجة ليها علاقة بالشغل و خطف ملاك..
************************************
-في مكان تاني...
_في بيت ملاك..
شروق:بتفكر في ايه؟!.
محمد:حاسس في حاجة حصلت..
شروق:في ايه؟!
محمد:معرفش..
شروق:إيه يا عم محمد مفيش حاجة ان شاء الله..
محمد:يا رب...ملاك مش مستحملة اساسا..
شروق:كفاية اوي اللي حصلها..
محمد:اتصلي ب خالد شوفيه فين علشان نتغدي..
شروق:لسة مسجلتش رقمه..
محمد:خدي رقمه من تليفوني يلا..
شروق:حاضر..
شروق اتصلت ب خالد..الخط اتفتح..
خالد:الو مين؟!
شروق:معجبة..
خالد(ببرود):مش فاضي..
شروق:ليه ممكن نحب بعض لو اتعرفنا..
خالد(ببرود):مش عايز بنات مقرفة..
شروق:بجد!!طيب يا عم بس احفظ رقمي هتصل بيكي تاني...
شروق:و متعملش بلوك ممكن تعيش قصة حب حلوة..باي يا حبيبي.
شروق قفلت التليفون و علي وشها ابتسامة انتصار..
شروق اتصلت ب خالد من تليفون محمد..
الخط اتفتح..
محمد:الو يا جدو..
شروق:جدو بيقولك هتيجي امتي علشان نتغدي..
خالد:في الطريق..
شروق:طيب متتأخرش انا جعانة..
خالد:مفجوعة..
خالد قفل التليفون و رماه علي الكرسي..
محمد:ها فين؟!
شروق:في الطريق..
محمد:طيب يا حبيبتي..
شروق:بتفكر في إيه تاني؟!
محمد:في طلب ملاك..
شروق:ملاك طلبت ايه؟!
محمد:العملية..
شروق:طب ما تعملها يا جدو...
شروق:اعمل ليها مفأجاة..
محمد:لسة بفكر متلعبيش في دماغي يا بت انتي..
شروق:ليه بس فكرة حلوة و تعملها مفاجاة دي احلي حاجة ممكن ملاك تفرح بيها...
محمد:تفتكري؟!
شروق:ايوه..
محمد:هفكر تاني..
خالد:مساء الخير...
محمد:مساء النور..
خالد:التصوير اتلغي بقي بعد كام يوم اوف كان هم..
شروق:كويس..
خالد:بلا نتغدي...
_قعدوا يتغدوا و اتكلموا...
"اليوم عدي علي الكل بدون احداث تُذكر"..
***********************************
-في الصباح الباكر...
_عند سيف..
سيف يعتبر منامش و قعد في اوضة المكتب كان خد زي غفوه صغيرة..
سيف كانت حالته صعبة و حواليه من كل مكان ورق و لاب توب و سجل كاميرات و حاجات كتير...
سيف غصب عنه نام غفوة بس حلم حلم..
_
كان المكان اللي فيه علي البحر الجو ليل السماء مليانة نجوم كان المنظر شاعري....
و فجأة لقي قدامه ملاك لابسة"فستان ابيض بأكمام واسعة و شفافة..طوله لغاية بعد الركبة و كانت لابسة جذمة باللون الابيض و في رجليها خلال دهبي...و حطت روچ وردي هادئ و كحل حدد عينيها..و سيبت شعرها علي ضهرها و كتفها"..
ملاك(بابتسامة):تيجي معايا؟!
سيف:فين؟!
ملاك(بابتسامة):مكان في وسط البحر مع النجوم و الليل هيعجبك اوي...
ملاك مدت ايديها ل سيف و كانت علي وشها ابتسامة جميلة اوي..
سيف مد ايده و مسك في ايد ملاك و لقي ملاك بتشده ناحية يخت و ركبته هو و هي...
و فجأة سيف لقي اليخت بيتحرك معلقش بس كان كل اللي همه ان ملاك قدامه..
سيف:ملاك انتي كويسة؟!
ملاك(بابتسامة):اكيد هبقي كويسة و انا واثقة فيك...
سيف مسك ايد ملاك و باس باطن ايديها..
كانوا وسط البحر و فجأة حاجة سوداء نطت من البحر خطفت ملاك من سيف و نزلوا البحر...
ملاك(بصريخ):سيف...
_
سيف(بفزع):ملاك!!!
سيف قام مفزوع من مكانه و بعدها بدأ يستغفر ربنا..
سيف:اوف يا ملاك اوف..
سيف فتح المكتب لقي مني قاعدة علي كرسي قدام مكتبه..
سيف(بخضة):تيتة!!
مني:حبيبي اخيرا خرجت...مالك يا سيف؟!
سيف:مفيش تعالي اوصلك اوضتك..
سيف طلع مني اوضته و كان هيمشي مني مسكت في ايده..
مني:مش ناوي تحكي..
سيف قعد جمبها و بدأ يعيط في حضن مني..
مني:معلش يا حبيبي هتُفرج....
مني:احكيلي بس حصل ايه.!
سيف حكي علي خطف ملاك بس..
مني:هترجع بالسلامة يا ابني متخافش..
مني:بس انت مكنتش كدة مع سيدرا يا سيف...
سيف:قصدك ايه؟!
مني:لما خطفوا سيدرا كنت بارد و كنت هادئ جدا..
مني:دلوقتي انا شايفة عاشق خايف علي حبيبته و معشوقته...
مني:حبيتها يا سيف؟!.
سيف:مش هنكر ايوه حبيتها..
مني:ان شاء الله ترجع بالسلامة يا حبيبي متقلقش..
سيف:يلا ارتاحي اسف سهرتك معايا..
مني:و لا يهمك..
سيف:تصبحي علي خير...
مني:و انت من اهله..
سيف خرج لقي معتز جاي و سكران..سيف راح ليه..
سيف(بعصبية):إيه القرف ده؟!.
معتز:ايه؟!
سيف:انت ياض مش  هتتعدل مش هتتجوز و تفتح بيت..
معتز:عقلي معاها هي و بس...عقلي قلبي روحي نفسي حتي جسمي حتي انا معاها...
معتز:انا عقلي واقف لغاية ذكرياتها هي و بس..
معتز:قربت الاقيها و اول ما امسكها هأخدها من اي حد يتجرأ و يرفض و هتبقي فيها لاما موتي لاما موت اللي يعترض..
معتز:بحبها اوي اوي..تعرف مش مشتاق ل بنتي..
معتز:تؤ تغور بنتي في داهية...اما انا قلبي معاها هي و بس هي و بس يا سيف..
معتز:حاسس بيا..
-معتز بدأت دماغه تتقل و سيف سنده و طلع علي اوضته و حطها علي سريره و قفل الباب و خرج...
سيف دخل اوضته لقي سيدرا نايمة صحاها..
سيدرا:ايه يا سيف في ايه؟!
سيف:البسي علشان نروح المستشفي..
سيدرا:سيف انت لسة بتحبني؟!
سيف:سيدرا انتي مراتي و عشرة عمر اكيد بحبك..
سيدرا:بس انت بقيت بارد معايا..
سيف:في مشاكل في الشغل...و اول ما تخفي اوعدك هأخدك و اسافر..
سيدرا:طيب يا حبيبي...بحبك..
سيدرا قربت من سيف و (لخيالكوا)...
سيف:يلا قومي..
-سيف غير هدومه و نزل ل تحت و استني سيدرا تنزل و بالفعل سيدرا نزلت و خدها و وصل للمستشفي و اللي ضايقه اكتر ان سيدرا شغلت اغاني و اغنية زي الملايكة اللي هو غناها مع ملاك...
سيدرا:مش هتخش معايا؟!
سيف:نازل اهو..
سيدرا مسكت في ايد سيف و دخلوا للمستشفي..
سيف:باي يا روحي باي..
سيف مشي بره المستشفي بسرعة و ركب عربيته و راح ل عمر...
************************************
-في مكان تاني...
_عند تاج..
تاج قامت من نومها و خدت دوش و غيرت هدومها..
"تاج لبست جيبة ل بعد الركبة باللون الاسود و تي شيرت ب ¾ كم باللون الابيض و عملت شعرها علي شكل ديل حصان و كوتشي ابيض"..
تاج نزلت و فطرت لوحدها  و مشيت ركبت عربيتها و راحت للجامعة..
ريتاج:بخ..
تاج:روحي..
تاج حضنت ريتاج جامد و ريتاج حضنتها..
تاج:يلا نبدأ..
ريتاج:طيب و بعدها نتغدي..
تاج:ماشي..
تاج دخلت و خبطت في عامر..
عامر:اهلا...
تاج(بقرف):اهلا...يلا يا ريتاج..
تاج اتكعبلت و كانت هتقع لولا ايد جاسر..
تاج:شكرا..
جاسر:عادي.. يلا قدامي علي المحاضرة اللي هيدخل بعدي هيتطرد..
تاج و ريتاج جريوا علي المدرج و بعد خمس دقايق جاسر دخل..
جاسر:هنبدأ المحاضرة بتاعتنا مش عايز رغي..
جاسر بدأ يشرح المنهج..
جاسر:حد عنده سؤال؟!
جاسر:طيب...في امتحان المرة الجاية..
واحد:لا يا دكتور حرام..
جاسر:اعتقد سمعتوني مبحبش اكرر كلامي..
جاسر كان هيخرج بس لفت انتباهه حاجة و اتصدم..

_السؤال:حصل ايه؟!خمنوا🌚💜..
************************************
يتبع:::💜..
بحبكوا💜..
رأيكوا يهمني💜..
يا رب الرواية تنال اعجابكم💜..